燈籠滷味 (登龍街) (Closed)

今晚同朋友黎到呢間長隊店食晚餐，排左成個鐘先有位。我地分別叫左三個唔同既配搭，再加一個綜合芋圓加仙草。飲品分別叫左黑糖珍珠奶綠、紅茶豆漿、冷泡桂花烏龍。王子麵配百頁豆腐、高麗菜、彈牙貢丸。王子麵好鹹又好乾，百頁豆腐口感似啫喱，高麗菜正常，貢丸冇特別彈牙。冬粉配大腸、白蘿蔔。冬粉都偏鹹，因為汁鹹。白蘿蔔有幾舊係苦既，唔入味。大腸正常。米線配豬腱肉、玉米荀、甜不辣。米線最好食，豬腱肉鞋既，玉米荀普通，甜不辣似年糕版魚餅。黑糖珍珠奶綠叫左半糖都好甜，特別係珍珠好甜又唔煙韌。紅茶豆漿正常，豆漿味比較出。冷泡桂花烏龍桂花味比較出，茶味比較淡。綜合芋圓加仙草係我食過最難食既，又硬又過甜，味道好怪，唔推薦。呢間食物好普通，份量又少，完全唔值得排隊去食，唔會再食。

聽說位於台北師大夜市的燈籠滷味終於登陸登籠街了，冇得去台北食，就唯有去過江龍試下！燈籠滷味與香港常見的潮式滷味不同，是熱食的，會加入蔬菜、麵食到滷湯之中熬煮，與我們的車仔麵有幾分相似。店鋪有兩層，我們剛好被安排坐於招牌前影起相來特別有feel!店子的秘製滷湯湯包由台灣總店直送，而且配料選擇多，我就最喜歡鴨血，甜不辣，和豬耳。鴨血爽口嫩滑，但如果入味啲會更正。豬耳脆卜卜，大腸甘香，甜不辣，不甜不辣，滷汁味道，口感煙韌帶嚼勁百頁豆腐嫩滑，蘿蔔吸盡滷汁，很讚。麵底選了台灣王子麵，爽口彈牙，盡吸滷湯精華，正！雞炸到金黃酥脆，咬下Juicy, 配上清新蘋果，剛好去一去膩。當然要番杯台式特飲，珍珠夠煙韌彈牙

唔洗去台灣都可以食到台灣夜市必食嘅滷味啦！ 由十二月開始苦等到而家， 來自台灣台北師大夜市「燈籠滷味」終於登陸銅鑼灣啦！😎 「燈籠滷味」主打台式熱食滷味， 除左有台灣直送嘅滷味之外， 亦都有香港限定配料。 配料非常豐富，有30款之多， 麵底除咗有來自台灣嘅王子麵， 仲有香港限定嘅冬粉（粉絲）、稻庭烏冬等。 肉方面有店招牌豬耳朵和豬腱肉， 其餘仲有雞翅膀、大腸、雞腎等。 蔬菜和火鍋料選擇都好多， 台灣地道小食甜不辣、鴨血、米血糕都有！ 挑選晒各款佳麗之後， 店家就會將佢地擺入秘製滷湯熬煮，之後就食得啦！ 店家嘅滷湯係由台灣總店直送，保證味道正宗！ 小編最鐘意食冬粉（粉絲）， 鐘意佢嘅吸湯力，吸盡滷湯嘅精華，正！☺️ 🌟推薦❗️ 🌟推薦❗️鴨血好軟嫩，鮮香味美！ 雞翅膀滷得入味，不錯吃！ 一睇就見到大腸幾肥美～ 其餘配料揀左杏鮑菇和芋絲。 小妹就揀左台灣人氣麵食—王子麵， 其實係好似公仔麵咁，不過更幼更爽彈～🌟推薦❗️ 🌟推薦❗️台灣地道小食甜不辣 口感就如魚糕，煙煙韌韌。 豬耳朵不愧為店招牌！🌟推薦❗️

