滄浪亭

Open Now

Now Closed

🍜糖醋排骨麵💰$65🍲菜肉餛飩💰$49🥢肉絲湯年糕💰$58.⚡️上海野可以話係小女子最愛嘅菜系之一！滄浪亭其實係二次回訪，對上一次食已經係大學時期，今次再訪試下佢水準有冇退步到～.⚡️🍜糖醋排骨麵係必試之選，份量超大，排骨量驚人，不過略嫌骨頭比例太多，酸甜味道依然得宜～而🍲菜肉餛飩就饀料爆滿，食落好有滿足感；🥢肉絲湯年糕口感煙韌，湯底亦清甜🥰

嫩雞煨麵 $53湯底呈奶白色，味道濃郁又唔會膩。麵嘅質地唔會過軟腍，雞肉同菜嘅份量唔少，小唐菜豐富咗個口感，略嫌雞肉唔夠嫩滑啫，如果唔係就好perfect! 😍糖醋排骨麵 $63湯麵同排骨係分開上，湯麵係紅燒湯底，唔會太清淡，麵底都係上海幼麵，好滑身。糖醋排骨好香脆，炸粉唔會過厚，亦唔會油膩；調味亦都好好，黑醋味唔會嗆鼻，酸酸地好開胃，有驚喜😋 〰️〰️〰️〰️〰餐廳食物味道唔錯，而且份量好足，好抵食，CP值高！👍🏻餐廳經常都大排長龍，今次我哋好好彩，等咗15分鐘就可以入座。店舖比較細，座位唔多，有啲窄，見到個店員都要左閃右避，小心翼翼咁先可以落單傳菜。2個人基本上一定要搭檯，如果好注重空間感嘅朋友仔，真係要慎重考慮吓😌 雖然餐廳keep住好忙，樓面人手亦只得一個，但店員都好友善，做嘢亦爽手有條理，唔會做到踢晒腳亂晒籠，值得一讚😃〰️〰️〰️〰️〰️食物: 4/5性價比: 4.5/5 環境: 3/5服務: 4/5Revisit: Yes

見到IG其他人介紹，咁岩經過就去試下，但係就覺得味道中規中矩，主打係價錢實惠🤔（5分為滿分：🌕）味道：🌕🌕🌕🌕🌕🌕🌗🌑🌑🌑嫩雞煨麵($53)奶白色既湯底好吸睛🤩麵同雞既份量都好多，味道唔算好突出，中規中矩咁😀糖醋排骨麵($63)糖醋排骨既炸粉有啲厚，同埋個醬我覺得偏酸，食多幾舊好快滯左🤣個都係我鍾意食既幼麵質地，不過真係太大碗🤣香酥雞麵($53)其實個感覺同糖醋排骨都幾似🤔，只係少左啲醬，同埋份量取勝，最後我地都食唔曬🤣雞絲粉皮($40)呢個雞絲粉皮都好大碗，調味黎講算係唔錯，但啲粉皮略嫌太硬，口感食落就麻麻地🥲同埋啲醬太多，無平時食雞絲粉皮個種爽滑感🥹🥹價錢：🌕🌕🌕🌕🌕🌕🌕🌕🌑🌑而家周圍食野都唔平，呢個價錢黎講算係幾抵食，大部分麵麵係$50-70左右，但份量好大份😎小食有好多選擇又唔貴，如果想經濟實惠咁食一餐麵算係唔錯既選擇🤪交通：🌕🌕🌕🌕🌕🌕🌑🌑🌑🌑位置蕪湖街既地鋪，都你係黃埔同紅磡站中間個啲位置😂天氣熱行過去有啲熱🥲🥲咁岩見到傍旁邊有間打卡cafe，下次要去試埋個間先🤪環境：🌕🌕🌕🌕🌕🌕🌑🌑🌑🌑鋪位入面比較細，枱同枱之間都會放得比較近，大約有4-5張3-4人枱，所以多人黎食可能就

