Video
2-min walk from Exit C, Causeway Bay MTR Station
continue reading
Telephone
26582128
Introduction
It was recommended by Michelin. It offers homemade pasta and famous for the authentic Carbonara. They just use mayonnaise and cheese powder for making the sauce and without using any cream. It is worth to try.
continue reading
Opening Hours
Today
12:00 - 15:00
18:00 - 22:00
Mon - Sun
12:00 - 15:00
18:00 - 22:00
Above information is for reference only. Please check details with the restaurant.
RELATED ARTICLES
連獲8屆米芝蓮推介嘅手工意粉，今晚終於食到啦😍平日夜晚六點幾上到去都已經坐近八成滿😲所以真係一定一定要訂位‼️因為係open kitchen嘅關係😆廚師炒意粉嘅香氣飄哂出嚟😌真係叫人食指大動，愈坐愈餓🤤🤤樣樣意粉都好吸引🤩最後我哋叫咗個set dinner🍝再加一個today special嘅意粉😙Set dinner ($448)🦪Starter：Hokkaido Saallep前菜係小蕃茄伴鮮甜嘅北海道帶子，再用日本嘅貝貝南瓜圍住檸檬草醬汁，酸酸地好開胃😋🍝Handmade pasta：Handmade Pappardelle with Lamb Ragú係羊肉版嘅肉醬意粉😆用咗特闊麵，比平時食到嘅闊麵更闊，可以掛到更多肉醬🤤羊肉雖然係肉粒，但肉味香濃又唔騷👍🏻加埋芝士同Rosemary，又香又滋味😋🍧Dessert ：Yogurt Mousse Snow Mountain好精緻嘅甜品😍用Yogurt mousse做成嘅細緻嘅雪山，淋上玫瑰荔枝醬再灑上覆盆子粉🍒冰凍又輕盈嘅雪山加埋甜甜酸酸嘅配料，好清新，一啲都唔膩😋🍝Half Boston Lobster with Linguine ($288)好靚🤩係用意粉砌成嘅龍蝦🦞龍蝦肉已經拆咗出嚟😙只煮到7成熟，所以好鮮嫩爽口🤤醬汁用蝦膏煮成後再加咗紅蝦粉，鮮上加鮮👍🏻Virgin Mojito💋Pink lady ($58)🍍Topical ($58)
continue reading
✨ 昨晚我同朋友嚟到銅鑼灣The L. Square 一間意大利餐廳吃晚飯。這裏很有情調，無論是什麼類型的聚會都很適合。它們的意粉更是很有名，是米芝蓮推介的！這裏的菜式每道都令人感到驚喜，我和朋友都決定下次一定要再來。我們叫了一個晚市套餐 ($448)和一碟意粉：🍄🟫 Roasted Mixed Mushroom Soup(Vilarnau Organic Cava Rosé Reserva)(100ML)這款蘑菇湯味道非常濃厚，每一口都充滿了新鮮蘑菇的味道。湯裏面仲有些許的蘑菇粒，增添了湯的口感和層次感。配合Vilarnau Organic Cava Rosé Reserva，這款玫瑰氣酒帶有淡淡的果香，和蘑菇湯的滋味相得益彰。🐑 Handmade Pappardelle with Lamb Ragù(Illuminati Montepulciano d'Abruzzo Riparosso) 100ML這款手工意大利寬麵條配羊肉醬真係好出色。羊肉醬煮得非常入味，肉質鮮嫩，一點都唔會覺得膩。手工麵條有啲咬勁，同羊肉醬配合得天衣無縫。再配上Illuminati Montepulciano d'Abruzzo Riparosso，呢款紅酒嘅單寧和酸度正好中和咗羊肉嘅油膩，令整道菜更加平衡。🏔️ Yogurt Mousse Snow Mountain(Zuccardi corrontes tardio 2022, Argentina)(50ML)呢款甜點好有創意，乳酪慕斯堆砌到好像一座雪山，口感細滑輕盈，配合新鮮的士多啤梨和藍莓，並加入了Zuccardi corrontes tardio 2022，甜酒的果香和酸度與乳酪慕斯形成了完美嘅搭配。🦐 手造意大利幼麵配西班牙紅蝦 $388Handmade Tagliolini with Carabineros這碟意粉雖然有點小貴，但是絕對值得！西班牙紅蝦味道濃郁，煎過後仍然保留濃厚的蝦味，蝦頭更是有很多蝦膏。手工意粉很爽口，配上蕃茄汁味道超級正。👍🏻🥭 Mango & Passion Fruit Smoothie $68這杯芒果熱情果冰沙很大杯，我們都被它的賣相深深吸引。上面有一塊薄荷葉和乾橙，冰沙先用匙羹吃，等它溶了後便可以用飲管喝，這兩種食法感覺截然不同，味道一流！🍓 Strawberry & Peach Smoothie $68這是我朋友點的，配有藍莓和士多啤梨。不單賣相吸引，更是十分好渴，真是消暑良品。
