粒粒果甜品 (Closed)

最近我見到好多朋友的IG都有食一間甜品舖人氣滿滿，連電視都有報道過，今日食完飯係附近就心思思走左去食la。餐廳裝修係小青新風格！而且店鋪乾净企理。我地一人叫左一個甜品包括;榴蓮星球配椰汁西米，水果星球配西瓜汁西米，紅棗雪耳燉桃膠和粉紅季節。水果星球配西瓜汁西米：水果星球是啫喱裹面包住唔同的生過，例如有芒果、西瓜、奇異果。水果星球外表晶瑩剔透！打卡令之餘仲真係好好味的。而西瓜汁西米的味道絕對無溝談。榴蓮星球配椰汁西米：呢個甜品水果星球差不多，不過裏面包的就係榴蓮，我就唔食榴蓮的！但友人未食我都已經聞到陣陣的榴蓮飄香。友人食完就話非常滿意la。我都好鍾意呢杯粉紅季節！呢杯係草莓奶昔，味道不會太甜而且有新鮮的草莓果肉，外型仲好吸睛！！飲品上面有拉花，係一款精緻的甜品藝術。紅棗雪耳燉桃膠：絕對係養身之選，裏面的材料紅棗，雪耳同桃膠都係女士顏身美顏的食材。

飯後不可缺少-甜品我地三個一開始點嘅嘢都賣晒最後揀左薑汁珍寶芋圓（熱）& 紅棗雪耳燉桃膠 （熱），美中不足嘅係薑汁芋圓半暖半凍，桃膠就太過熱，放入口之後燙到條俐下次再嚟試下啲粒粒水果先。

記得呢個位前身係間唔起眼既糖水舖，呢日經過見到光猛左好多，店內轉哂小清新風，先知原來轉左第間餐牌上有唔少新式甜品，難怪咁多後生仔女幫襯。正如店名粒粒果，大部分既甜品都加左新鮮水果芒果又熟又淋甜，配埋同口味既雪糕，好芒果～芭菲仲加左椰果、粟米片同奶凍，食落層次豐富啲，無咁寡。賣相好得意既牛奶小方，入口奶香濃郁，滑得黎又有啲Q彈，味道岩岩好唔會太甜每次去食糖水總會嗌份窩夫，每客送兩球雪糕，兩者一齊食絕配窩夫烘得好鬆軟，紅豆足料蜜甜，如果綠茶雪糕再濃啲甘啲就更正隨窩夫仲送earl grey解膩，好貼心見舖面貼左唔少雜誌剪報推介呢款水果星球，味道果然唔錯波波好爽滑，一咬落去食到鮮甜多汁既水果，同椰果涼粉一齊食清涼解渴，夏天必點呀仲有中式既養身糖水糖水落足冰糖，加埋紅棗一齊煲，甜到入心。仲有豐富既雪耳同桃膠，口感帶少少漿漿地，飲落都feel到膠原滿滿呀