Video
Read full review
2012-03-29
181 views
無錯無錯，又係打邊爐，十日有九日我都係打邊爐度日﹗網友約開飯，一行五人，到了西環開餐﹗都好耐無去港島區開飯，地點是西環的是士美非路熟食中心﹗香港區十年都唔去一次，再加上西環連港鐵站都無，點去我真係唔多識，只知搭巴士到上環轉$20的士就可到達﹗呢個士美非路街市地方都幾整潔，地方寬敞，星期五 8:00pm來到人不多，很容易便找到座位﹗今晚要試既雞煲就係呢間「雞煲」 ﹗係賣雞煲叫雞煲，有如出一張歌手同名CD一樣﹗就試一個乾雞煲一個濕雞煲﹗點了麻辣雞煲，由於友人唔多吃辣，故只點了小辣﹗一隻雞，都幾大隻，入面除了雞外還有大量雜菇﹗由於小辣，初嚐時味道沒太特別，豈知愈吃口內愈麻，花椒在不斷加熱後發揮其魅力，吃得滿口生香，麻而不辣，有如螞蟻在口腔爬行，過癮。深圳雞煲﹗由於點了唔辣關係，味道單寡獨得個鹹字，比麻辣雞煲遜色﹗一行五條麻甩佬，食完兩個雞煲點會夠飽，食完雞煲之後當然加水再打邊爐。呢度既生料既抵食亦新鮮，先來花甲，$30，幾鮮甜﹗牛丸又係$30，彈牙鮮味﹗手切肥牛$158﹗切得夠肥夠厚，雪花紋理分布平均，牛脂味都幾香亦軟熟，唔錯啊﹗要再讚既係佢既墨魚滑，又係$30大大碟。夠墨魚香，咬下有墨魚細
網友約開飯，一行五人，到了西環開餐﹗
都好耐無去港島區開飯，地點是西環的是士美非路熟食中心﹗香港區十年都唔去一次，再加上西環連港鐵站都無，點去我真係唔多識，只知搭巴士到上環轉$20的士就可到達﹗
呢個士美非路街市地方都幾整潔，地方寬敞，星期五 8:00pm來到人不多，很容易便找到座位﹗今晚要試既雞煲就係呢間「雞煲」 ﹗係賣雞煲叫雞煲，有如出一張歌手同名CD一樣﹗
就試一個乾雞煲一個濕雞煲﹗點了麻辣雞煲，由於友人唔多吃辣，故只點了小辣﹗
一隻雞，都幾大隻，入面除了雞外還有大量雜菇﹗
由於小辣，初嚐時味道沒太特別，豈知愈吃口內愈麻，花椒在不斷加熱後發揮其魅力，吃得滿口生香，麻而不辣，有如螞蟻在口腔爬行，過癮。
深圳雞煲﹗由於點了唔辣關係，味道單寡獨得個鹹字，比麻辣雞煲遜色﹗
一行五條麻甩佬，食完兩個雞煲點會夠飽，食完雞煲之後當然加水再打邊爐。呢度既生料既抵食亦新鮮，先來花甲，$30，幾鮮甜﹗
牛丸又係$30，彈牙鮮味﹗
手切肥牛$158﹗切得夠肥夠厚，雪花紋理分布平均，牛脂味都幾香亦軟熟，唔錯啊﹗
要再讚既係佢既墨魚滑，又係$30大大碟。夠墨魚香，咬下有墨魚細粒，口感雖未太彈牙但吃得出是自家打製呢﹗很鮮味﹗
紅薯粉是幼條的，吸湯良物﹗
豬雜拼盤﹗我不吃內臟未能試味，但友人們均讚豬心爽脆，內臟難得的洗得乾淨無羶澀味，老闆也出來同我地大讚佢既出品很不錯﹗
呢間雞煲除左真係食雞煲外，亦馳名吃鱷魚肉﹗老闆話佢地最賣得係鱷魚肉雞煲，下次要來試試﹗
鱷魚肉有豐富蛋白質，老闆話切好一片片後會用少少花鵰酒醃一醃令佢更好味﹗
第一次食，口感是豬肉的軟滑，帶有淡淡的肉甜味，幾得意，下次可以再試呢﹗
加多兩碟菜及6支藍妹，埋單位位$180，抵食呢﹗
這夜吃得很飽，也難得與網友們吹水飲啤，盡興啊﹗
Post
