喜運點心專門店 (Closed)

星期六下午四點同老公去石門按摩，本來諗住按完去新城市搵埋阿囡一齊食，但按完之後好攰，又似好快會落雨，於是就喺石門食晚飯，去左一間好近馬鐵出口嘅點心專門店。入到去裡面雖然座位不算多，因為時間早（六點），所以即刻有位。按摩完好肚餓，於是我地三個人點了八款食物：一個是日精選燉湯 - 海底椰雪梨瘦肉燉湯，呢個湯冇味精，好足料好夠味道👍👍👍👍👍啱曬鐘意飲湯嘅我。一盅豉椒鳯爪排骨飯，呢個飯同樣好多料，仲有菜，飯唔爛一粒粒咁，好味👍👍👍👍👍一碟油菜，菜唔油膩OK👍👍👍糯米雞好大隻，糯米都算軟綿，如果有冬菇就更加好👍👍👍鮮蝦炸雲吞好好味，啲皮好脆蝦好新鮮👍👍👍👍上肉響鈴腸，腸粉捲住入面有脆脆嘅響鈴、瘦肉同𧎚，三種配料份量適中，好味道👍👍👍👍竹笙素翅湯餃，皮夠薄，湯底味道很濃又夠熱，加埋薑絲淅醋，超正👍👍👍👍👍還有金錢肚，比較稔，味道ok👍👍👍仲有菊花茶，好香菊花又唔太甜👍👍👍👍總括而言，價錢合理，好味道。