喜運點心專門店 (Closed)

又做回收，所以又去石門開餐，唔知係咪會有部分人去親回收都過石門食飯呢？本身想食吉豚屋，但都幾多人下，蒸蘆更不用說啦，於是在地下行左兩個圈，入左喜運食點心。逐一品評：1. 糯米雞：好快就上枱，溫度都夠熱，外型四正，但餡料遜色，基本上只有些雞肉碎，汁少，但整體也不會太乾2. 牛栢葉：味道正常，普普通通3. 千島炸蝦角（個名好似係咁🤔）：重拾童年回憶之選，整體不錯，蝦肉多，不過記得襯熱食，因為有一粒留到最尾先食，表皮明顯腍了4. 排骨陳村粉：最不喜歡！排骨味道幾好，不過陳村粉好齋，食腸粉好過5. 叉燒膠：算滑，多叉燒，而且有莞茜味，我最鍾意這款！沒有拍照，但都想提提，膠碗及匙羹質素需改善，因為膠碗似被腐蝕了點，匙羹邊染有咖哩色

不一定上酒樓、不一定要去茶餐廳。在石門站出口發現一間起運點心專門店，裝修幾特色，所以同屋企人入去試吓。四個人叫了一盅排骨飯一中鹹魚肉餅飯很不錯，尤其是鹹魚肉餅飯，非常嘢味。另外一碟牛肚味道很好，就是細碟了少少，虎皮尖椒夠靚又好味，糯米雞夠大隻，味道不錯，略嫌糯米太綿，口感不夠，另外一盅燉湯火爐十足，標榜不含味精，非常好味，潮州粉果很少見一籠有四隻，幾抵食，最後叫了三個糖水，桑寄生蓮子蛋茶不過不失，兩碗薑茶湯圓夠熱及夠姜味，也ok. 喜歡吃點心的朋友，值得一試。

星期六下午四點同老公去石門按摩，本來諗住按完去新城市搵埋阿囡一齊食，但按完之後好攰，又似好快會落雨，於是就喺石門食晚飯，去左一間好近馬鐵出口嘅點心專門店。入到去裡面雖然座位不算多，因為時間早（六點），所以即刻有位。按摩完好肚餓，於是我地三個人點了八款食物：一個是日精選燉湯 - 海底椰雪梨瘦肉燉湯，呢個湯冇味精，好足料好夠味道👍👍👍👍👍啱曬鐘意飲湯嘅我。一盅豉椒鳯爪排骨飯，呢個飯同樣好多料，仲有菜，飯唔爛一粒粒咁，好味👍👍👍👍👍一碟油菜，菜唔油膩OK👍👍👍糯米雞好大隻，糯米都算軟綿，如果有冬菇就更加好👍👍👍鮮蝦炸雲吞好好味，啲皮好脆蝦好新鮮👍👍👍👍上肉響鈴腸，腸粉捲住入面有脆脆嘅響鈴、瘦肉同𧎚，三種配料份量適中，好味道👍👍👍👍竹笙素翅湯餃，皮夠薄，湯底味道很濃又夠熱，加埋薑絲淅醋，超正👍👍👍👍👍還有金錢肚，比較稔，味道ok👍👍👍仲有菊花茶，好香菊花又唔太甜👍👍👍👍總括而言，價錢合理，好味道。