城寨風味 (Moved) New Location

朋友介紹了很多次。 終於有時間來試下。 見到左右兩枱都叫乳鴿。 又叫一只食下。真係唔錯， 啲肉好滑， 又入味，骨都想食埋。 但同樣係味部的乳豬就差得遠了。 脆是很脆， 但皮還皮，肉還肉甩哂的。 無咩口感。 之後來了個鄉下炒銀芽。 其實是芽菜仔炒粉絲加點江瑤柱。 當然，沒有江瑤柱就賣不起價啦！ 但本身啲芽菜都炒得幾乾身。 而且粉絲也爽口，不失為一碟好餸的。 最後來一個鮑魚雞粥。 雞件很多，足料。 但不知是不是小雲眼大睇過籠弓， 睇少個字。 應該係“仿”鮑魚囉！ 講埋個粥底， 好一般。 如果唔係好鍾意食粥的， 最好唔好點。

九龍城既食店真係愈黎愈多元化，今次食既係中菜，城寨風味呢個名改得幾好，有九龍城既特色！食店裝修得古色古香，主調係中國人最鍾意既紅色，充滿喜慶既感覺！一入門口仲擺左個鼓，吸引唔少小朋友經過都要敲幾下！雖然店內擺設充滿中國風，但係播既歌竟然有流行曲同英文歌，新舊交融，真係估佢唔到！同埋店員都好年輕醒目，反應夠快，招呼周到！  四川口水雞：在座朋友唔係全部食得辣，所以叫一樣辣度比較溫和既四川菜作為前菜，大家可以淺嚐一下！味道小辣帶少少麻，唔會好刺激，辣香提升左雞肉既鮮味，而且雞肉都好滑，最鍾意沾滿花生粒食落更加香口！   紅燒乳鴿：皮脆肉嫰，咬落去仲有肉汁流出添，唔會燒到乾爭爭，非常難得，好耐冇食過咁juicy既燒乳鴿，點少少淮鹽，滋味無窮！賽螃蟹伊麵：平時芝士龍蝦伊麵食得多，伊麵配賽螃蟹都幾有新鮮感！估唔到又幾match,滑溜既蛋白加上爽口既蝦仁同帶子，口感豐富，落少少陳醋令味道更有所提升，伊麵底亦變得清爽，冇左一貫既油膩感！食到差唔多經理更送上蕃薯糖水，非常好客！糖水薑味十足，蕃薯軟硬度煮得岩岩好！   如果要同長輩食飯或者帶外國朋友食中菜，我覺得呢間餐廳真係一個唔錯既選擇，食物有水準，