🇭🇰滄浪亭·呢間我哋本身係諗住去睇張敬軒演唱會之前去食嘅 但係發生咗啲好蠢既意外🫢我哋最後要企喺紅磡站度食飯糰 所以我哋近排就再專登去食翻啦🤣🤣·糖醋排骨麵$63 l 嫩雞煨麵$53佢碗麵超級適合冬天食 因為佢係真係勁熱辣辣 食完係由個肚入邊暖出嚟🥰我自己就鍾意排骨麵個湯底多啲 佢係一個飲落好舒服既上湯 而且好夠味 之後嫩雞煨麵個湯底就係奶啲嘅😎之後佢個麵煮得超好 食到最後都仲係好有咬口 唔會淋晒🤤之後佢兩碗都超多餸 而家佢個糖醋排骨調味唔錯 不過佢呢個就係一粒粒個種排骨 食落口感冇咁爽 我哋之後見隔籬枱嗌嗰個糖醋豬扒好似啖啖肉的🫢😈😈·#rbyeat#rby中菜#rby紅磡 #rby美孚·📍紅磡蕪湖街111號蕪湖居地下C1號舖📍美孚美孚新邨第二期平台65號舖

酒店地下屹立不倒嘅人情味小店，住hall嗰時諗唔到食咩就會去食，就算而家冇hall住，肥西都會專登返去食🥺👅糖醋排骨麵 ($59) 8/10呢間嘅糖醋排骨係cls 咁好食，仲要成大碟熱辣辣咁上😗炸粉厚度剛剛好，仲要啲排骨有肉唔鞋，keep到些少肉汁。淋上黑醋味濃嘅糖醋醬，但完全唔影響排骨嘅香脆，一啲都唔油膩，我願意就咁叫一碟自己啪晒佢🥲講返碗麵，唔好以為佢睇落好清，但紅燒湯底夠味，啲麵幼身得嚟都有啲咬口，不過浸得耐會變淋，記住快啲食～👅雞絲粉皮 （$38）7.5/10海量超濃花生味嘅麻醬，晶瑩剔透嘅滑嫩粉皮，加埋雞絲同芝麻，真係難啲唔好食🌞如果雞絲可以多啲同滑啲就更好，不過要讚啲粉皮厚薄均勻夠爽口，唔似出面個啲淋到河粉咁🌚👅肉絲春卷 ($26) 5/10係到食過唯一一樣伏嘢🤡又油又少餡，廢事嘥口水講佢，總之唔好嗌🙏🏼👅冰豆漿 ($8) 7.8/10大杯順滑好飲唔甜，不過點都好，食麵飲凍豆漿是常識吧？👅總結肥西食過無數次嘅經驗，最好食嘅麵絕對係無咩人講嘅蔥油拌麵，好多人都推介嫩雞煨麵，但creamy 嘅奶白湯底肥西唔喜歡🥲仲有大排麵嘅排骨都正！！____________________

滄浪亭嘅門面唔多起眼，之前經過都無留意到呢間食上海麵嘅鋪頭，都係見朋友大讚再搵先知喺到～呢間小店嘅上海麵都幾正宗，比之前食過嘅連鎖店更出色！•🥢 糖醋排骨麵 $59糖醋排骨份量好多，炸皮唔會太厚，排骨唔嚡，糖醋汁係淋係面，都有多可以自己點返，糖醋汁偏酸少少，但好開胃，糖醋包住酥炸排骨都唔會令到排骨淋晒👍🏻 湯麵嘅紅燒湯都好濃，令到麵食落都好夠味～•🥢 嫩雞煨麵 $50奶白色嘅雞湯好好飲！好濃郁！雞肉細細粒，有啲結實，唔會好淋，有少少鹹味，雞肉同菜粒都有唔少👍🏻 麵配埋湯同雞肉一齊食好入味😋

《滄浪亭》紅磡黑雨日🌑🌧因為工作要到黃埔，又揾下街坊小店開餐，由黃埔站行過黎大約6分鐘，可能因為太大雨所以唔係太多人🥲坐底前落單姨姨已經準備2杯清茶比我地，佢杯茶係自己用茶葉沖泡，而且幾好飲🤭《嫩雞煨麵》🐣先講份量，係一個超級大碗，湯底有重重既奶味但又有湯既清甜，起初我以為麵既份量超多，原來係雞肉同菜超多，成個底都係餸，淨係食碗麵都已經好飽《糖醋排骨拉麵》🍜哇！佢個糖醋汁係超好食，甜酸度岩岩好而且我覺得佢用黑醋同黑糖（我覺得啫無去證實），個排骨炸得脆脆，絕對推薦👍《雞絲粉皮》$38 但份量唔算好大，雞絲比例上算多，麻醬花生味較重，不過不失温馨提示：小店只收現金💰

