你妳 (運通洋樓) (Closed)

好食是良知，信念一致都要食物入得口先得。見到呢間好評如潮，同芋泥控朋友一試，入座同落單時一位店員嘅態度唔太友善，好似畀人激嬲左咁，唔緊要啦香港人壓力大，食物正常就得啦，點知食物質素都強差人意，好彩我只係食個下午茶。私下同朋友分享先發現有其他苦主，去唔去自己衡量啦。 🍽你妳吐司套餐：芋見紫薯吐司配梅甘地瓜條 ($68⁣)吐司有芋見紫薯、肉鬆芋泥同紫薯泥肉鬆三款，配梅甘地瓜條或精選炸物籃。先唔講好唔好食，一撕開吐司嘅包裝紙就見到原隻小強屍體已經嚇親🙃店員當然換過份新嘅黎，吐司有烘過，但硬夾乾，芋泥同紫薯蓉份量幾多，都算幼滑，甜度唔高，但得紫薯有啲味，而且個餡凍冰冰，同我預想有出入。地瓜條炸到外皮脆身，甘梅粉比平時食開嘅酸，怪怪地。🍽甜品芋圓套餐：仙草3號配精選炸物籃 ($59)仙草3號有三色芋圓、包餡芋圓、珍珠同水晶，包餡芋圓厚實粉感重，三色芋圓食唔出各自嘅味，糖水甜度爆登，布丁就係兒時小食部嗰啲。芋圓套餐同樣配一款小食，叫左炸物籃，有蝦卷魚餅等，係全餐唯一擺得落口嘅食物。套餐包冬瓜茶或蜂蜜綠茶，問店員綠茶可否走糖，佢叫我加錢轉茉莉綠茶，換來有色凍水一杯。

·你妳You you手作芋泥台灣美食💛💛💛💛💛～～～～～～～～～·今次黎到係食下午茶，下午茶餐都有齊有名要試既美食😌👍🏽👏🏽👏🏽👏🏽·1️⃣你妳吐司套餐🍞🥪($58)＊有3款可以揀，有芋見紫薯、肉鬆芋泥、紫薯泥肉鬆，明明叫左肉鬆芋泥，諗住無咁漏，但最後黎左芋見紫薯吐司🙈🙈，掛住影相又無留意上錯菜，食個下先留意到😂😂😂＊吐司麵包加牛油烘過，熱辣辣又脆加芋泥紫薯泥，芋泥慢火蒸煮芋頭，無任何添加同香料，食得出嗰種天然嘅味道，紫薯泥帶點甜，食完有少少漏(score: 4/5)·2️⃣甜品芋圓套餐($49)＊有得揀凍嘅仙草1號2號3號4號，或者熱嘅桂圓紅棗同黑糖甜湯，最後揀咗仙草4號，仙草4號有三色芋圓、包餡芋圓、珍珠同埋荔枝爆珠，芋圓好煙韌，包焰芋圓有啲粉唔太好食🙈，珍珠都好煙韌，荔枝爆珠甜甜地有夠爆唔錯😌👍🏽👍🏽😆(score:4/5)·下午茶餐有得揀梅甘地瓜條或者精選炸物籃👍🏽😆·3️⃣精選炸物籃＊精選炸物籃係套餐包嘅，入面有幾款食物，有甜不辣、花枝丸、蝦餅等等，甜不辣同花枝丸都好好味😋😋，夠彈牙又夠味，其他反而冇咩一般，但每樣都有兩件咁(score:4/5)·4️⃣梅甘地瓜條＊梅甘地瓜條都係套餐包嘅，炸

初初佢新開個陣見佢啲野食都幾吸引 已經食過兩次 佢地既主食 小食同甜品都幾好食 但吐司就麻麻地 一黎到已經係凍晒 見最近又推出左兩款新既吐司 一款係黃金鹹蛋黃系列 另一款係白兔糖鮮奶麻糬系列 兩款系列都係有得再揀紫薯 地瓜或者芋泥 見兩款都咁吸引 好想去試下 就即刻約朋友一齊去食 我地星期五晏晝大約五點鐘去到餐廳 當時餐廳冇乜人 得兩至三枱左右 下午茶係兩點至到六點 岩岩好仲有得叫 我地唔太肚餓既關係 就叫左一個下午茶同一份吐司share食 下午茶餐揀左甜品芋圓套餐 揀左精選炸物籃同埋黑糖甜湯 精選炸物籃係用個籃上 細細份 有兩粒花枝丸同埋幾舊炸蝦卷 黎到係岩岩炸起 熱辣辣 幾好味 黑糖甜湯係用黑糖水做底 入面仲有紅豆 珍珠 同埋芋圓 有幾粒大粒少少既芋圓入面係有餡既 幾好味 食落煙煙韌韌 不過黑糖真係甜左少少吐司我就兩款都想試 但朋友就想試左白兔糖個款先 咁一次就試唔到兩款 咁就試住一款先 我地揀左紫薯白兔糖麻糬吐司 吐司黎到係暖暖地 都幾大份 一個人食晒一份應該會太飽 兩個人share食一份應該就會岩岩好 吐司食落冇乜味 偏淡 唔會話好甜 初初以為係白兔糖一定會好甜 但完全冇白兔糖