朋友大嘆海外肺炎疫情嚴重，他都不敢出外旅遊，唯有在香港尋覓世界美食，當他自己已遊歷一番。我們星期六時去了銅鑼灣的燈籠滷味飽嚐台灣美食，朋友更立刻在社交平台直播給台灣好友，問她燈籠滷味正宗台味與否。等餐的過程固然讓人煩躁，但當熱呼呼香噴噴的蘋果鹽酥雞上桌時，剛剛等待的煩躁心情也幻化為滿心期待的喜悅，開動囉。鹽酥雞金黃香脆，雞肉軟嫩，加上蘋果的清甜，搭配鹽酥雞一起吃，亳不油膩，蘋果鹽酥雞簡直是台式小食界的皇者。男生的胃口比女生大，故朋友另追加滷肉飯一碗。半肥半瘦的滷肉滿滿的覆蓋在飯上，滷肉汁相當夠味，濃稠度剛好，均勻的包裹每一粒米飯，滷肉入口即化，脂香十足，好不美味。迷人的冷泡四季春茶薄透清香，茶香十分持久，不苦不澀，入口回甘，茶品水準一流。冷泡四季春茶清新冰涼，給人解渴舒服之感。朋友覺得我喝紅茶豆漿很有趣，他從未聽聞過這組合，紅茶跟豆漿原本就很相襯，豆漿順口細滑，遇上紅茶絲絲郁香，為味蕾帶來非一般衝擊。朋友起初下單時說要吃出前一丁，我說當然吃台灣王子麵，這才不枉此行。看看他的麵配料，大多以丸類為主，想必他蠻喜歡吃丸子。朋友挑了彈牙貢丸，花枝丸，素雞和豬肉片，花枝丸一咬開吃得到花枝塊，彈牙

台北師大夜巿的人氣滷味店登陸香港。既然現在暫時不能到台灣，那不如捨遠取近，過來「燈籠滷味」香港店止癮！ 正午時分大排長龍，看來大家都慕着名氣而來的呢，還好等候時間也不算太長。各式滷味食材羅列在玻璃窗前，垂涎欲滴。店舖的裝修還充滿着台灣文化的元素。燈籠滷味的滷湯是由台灣總店直送，也是用它們的秘方所烹調。據說裏面有上等的桂皮、花椒、甘草等中藥材，而且用慢火熬煮出來。筆者分別試了4款配餸：雞腎、大豆皮、杏鮑菇和彈牙貢丸。當中以大豆皮最能突出滷湯的鮮香，入喉帶有少許甘草味。而杏鮑菇份量是最多，彈牙貢丸就少了點，可能是成本問題吧。麵底選了台灣地道即食麵——王子麵。麵質較爽身，頗能掛汁。後來加了一點辣油更是惹味。跟想像中有一點小出入，它這個做法是餅皮放上雞蛋、起司、玉米，再捲起。起初以為雞蛋是和餅皮融合，看來蛋餅也是有幾種作法。這種吃起來口感較硬，中間夾了滿滿的起司和玉米粒，超濃郁的起司味。地瓜條炸得香脆，咬開是甜甜的地瓜蓉。配上碟旁的椒鹽粉蠻惹味的。份量挺多，因為是地瓜，飽腹感很高。鹽酥雞炸得香口，雞粒一口一顆。伴上蘋果薄片，夾了一片和鹽酥雞一同進口，還是鹽酥香味較重。豆漿甜度適中，豆味也算濃郁

今日出開銅鑼灣，記得登龍街開佐間新黃店，就去小試牛刀👻 雖然對滷味既熱情不大，不過香港真係好似無乜依個主題既餐廳🤔而且仲係台北師大夜市開過黎～.餐牌感覺好似平時嗌車仔麵咁～簡麵底同各款滷味🙆🏼‍♀️仲有多款台式小食，飲品同芋圓🤤.個麵都相當大份，湯底用佐台灣直送秘傳配方滷湯，內含多種中藥再用慢火煮，麵條同滷味食落都唔會好dry都幾入味，食落有少少回甘既感覺，唔會話太重口味～不過我個人覺得可以試下有得加辣，應該會更加惹味👻 而且配料勁大份，食完好飽🙆🏼‍♀️.蘋果鹽酥雞 $38炸得都好香脆，唔會話好多炸粉，諗到用蘋果做伴碟都幾清新，不過相對地唔係話好特別🤔.紅茶豆漿 類似奶茶既口味，但轉佐用豆漿，飲落比起奶茶健康，如果唔係鐘意太甜既幾岩飲，而且茶味都幾濃。.總結，因為平時對滷味無乜偏好，覺得依個題材幾特別，值得一試👍🏻同埋價錢都幾相宜🙆🏼‍♀️店舖裝潢都貼緊台灣風味～ 鐘意食滷味既更加要試😍