-{黃埔上海菜🍜}好耐之前試過依間一次 今次encore左個麵加雞絲粉皮😋🤤大排麵🤤 ($50)個豬扒好脆😍好大份而且唔油😙不過肉就薄啲啲👀麵嘅份量好多😂麵嘅質素正正常常~👖褲評: 7.5/10🤤糖醋排骨麵🤤 ($34)炸得好酥脆😆但個炸粉有啲厚 自己麻麻地個粉咁潔身😂個麵都係差不多👀👖褲評: 7/10🤤雞絲粉皮🤤 ($48)細細碗但裝得好滿😂啲醬花生味好香😚另外雞絲有啲乾 勝在有汁搭救☺️👖褲評: 8/10好鐘意個雞絲粉皮~同埋大排麵都可以試😜不過唔洗特登黎嘅😗性價比: 8/10服務: 7/10環境: 7.5/10🚩滄浪亭🚩地址: 紅磡蕪湖街111號蕪湖居地下C1號舖美孚美孚新邨第二期平台65號舖 #fuudjai #fuudjai黃埔 #fuudjai中菜 #fuudjai紅磡 #fuudjai美孚

呢間滄浪亭之前係美孚食過，次次都要係門口排隊等位，因為美孚既位置實在太少啦，所以坐落都有啲逼，但今次係紅磡呢間食就唔同喇，感覺上地方比較大，而今次因為早去食，所以唔洗排隊😂😂一如美孚店，一入到去佢會提供熱茶比你，佢既茶係幾好飲既，比起外面杯茶通常係比你洗野，呢杯茶係真係飲得過，有淡淡既茶香～呢樣係用心抵讚既👍🏻但佢落單既方式係要叫出黎比個姐姐聽，呢樣野就真係麻麻啦😂全世界都知道你食乜，呢樣我諗可以改善下～至於menu既選擇以麵食為主，亦有水餃食，今次就揀左大排麵同糖醋排骨麵，同埋加左隻蛋同可樂～大排麵（$50）首先佢麵係同炸豬排係分開上既，以免個湯浸淋左塊豬排，呢樣係做得唔錯，而豬排既size都大，炸得亦十分脆，炸漿唔會太厚👍🏻至於麵底係上海幼麵，配合個湯都幾好，性價比都ok～而個糖醋排骨麵（$59）同樣地湯麵同排骨係分開既，排骨一樣炸得脆，配合埋糖醋亦可消去排骨既油膩，呢樣係唔錯，而個糖醋汁唔會太酸，食落好夾個排骨，而個麵就同大排麵一樣係上海幼麵，整體都係唔錯～至於個蛋係都好食，略嫌佢未係太入味，如果可以入味啲可以更加好食😋整體黎講呢間鋪係走平民上海野路線，服務方便就無得要求咁多，主

落雨又濕又凍，食碗熱辣辣嘅麵最好不過。聽講呢道出名嗌糖醋排骨麵同埋嫩雞煨麵，我同朋友一人嗌左一碗。糖醋排骨即嗌即炸，多肉唔多骨，上面淋左酸酸甜甜嘅醬，好好味。麵嘅質地幼身，湯底清清淡淡，配埋排骨食就無咁熱氣。一直都唔係好知究竟咩叫煨麵，原來湯底係牛奶味嚟㗎。雞去哂雞皮，質地同佢個名一樣，夠嫩。上面仲有唔少菜，非常健康～重點係佢地嘅麵嘅份量係超多，配堆野飲嘅話，男仔都未必食得哂！所以真係幾抵食架～！

