雞煲

Open Now

Now Closed

天寒地凍，來到堅尼地城熟食中心的「雞煲」食了雞煲。沒看錯，店名就叫「雞煲」，簡單明瞭，看來店家有不少自信才會改這個名字吧？的確，這裡的雞煲水準頗高，沒想到熟食中心也會有讓人大呼過癮的雞煲。雖然「雞煲」位於熟食中心內，但環境乾淨整潔，地下又不會「痴立立」，枱凳排得闊落，坐得舒服。整晚客人絡繹不絕，七點半過後就開始要排隊等位了。我們先叫來一隻大笪地雞煲，等吃得差不多，再加湯底配料打邊爐雞煲來到的時候，還是冒著煙，店員小哥即時將雞肉和醬料攪拌，香氣撲鼻，伴隨著「滋滋聲」，食慾直線上升！因為還會打邊爐，四個人食一隻雞就差不多了，雞煲使用的自然不是新鮮雞，不過雞肉嫩滑，夠入味。吃完雞肉就叫侍應加湯，開始打邊爐了。湯底是本身的雞煲的醬料加清湯，其實打邊爐不用另外蘸豉油也夠味。最正是極品安格斯肥牛，肥牛一間紅一間白，肉質嫩滑，充滿牛肉味，細嚼慢咽之中體會出牛肉的精髓！當然，如此一來，價錢也比一般肥牛貴，而份量也不多。對比安格斯肥牛，這份鹿兒島黑毛豚肉就失色了，看上去像粉嫩的切片parma ham，雖然比起一般的豬肉口感更加柔軟，肉味濃厚，但和安格斯肥牛的level相比就差很遠了，加上整碟豚肉只有幾片

好多人都特登去西區打邊爐。究竟西區打邊爐有乜咁吸引？呢排涼涼哋，最啱就係打邊爐，特登同女友走入呢個地方。上到去熟食中心，間間檔口都唔多人，唯獨係「雞煲」要排隊。望吓啲人食緊乜……有啲食小菜，有啲就雞煲，有啲飲鱷魚肉湯。嗰日個人都幾凍，其實想食鱷魚湯底打邊爐，但係同女友再傾落，既然個招牌名正言順叫做「雞煲」，就食佢個雞煲，睇吓係咪真係咁把炮！排咗三個字，終於有枱。但係雞煲都有分麻辣（打邊爐）、大笪地（乾煲）同埋秘製（唔知乜嘢），咁一心嚟打邊壚，就緊係叫個麻辣。加幾碟配菜，就等食。等食其間，隔離枱叫咗個乾煲，聞到好香，又有咋咋聲咁，心諗莫非我哋叫錯濕煲？到個煲真係嚟，等埋煲滾，食隻雞先……唔係講笑，唔鞋口，嫩滑到唔覺得係雞煲。而跟煲秀珍菇細細粒，不過索咗啲麻味，食落把口麻晒。嚟埋個魚滑一齊滾，咬落又係彈牙，墨魚嘅味又出，又索到啲麻味。滾吓滾吓啲雞都開始辣辣哋，但係啲料又差唔多食晒，於是補飛。招牌大大隻字寫住手打肉丸，就點一份；另外啲秀珍菇真係好好味，決定添食。牛丸食得出係手打，而且彈牙到打乒乓波都得，牛肉味好出，又唔黐牙。估唔到喺檔「雞煲」做到一流手打牛丸！有啲意外。而另叫嘅秀珍菇，比跟煲

無錯無錯，又係打邊爐，十日有九日我都係打邊爐度日﹗網友約開飯，一行五人，到了西環開餐﹗都好耐無去港島區開飯，地點是西環的是士美非路熟食中心﹗香港區十年都唔去一次，再加上西環連港鐵站都無，點去我真係唔多識，只知搭巴士到上環轉$20的士就可到達﹗呢個士美非路街市地方都幾整潔，地方寬敞，星期五 8:00pm來到人不多，很容易便找到座位﹗今晚要試既雞煲就係呢間「雞煲」 ﹗係賣雞煲叫雞煲，有如出一張歌手同名CD一樣﹗就試一個乾雞煲一個濕雞煲﹗點了麻辣雞煲，由於友人唔多吃辣，故只點了小辣﹗一隻雞，都幾大隻，入面除了雞外還有大量雜菇﹗由於小辣，初嚐時味道沒太特別，豈知愈吃口內愈麻，花椒在不斷加熱後發揮其魅力，吃得滿口生香，麻而不辣，有如螞蟻在口腔爬行，過癮。深圳雞煲﹗由於點了唔辣關係，味道單寡獨得個鹹字，比麻辣雞煲遜色﹗一行五條麻甩佬，食完兩個雞煲點會夠飽，食完雞煲之後當然加水再打邊爐。呢度既生料既抵食亦新鮮，先來花甲，$30，幾鮮甜﹗牛丸又係$30，彈牙鮮味﹗手切肥牛$158﹗切得夠肥夠厚，雪花紋理分布平均，牛脂味都幾香亦軟熟，唔錯啊﹗要再讚既係佢既墨魚滑，又係$30大大碟。夠墨魚香，咬下有墨魚細