Involtini Italian Cuisine

Open Now

Now Closed

Involtini餐廳的紅蝦手工意粉和Tiramisu都是非常出 第一樣紅蝦新鮮 搭配著手工製作的意粉更是美味係我食過最好味嘅手工意粉. 仲有佢嘅限定和牛好味抵食而Tiramisu更是讓我驚艷，濃郁的芝士味道和咖啡的香氣融合得恰到好處，讓我一口接一口的享受美食的美好加埋手工雪糕一絕屬於高質嘅一間餐廳

手造意大利麵👍🏻👍🏻，口感唔錯；紅蝦好香，熟度剛剛好👍🏻，不過我見之前啲相係兩隻紅蝦，我果日唔知係唔係lunch關係得一隻，$420黎講真係偏貴。Carbonara 超級濃芝士醬汁，都好食👍🏻當日餐湯係蕃茄濃湯，質感濃稠度亦都感受到誠意👍🏻Tiramisu 正常普通。Booking一個月左右。一去到餐廳同預期有啲落差😂😂。嗰度感覺比較平實平民，做咗個開放式廚房所以其實都見到所有師傅認真喺度烹調，好食、有誠意。

今次係特登上嚟讚下佢哋嘅服務態度⭐️⭐️⭐️⭐️⭐️因為我係第一次食，事前又無做好research, 導致連lunch 只有2 個sessions 都唔知😢好彩職員服務態度一流，不但有提我唔同嘅sessions 還枱時間，仲會幫我處理埋開會超時所以遲啲到、叫定嘢食先嘅麻煩要求！今次係嚟帶老闆過嚟食lunch，所以唔算叫得多嘢食。沙律比想像中多芝士👍🏻意粉口感彈牙，海鮮汁鮮甜美味😍😍所有嘢都係超好食，下次一定會再支持♥️

身為一個紅蝦意粉愛好者，梗係不斷會去試食唔同地方嘅紅蝦意粉。今次去到呢間位於銅鑼灣樓上嘅小店，算係比較貴價西餐廳，主打手工意粉🍝其實之前都嚟過一次，不過今次主要都係想試個紅蝦意粉。兩個人食lunch，叫咗兩個pasta 加一個甜品，七百幾蚊埋單。真心幾貴。紅蝦意粉: 擺盤唔錯，食得出係手工意粉，質感有啲似硬身嘅新鮮拉麵，每條面都俾蝦湯包住。但係整體來講唔算好和味，因為蝦汁唔夠濃，蕃茄味都唔出，而且紅蝦嘅食材唔夠大隻新鮮多汁。另外份量都好少，成年女性食嘅話應該係僅僅夠。我再望一望埋隔離枱，見到人哋有預訂都龍蝦意粉，基本上同我呢個紅蝦意粉係一模一樣的。就差上面隻蝦唔同，而且呢個紅蝦意粉仲貴過龍蝦意粉。講性價比真係輸晒。帶子扁意粉: 呢個帶子意粉簡直有少少失望。第一，個麵質基本上同上面嗰個面係一樣嘅，只不過佢係扁身咁解，感覺就係同一個麵粉搓出嚟。第二就係帶子食材冇乜特別新鮮，個汁都係好普通通有啲鹹味咁樣。呢個價錢相對就平啲，但講抵食又唔係。唔係難食但唔特別建議試。份量又唔係多。Tiramisu: 都係果句，我發覺西餐廳嘅甜品永遠都係最好食嘅😂呢個Tiramisu係餐廳自己整嘅。因為Menu上

之前朋友勁推介屯門嗰間分店，所以好想嚟試吓。網上訂位非常迫爆，有幸朋友幫手book到lunch, 叫咗一個帶子扁意粉，同紅蝦意粉。 朋友就鍾意食紅蝦意粉多啲，因為個汁係整得幾好食，不過我食就覺得唔夠味，反而鍾意平價嘅帶子fettuccine 其實下次來應該一早預訂龍蝦意粉。因為龍蝦意粉要一日之前預訂所以即日係食唔到嘅。我覺得呢度係可以一試，但唔需要好似網上講到期望咁高。

今日十月十一係小弟生日，而且仲係感謝祭，當然要去食下幫襯下，太太帶左我去試呢間，一直都好想試。因為做左功課，坐低冇耐已經可以點餐了（只有英文字嘅餐牌冷冰冰的）。點了一個紅蝦意粉，卡邦尼意粉，慢煮牛扒。先來餐包，好味，包好軟好香。之後好快已經上左個卡邦尼。同一般餐廳食嘅好唔同，好有蛋味，每一條意粉都浦滿汁，煙肉好香好濃，非常之高質，意粉口感好特別，但偏硬。食緊卡邦尼時已經上了個紅蝦意粉，嘩，個鼻已經聞到非常濃烈蝦味，趕緊一試，不得了，蝦味非常香濃，紅蝦肉質綿密且鮮甜不膩，有著一般蝦類無法比擬的鮮甜美味，入口還會散發出獨特的海洋鹹味與甘甜，印象非常深刻。之後上的慢煮牛扒，吃落好冧，但太過冧，感覺似牛腩，呢個比較失望。食完正餐便點了幾款甜點，總體而言很不錯的，但不會使你印象深刻。總結：意粉非常高質，而且請左好多年青員工，加油呀！

滿心期待呢個最強意粉，疫情期間大家都戴住口罩，講唔清楚聽都唔清楚，大家應該要體諒一下！落單時問多句牛肉有冇介紹選擇，嗰位馬尾女同事（高啲啲果位）即刻眉頭皺晒八度回覆：呢個囉本來已經冷清嘅場面更覺尷尬，本來一直希望試埋OpenRice 介紹嘅甜品都冇咩心情！臨走廚房嗰位真客氣：多謝晒拜拜紅蝦意粉堅正👍🏻加埋啲蝦頭膏👍🏻牛肉闊條麵👍🏻海鮮湯好濃足料👍🏻麵包好香👍🏻咖啡冇特別呢個質素絕對唔貴