古早味休閒台灣 (Closed)

晚上約７點已經要搭枱。紅燒豬軟骨麵($65)湯底係香濃既牛骨湯，豬軟骨有3件(2大1小)，豬軟骨肉夠腍，骨幾爽口，幾入味，幾好食。(個人口味: 3.6/5)酥炸雞扒湯麵($60)雞扒夠脆，夠惹味。麵湯好清淡，麵質似刀削麵，有趙口。(個人口味: 4.3/5)蚵仔煎($52)上菜時唔熱，薄，蠔少，無味，麻麻。(個人口味: 3.2/5)

在旺角女人街搵食之際，給這間餐廳的門口及樓梯吸引到，由樓梯到牆身都畫上極具台灣特色的油畫，見到餐牌價錢還很平民，所以就入內一試。雖然門口細細，但店內環境都頗大，未夠七時已經坐滿8成人客。厚厚的餐牌提供了好很不同的台灣美食，小食及甜品特別多，主食則不算太多的選擇。今晚倆口子選了一飯一麵一併盤。飯選了嘉義雞肉飯， 雞肉飯是嘉義人的平民美食，就好像我們的手撕雞飯一樣，只是他們會用一點點的油蔥酥來提味及撈飯，油蔥酥很香，不會太油，配撘著一片片的醃黃瓜來食更好味。麵選了紅燒豬軟骨麵，濃郁而帶有少少藥材味的湯底，配上燉到入口即化的豬軟骨，鍾意他們粗身的關廟麵，好咬口。而滷水併盤就併了豬耳，雞翼及腩肉，滷得入味，只是略厭腩肉有點瘦。

尼間台式餐廳屬於樓上鋪位，樓下有售台式飲品，茶味濃厚。叫左紅燒豬軟骨麵($65)，lunch set跟小食3款，飲品，酥炸鹽酥雞(跟餐叫加$19)，柳丁窩夫配雪糕($56)。豬軟骨有4件，肉質軟冧，唔鞋口。配以紅蘿蔔，小棠菜，仲有微辣既湯底，湯底濃郁，深啡色既肉骨湯，惹味。而且，麵條軟硬適中，粗身麵條有口感。小食視乎每日安排，今日係黃瓜片，醃菜，春卷，開胃之餘，亦有小食食下。而跟餐優惠價既鹽酥雞，質素出奇既高，初初以為可能4至5粒，但係上枱時有8至9件，唔係一粒粒，除左炸皮薄之外，肉質滑而唔乾，一d都唔馬虎。跟餐飲品選擇左熱珍珠奶綠，唔駛加錢。珍珠沉低，份量超多，唔會煮得過熟，仍然有煙韌口感。而茶味非常突出。窩夫即叫即整，配上朱古力醬，加上冰凍雲呢拿雪糕。橙塊切走左白色既橙衣，所以食落易咬爛，而且甜，上面仲有士多啤梨添，甜品有賣相有味道。整體，價錢大眾化，而且lunch時間都可以散叫，所以任何時候想食咩款式都可以。服務亦好，食完會清走d碟，上菜速度亦快。

去旺角逛街最頭痛係搵野食, 尤其係晚餐, 大部分性價比高嘅餐廳動輒都要等15分鐘以上先有位。今日放工同老婆, 表妹去旺角買完電話之後, 正頭痛去邊度開餐, 表妹提前去亞皆老街嘅古早味休閒台灣食, 佢話呢間台式餐廳入口比較隱蔽, 仲要行上1層先到, 所以好多人都唔知呢度有間餐廳, 比較容易搵位。我地未夠7點已經到餐廳, 餐廳裝修非常富有台灣風格, 樓底上的壁畫色彩鮮艷, 餐廳雖然位於人流旺盛嘅女人街, 不過正門俾攤檔擋住, 如果唔係表妹帶路我地都未必搵到。餐牌圖文並茂, 菜色非常多, 晚市套餐由$65起, 價錢已包括一杯台式飲品, 另外仲可以半價加配小食。我地點左一客晚餐, 再加左幾款台式食物share, 可以試到多d款式。😁台灣刈包 $25老婆好鍾意食刈包, 呢款台灣刈包包身鬆軟, 扣肉唔會太軟腍, 口感爽滑, 味道唔錯。宜蘭蔥餡餅 $14跟餐半價嘅蔥餡餅外層煎香, 豬肉香蔥餡料豐富, 一碟有4件, 非常抵食。👍乾煸四季豆配白飯 $65晚餐嘅小菜乾煸四季豆味道有驚喜, 四季豆爽口入味, 肉碎份量都好多, 配白飯食, 好惹味。😋麻油炒腰花 $88麻油炒腰花份量好多, 全碟都係豬腰, 口感

這天經過旺角女人街附近，見到一間叫『古早味台灣原味』的台式料理，想起都有一段時間沒吃台菜，餐廳又不用排隊，於是決定跟朋友進去試試看！餐廳在二樓，要先經過一條畫滿台灣景色的樓梯上去，很有特色，蠻適合在這兒拍照打卡～晚上7點入座已坐了8成人，餐廳的裝潢簡潔舒服，不會太擁擠。餐牌上全都是台灣獨有菜色，熱食、飲品都有很多選擇，而且甜品全都很吸引～不過我們想叫多點咸食，所以沒有點甜品。「紅燒豬軟骨麵」，湯底濃厚，豬軟骨肉質頗軟和很入味，麵條亦夠彈牙，很有台灣的地道風味，必試！「嘉義雞肉飯」的醬汁又甜又香，淋在雞肉絲上再配上白飯，吃起來十分開胃，是一道簡單得來美味的菜色。 「黑糖薑母雞翼」一碟有4隻，乍看之下好像沒什麼特別，但味道很有驚喜！獨特的黑糖薑母汁與雞翼出奇的夾，甜得來能帶出雞肉鮮味，令人十分回味，必點～「蚵仔酥」炸得既香且惹味，炸皮夠薄夠脆，蚵仔大大粒，不過分量不多，不夠吃……LOL「仙草奶綠」要了少甜，我們覺得甜度剛剛好，奶味不太明顯，但茶味夠香，配上清甜仙草，忍不住一口接一口的喝下去～ 二人埋單一共$218，個人覺得很抵吃，亦令人想起台灣的地道風味，坐得也很舒服，很值得一試！ ---