Video
Telephone
27180801
Introduction
Retro Chinese restaurant with old Chinese-style decor and utensils. Offers different styles of Chinese cuisine, so you can taste the food from many areas of China in one go.
continue reading
Opening Hours
Mon - Sun
11:30 - 00:00
Above information is for reference only. Please check details with the restaurant.
RELATED ARTICLES
Review (246)
三兩知己欲一面欣賞美食，一面暢談，又或親朋戚友成羣的聚會，城寨風味是我的首選。由南角道遷址到九龍城廣場，酒樓仍然保留精緻的佈置和舒適的座位， 由於座位充足，所以沒有時間的限制，可以輕輕鬆鬆沒有壓力的去享受。食材和菜式方面，都是經過嚴格的精挑細選，招牌菜包括即燒乳豬、糯米蒸糕蟹和胡椒燒鴨等，都是火喉夠鑊氣足的，而特別介紹鳯舞手撕雞、東方之珠和不是粟米，不單色香味全，更是廚師用心做出來的「藝術傑炸」，就算是咕嚕肉、滷水豬仔腳、煎蛋或豆腐這些一般的家常菜，也做出不一般的味道！
continue reading
大家以為佢既乳豬同一般茶樓既燒腩仔差唔多，就錯晒啦！佢地既師傅勁好心機，會切走係脆皮同肉中間大部份既脂肪肥膏，食多件都唔使擔心肥幾磅，要食呢款手工脆皮豬，千奇唔好肚餓到爆時去食，因為師傅要時間切，美食係要耐心等待既。除左脆皮乳豬，另一款must order item就係啫啫芥蘭煲，芥蘭唔係咁容易handle，佢地既芥蘭超脆口，配上啫啫汁，用煲仔飯style上枱，d芥蘭送到黎仲係熱騰騰，店員仲會幫你搞下佢唔怕痴底，煲仔發出既芝芝聲配埋熱騰騰既香氣，真係未食就流晒口水😋
continue reading
九龍城算是舊區飲食天堂，包羅萬有，以泰國菜為最多，大部分是小店經營，廣東菜反而比較少。今天朋友介紹，專誠到訪一嘗美食。坐下看完菜牌，猛多想吃的東西，猶豫不決之際，部長過來介紹特價套餐：龍蝦伊麵加即燒乳豬，盛惠$498，保證一定好吃。既然這樣，那就照單全收。先來上湯龍蝦伊麵底：香氣四溢，蝦肉爽口，撲上薄薄湯汁，帶出鲜味，配上伊麵，一口不留！跟著炭燒乳豬上場。第一口感就是似吃餅乾，薄薄而鬆化脆口，全不帶肥，肉質嫩滑。幾經打聽，原來是用了越南來的四斤重乳豬，相比兩星期前嘗過的天下第一豬，更上一層樓，真是一豬還有一豬高！
continue reading
六月份係叉燒妹和阿二佬既生日月，首先當然係慶祝左阿二佬嘅生日先。七大兩細一行九人預早訂位，片皮鴨、乳豬、響螺湯、翅湯和豉油王大蝦都是預先訂好的。之前食過好幾次，菜式出眾深入民心，所以今次亦想介紹比對食物嚴謹的媽子，希望過到佢嗰關。 首先來個烏雞響螺湯，開頭訂位訂湯時夥計沒有特別說明，原來燉湯是以每一位起計，所以這個湯要是非常出眾才能解釋到佢嘅價格。一大鍋湯絕對足夠九位或以上分，一大碟湯料絕非求期，響螺份量夠，看似大量豬肉和原隻烏雞，這一部份合格。另外鋪面湯油已經處理過，所以沒有多餘的湯油，大家都看得津津有味。過關。 之後到竹笙翅，雖然不是排翅但是份量好夠，只是竹笙已經切件，如果可以原條上會更加有口感。味道亦都合格，以紅燒翅來說冇投訴，訂位時夥計說是四至五人份，個人覺得絕對足夠九人或以上。湯渣實在太多，所以阿媽子決定那回家和小狗分享，本人絕對支持不浪費。 跟住到脆皮乳豬，所有人都對此非常讚，皮和肉是分開，因為他們已把中間的肥膏已處理過，所以食起來是不會太油膩，小朋友覺得特別脆，大人也很喜歡，以九人來說半隻份量絕對足夠。阿媽子當然不放過豬頭和豬腳，帶回家給小黃和細黑分享。 片皮鴨出品視覺上不錯的，不過試過一件之後覺得他不是所有鴨皮都是同一水準出品。包皮算是接受，不過最後底部的那幾篇實際癡得太實，基本上分不開，其實可以考慮好似其他餐廳用牛油紙分隔。青瓜和蔥絲份量算啱啱好，片皮鴨片有肉有皮，也不會太油膩，只是部份鴨皮算是上庄部份，所以比較硬，不太達標。上台時我們覺得份量有點少，所以也問吓夥計，到底是一隻還是半隻，起初他說只會半隻但後來又說是一隻，感覺上他也覺得份量有點少。 脆皮牛坑腩，個人口感覺得可以煮得嫩口少少，不過牛味濃皮趣，小朋友非常鍾意。 蜜糖欖角骨味道不錯，分量足夠九人，如果比起其他餐廳覺得他的肉還能炸脆一點，口味會更佳。 豪仔煎蛋係阿媽子特別點，不是特別個人的口味，但是也覺得蚵仔大細適中份量夠，加上是煎蛋，阿辣妹表示鍾意。 豉油王大蝦上枱時覺得它不太算是”大”蝦，不過阿二佬的自愛，所以他表示歡迎。個人沒有試過，不過大家都說不錯，一個信字。 金銀蛋莧菜，現在算是現在季節當造，所以特別新鮮，對我有沒有投訴。 什菇伊面，亦是阿媽子特別挑選的。起初感覺不是什麼特別菜式，但是也算是一個驚喜。炒得非常好味道也是大家的口味， 點解？因為9秒9已經清晒。 最後當然係拿出一早準備好的Sift的cupcake作為生日蛋糕，阿二佬表示開心，小朋友也急不及待唱生日歌和”幫忙”吹蠟燭。九個人12個cupcake，自己揀自己鍾意嘅味道，不用打架最好不過。 總括來說是一間有質素的中餐廳，菜式尚算出眾和特別，雖然價錢不是最大眾化的，不過出品方面也顯示到價格要求，所以接受，下次會encore 。
continue reading
幾年前食過一次印象幾好，今次朋友請我們來再食過，這裏有代客泊車，揸車來好方便。 當晚我們點了的菜式有椒鹽豆腐， 米蘭野菌焗帶子， 招牌即燒乳豬， 芥末蝦球， 啫啫芥蘭煲，砂鍋鮑粒瑤柱炒飯， 最後還有紅豆沙做糖水。椒鹽豆腐外層脆卜卜，入面好滑。米蘭野菌焗帶子， 野菌做得夠乾身， 上菜的時候很香， 帶子比較細粒但好鮮甜。招牌即燒乳豬， 果然是招牌菜， 乳豬皮做得好香脆， 肥瘦適中， 肉汁豐富。芥末蝦球， 啖啖肉的蝦球非常好味。啫啫芥蘭煲， 火喉十足，食到有肉粒的鹹香味，十分惹味。砂鍋鮑汁瑤柱炒飯， 質感有少少濕， 味道調教得很適中。最後還有紅豆沙做飯後甜品， 甜度適中， 入口香甜。平時到九龍城好多時只記得吃泰國菜， 其實城寨風味的中菜也很有水準，雖然價位不算太平，但菜式保持質素。
continue reading