紅磡都有好多間上海野食但我最鐘意都係”滄海亭”因為佢有好多選擇 主菜 小菜 甜品最重點 係分量好多 每次食完都抱住個肚走☺️食過咁多次我個人喜歡食紅燒軟排麵，糖醋排骨麵，嫩雞煨麵，所以推介俾大家😋🥇紅燒軟排麵佢地既紅燒軟排麵 暫時係我響香港食過最好食既煮得一啲都唔馬虎紅燒肉既肥肉同脂肪入口即溶每一舊仲要好大舊同有4舊咁多😋湯底都唔會過鹹同過淡美中不足 係個麵我覺得有啲淋不過我真係十分推介叫呢個🥈糖醋排骨麵呢個麵係呢度既王牌🎖糖醋排骨有一碟既分量咁多醬汁味道酸酸甜甜咬落去排骨仲要係啖啖肉😋炸得一啲都唔乾😍仲好juicy 🥉嫩雞煨麵鐘意清淡既朋友可以試下呢個麵湯底夠濃 味道調味岩岩好令本身呢碗只有菜同雞肉既麵層次更升華😍係張相都可以睇到啲料真係好足個湯真心好推介如果大家去到紅磡真心一定要試試呢間餐廳😗😗

經朋友推介第一次食滄海亭 位置係生記滷味對面 店舖唔算好大 但都算坐得舒服 唔算太迫 亦唔污糟 但位置始終唔算好多 晚餐時間都要等下位今次叫左嫩雞煨麵 湯底有淡淡牛奶味 菜同雞既份量都十分多 但略嫌雞肉質地較實 麵質亦比較似米線 唔似上海麵 朋友叫左糖醋排骨麵 我個人比較鐘意食呢個 排骨炸粉唔會太厚太硬 排骨質地都夠淋 最值得一讚係個糖醋汁 酸甜度岩岩好 另外排骨份量都好多 隔離枱既男仔都食唔哂整體嚟講 份量十足 價錢還算可以 未試過既可以一試

喜歡家庭式小店 多了份親切感店舖小小 叫野食真的是叫出來就得開放式廚房 老闆直接係廚房落單即叫即做 新鮮熱辣辣好味道特別鐘意呢度用的碗碟 都好中國風一碗滿滿的雞絲粉皮 勁多麻醬😍第一次食哂都仲有醬剩麻醬夠稠身但麻味唔夠濃粉皮好爽口 雞絲好多 個醬教濃少少就好perfect啦排骨好新鮮炸出 熱辣辣好香口 d糖醋汁超好味 甜酸平衡得啱啱好超惹味 食唔停口👍🏻👍🏻👍🏻上海麵比較淋身 湯底幾濃就咁食都唔覺寡本人就唔係上海菜專家呢個獅子頭正唔正宗我就唔識分但真係好巨型 但肉質都依然好淋好似巨型中式肉丸 呢個好食！

還記得有一次機緣巧合的情況下，去到美孚幫襯左滄浪亭。店舖少少，卻有家的味道。最記得就係當時冬天等左好耐位，然後飲左一杯好好味的熱茶。今日偶然下又諗起呢間小店，於是收工就去左紅磡呢間分店。去到已經8點多，其實好驚想食的東西會賣完。試過有一次想食水餃雪吞，點知賣哂雲吞。所以想食好野的朋友們就早d去啦。兩個人選擇食物的款式唔多。今次食左紅燒軟排麵、糖醋排骨麵、雞絲粉皮。味道好食而且好抵食。兩個人食，埋單都係$128。簡簡單單食返餐都不錯。最後小店的呀姨們好好人，好有禮貌，態度親切。小店細細，我地只要大聲點叫野食就可以了。而且小店鄰近理工大學宿舍，亦都吸引左一班大學生黎幫襯。

住左紅磡咁耐都未食過呢間野，直到搬走左咁耐先至有機會食到。坐低就一人叫左一碗麵＋每人一杯豆漿（大大杯）。糖醋排骨麵糖醋好似用左好多黑醋，個色同平時食既好唔同，深色好多，個汁帶有點點中國風味。排骨炸得香口，配上特製醋汁，味道一流。排骨並不是炸到完全沒有水分，口感不錯。分量都多，麵質OK，湯底不是很濃，加上蔥花，湯底味道更出。水餃雲吞皮有點過厚，不過很足料。份量多，不過皮厚，食多2隻就令人覺得好飽。總括而言，味道不錯，份量OK，用料OK，算有誠意的小店。不過姐姐落Order好似有D亂，整體不錯，會再幫襯。