滄浪亭

Open Now

Now Closed

要到美孚走一走, 便順勢睇下美孚有甚麼好吃. 見到此食店有高度食評, 就入黎試試. 糖醋排骨麵 - 排骨夠脆, （似即炸）份量都幾足夠. 糖醋都幾重味. 如配菜飯更加好😜 湯底個人幾鍾意, 沒太多花巧, 味道剛剛好.水餃锟飩雙併 - 湯底ok , 其實水餃與锟飩的餡料很接近, 食不到是兩款餃😂 同時, 略嫌餡料太碎, 沒有口感.雞絲粉皮 - 麻醬不夠多. 選用條狀粉皮, 夠精緻,易入口, 不會太厚. 只是出水太多, 食到後段, 會好淡,沒味, 而且成碟都系水😅

📍美孚 滄浪亭難得去到美孚就搵下有咩好食，見到呢間都幾出名就揀咗佢。𓇠 嫩雞煨麵 $50 𓇠呢碗係招牌，十個客有八個都會叫👀碗麵好大碗！湯底呈奶白色，用咗雞、奶同金華火腿熬煮而成🍲而且有好多小棠菜同嫩滑嘅雞肉，係一個健康嘅配搭🥬麵條幼身偏淋，我本身鍾意硬身彈牙啲嘅麵，但呢碗我都鍾意，因為麵條好掛湯，同湯底完美融合👍🏻🤩𓇠 糖醋排骨麵 $59 𓇠糖醋排骨同麵分開上，有十幾塊，好足料！排骨聞落好香醋味，但食落唔會太酸或太甜，調味岩岩好。而且佢係一口size方便進食，排骨即叫即炸，炸衣夠薄，口感酥脆。可惜湯底偏淡，如果再濃啲就完美😕PS 小店得四張枱，所以唔想等位就要早啲幫襯，平日1:10食完開始有人龍。🔺味道：4/5🔹服務：3.5/5🔸環境：3.5/5

位於美孚嘅滄浪亭係本部 雖然空間冇紅磡分店咁闊落 只供應5枱座位 但充滿小店風情————————————————————————🐕 嫩雞煨麵 ($50)🐕 🐔⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯滄浪亭人氣之選🔥🔥基本上十個有九個都會叫呢個食😂奶白色嘅湯底以雞 金華火腿同奶熬製而成🥛麵雖則偏向淋身 但掛汁一流👍🏻 完美融合吃出濃濃奶香 餘韻係口腔回盪 配上小棠菜碎解膩🥬雞粒幾碎 但雞味濃 又嫩👍🏻好想再食😍————————————————————————🐕 糖醋排骨麵 ($59)🐕 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯超足料！😱排骨多到堆成一座小山🗻肉同骨比例大概7:3 唔使怕舊舊都係骨👍🏻即叫即炸 炸漿夠薄夠酥脆👍🏻鎮江醋落得較重手 食落似鎮江骨多啲😂醬汁用黎送飯應該都幾正😂麵份量都大 ————————————————————————🐕 虎皮蛋🥚 ($6)🐕 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯水煮蛋炸後 放入醬油煮外皮凹凸不平 略帶靭度 質感會似薑醋蛋食落咸甜咸甜😋好似滷水蛋😂————————————————————————

住咗咁耐都係第二次去食滄浪亭 因為平時太多人排隊啦 店舖其實都幾細間 下次應該會買外賣返去食🤣 今次等咗十分鐘左右 入面員工服務態度都好好 糖醋排骨麵我地嗌咗兩碗面都好大碗 醋排骨兩個人食 多到食唔曬 每一舊都好大舊 炸到好香炸 不過我覺得可以再酸d 會更加惹味😋獅子頭麵雖然得一舊獅子頭 但係大到好似網球咁 我覺得佢比糖醋排骨更加好食 好入味 兩碗都食唔曬 下次堂食應該兩人食一碗再加多份小食就剛剛好 我地仲加8蚊豆漿 唔算大杯 但好飲