Foxglove

Open Now

Now Closed

今日喺中環入咗一班好耐冇見嘅朋友仔，大家心血來潮想食中菜，之後搵到呢一間喺好有浪漫氣氛嘅煤氣燈街隔離嘅一間中菜廳，其實我之前都嚟過呢度去聽音樂，入到去之後發現每一台都係有好多嘅女士。中我啲朋友一齊到個set lunch menu，以為係咁多樣嘢要揀其中一樣，最後發現原來個頭盤係包晒所有嘅餸，全部有十一樣餸。我哋咁多人食咁所以就一人一份，我覺得個芝士漢堡春捲係最好食嘅，呢啲fusion菜成日都有啲驚喜，其他就係一啲比較傳統嘅中菜，個水晶宮菜餃上面仲有啲金箔㖭，睇落去都幾高級，都可以用嚟呃下followers。之後我同啲朋友揀咗唔同嘅主菜，上菜係有啲慢，因為成間餐廳得四五個侍應，但係總共有大概六七十食客喺間餐廳，我哋大約係十二點半叫嘢食，要到大約一點半先至上齊啲菜，想得最快嘅係黑松露雜菜炒飯，之後係我哋最多人叫嘅紅燒牛肉麵。紅燒牛肉麵啲肉好淋，啲麵嘅爽口程度都非常之適中，但係就得三嚿牛肉，略嫌有啲少。呢一個紅油抄手就幾好食，適合一啲平時唔係食太多辣嘢嘅朋友。

XO仔晚餐早已慣性地十點前散band，為與收遲嘅OT友一聚就要揀間C類食肆，幸好於中環區離其公司不遠已經有間「Foxglove」。通往店子有兩扇厚厚嘅玻璃門。門柄嘅設計尊貴獨特。襯返接待處陳列出嘅靚遮。小肥初次到訪，即被妹妹仔測試有否做特務嘅潛質，入座前先要找出開門機關！嘻嘻，好在抵步時忙於影相都有留意比二人早到嘅外籍客人如何進場，喺遮桶郁兩郁即順利過關。自動門一開，即進入第二個領域。最右方位置為酒吧區，共有九個高櫈吧位。室內嘅太空艙設計令本身樓底矮矮嘅用餐大堂更為寬闊型格，間開散座嘅透明抗疫膠板望落同個主題仲好夾添。中央個舞台擺出樂隊陣，相信不時都會有表演睇。洗手間旁嘅暗角位有個「Frank的圖書館」，細問下得知原來真係貴賓密室廳！眼見獨立洗手間內嘅洗手液樽玩傾斜喎，就估會係啲小玩意，點知郁極佢都冇反應，明顯係自己玩間諜玩上癮，過份敏感咗。酒吧餐廳柔和嘅光線令場內氣氛輕鬆，選用雲石餐桌好有氣派，配上厚墊皮櫈舒適大方。由於店子以酒客為主，服務生會等待食客點好菜方才呈上餐具。西式環境提供嘅係中式點心項目。餐牌共有三頁之多。上海小籠包（$55/三件）：或許係因為冇期待下先會有驚喜，大大隻嘅

環境5分：神秘大門入到去係高級西式餐廳加酒吧格局，環境畀硬滿分。衛生4分：碗碟餐枱都好乾淨，衛生可以畀四分。服務4分：知客態度最好，帶完位會推介埋餐牌上邊D招牌菜最受歡迎，一樣畀四分。味道4分：1)     蝦多士有四件，炸到非常之脆，配上甜酸醬非常惹味。2)     海膽蝦餃個海膽分量非常充足，滿滿鋪滿响蝦餃上面，視覺上非常澎湃，當然蝦餃入面Ｄ蝦都非常之新鮮。3)     上海小籠包好大隻又好多汁，個豬肉餡好嫩好軟熟。4)      蜂巢芋盒非常大件，芋頭蓉好多，外圍炸到好脆。5)      紅燒牛肉麵一碗有四至五嚿牛肉粒，好淋，配上煙煙韌韌嘅上海麵非常好食，上海麵又索曬Ｄ湯汁，最後連Ｄ湯都飲曬。抵食4分：夜晚有點心食已經好特別，仲要响呢Ｄ咁高級fusion西式餐廳配酒吧入邊食，真係大開眼界。每款點心咁精緻，有D仲要配海膽，碟碟都係幾十蚊，咁嘅地方同服務絕對抵食。

有去開hidden bar嘅朋友應該唔會對foxglove感到陌生，作為第一代嘅hidden bar，佢坐落喺雪廠街上面，外型有啲似買遮嘅鋪頭，點樣去就唔多講喇，大家上到去自己發掘啦疫情之前Foxglove會有現場音樂，配合酒吧嘅環境，絕對係放工想放鬆心情時嘅一大享受。一段時間冇黎，都冇為意餐廳推出左中菜Menu。今日上到嚟，就叫咗幾個唔同嘅點心，另外再叫咗兩個麵做晚餐。首先上菜嘅係安格斯牛肉包，外型有少少似生煎包，食落去安格斯牛比平日嘅生煎包更加Juicy。跟住叫咗芝士漢堡春卷，既有春卷嘅脆口，亦有芝士漢堡嘅口感，食落去感覺非常特別。之後叫咗炸薯條，方便一路食一路傾偈，薯條偏幼身，仲有少少薯皮係頭尾，炸得非常香口。主食方面，叫咗一個四川擔擔麵同一個紅燒牛肉麵，四川擔擔麵唔算太辣，有非常之濃嘅花生醬味，食到停唔到口，差啲飲埋碗湯。紅燒牛肉麵就相對清淡，但係勝在有菜有肉，比較健康。侍應非常之貼心，見到我哋兩個人就主動問我哋使唔使分開用細碗上，等大家都可以試晒兩隻麵。