continue reading
位於銅鑼灣The L. Square 呢間餐廳，佢哋嘅手工意粉已經連續拎左8年米芝蓮指南💪🏻💪🏻 。餐廳嘅手工意粉日日新鮮製造，除咗主打手工意粉、仲有西日fusion海鮮菜式、多種搭配酒品🍷。仲會不時通知更新Menu，值得一去再去。[ Starter ]🍅Japanese Kabocha PumpkinHokkaido Scallop、Lemongrass Yogurt～ 北海道帶子、車厘茄、南瓜作底，中間淋上Yogurt香茅汁。🐟Seafood Carpaccio (Japanese Fish and Scallop)～ 北海道目金鯛、北海道帶子為主，上面有三文魚子、魚子，加上羅勒油、紅蝦油、橙皮、檸檬皮、食用花，帶出各樣海鮮鮮甜味。 [ Pasta ]Handmade Fettuccine with Tiger Prawn～ 大虎蝦、豬面頰肉、蝦乾、指天椒海鮮醬、西班牙紅蝦烏魚子，味道鹹香，蝦乾有口感，醬汁帶點微辣。[ Cocktail ]🍸Fairy ~ 荔枝利口酒、玫瑰花瓣、Gin酒，香荔枝味玫瑰味，味道帶甜美。🍸 CIAO ~ 草莓、香醋、氣泡酒，味道酸酸甜甜帶有氣泡。[ Dessert ]🍰Tiramisu～手指餅、朱古力碎放面頭、Mascarpone Cheese 、espresso 、coffee liqueur、可可粉。
continue reading
【銅鑼灣——世一卡邦尼】今日嚟到銅鑼灣L. Square試下一間小編bookmark咗好耐嘅手工意粉意大利餐廳 @involtini.concept 。呢間餐廳大概喺五年前小編睇完某個節目之後就一直有留意，據說大廚師承Bombana，加上佢多年獲得米芝蓮美食指南，所以真係試好耐。小編因為住大西北，所以一早試過佢屯門嘅姊妹店 @jep_by_involtini ，就係銅鑼灣呢間未試，今日終於可以搵到同樣係意粉愛好者嘅朋友一齊試～Dinner Set （餐包＋頭盤＋主菜＋甜品）$448餐包餐包一共有兩款，一款比較鬆軟，重芝麻香味；另一款比較硬同脆。兩款麵包可以點油醋，無論橄欖油定係黑醋嘅味道都係比較重果香，非常開胃。味道：7.7/10頭盤：Kabocha, Hokkaido Scallop, Lemongrass Yogurt 北海道帶子煎得外脆內嫩，令人驚艷，配上香茅乳酪汁同車厘茄，微酸開胃。另外底部有塊日本南瓜，焗得超香超腍超甜，平時唔多鍾意南瓜嘅小編都爭住食。味道：8/10傳統卡邦尼手造意大利幼麵其實呢幾年香港都多咗好多傳統嘅卡邦尼食，佢哋嘅用料都算正宗，例如都會用guanciale（豬面頰）/pancetta（意式煙肉）、巴馬臣芝士同優質嘅蛋去整。唔落忌廉、唔會用美式煙肉。但小編食過咁多次，佢哋嘅煮法都係差咁啲，尤其是蛋汁收得唔夠乾，上到枱就水汪汪，好似食緊生嘅蛋液咁；又或者唔夠芝士同黑椒，就算有芝士，但又冇用Pecorino ，始終carbonara 係羅馬菜，Pecorino是必須的。呢間係小編覺得各方面都做出水準嘅一間。除咗用料正宗，煮法亦都係好傳統。嗰汁係真係醬汁，唔會太稀。充分利用手工意粉嘅澱粉質去令醬汁變得濃稠，同時亦都可以令醬汁掛晒喺意粉身上。佢嘅蛋汁又唔會過熟變炒蛋，仍然保持順滑。芝士同埋蛋香都有齊，而呢間我覺得芝士嘅香味會再突出啲。Guanciale呢度切得比較細粒，小編會鍾意有多啲口感，但油香佢係有嘅。手工意粉係用Tagliolini，色澤鮮黃，相信用料優質。圓形嘅橫切面，粗度比一般spaghetti粗，當然又未去到pici嗰種。呢個粗度小編都幾鍾意，口感更豐富，有al dente，又夠掛汁。味道：8.3/10甜品：Yogurt Mousse Snow Mountai佢係一個用乳酪整成嘅慕絲雪山，口感有啲特別，輕身又有啲硬淨，味道就酸酸甜甜，配埋果醬同生果好清爽解膩。味道：7.7/10另外叫咗個a la carte：海膽汁意大利飯配日本牡丹蝦他他 $328自己煮過意大利飯嘅都知道其實唔簡單，有時生熟度同澱粉釋放唔係咁易掌握得好。呢度意大利飯生熟度真係啱啱好，外軟內硬，中間有白點，硬硬哋有口感，但又唔會覺得太生太硬。佢嘅澱粉釋放都好好，醬汁creamy，亦非常濃味，啖啖海膽同蟹味，飯入面仲有啲蟹肉絲，至於牡丹蝦他他提供口感同鮮味。成個飯配搭得好好~味道：8/10Straeberry&Peach SmoothieGolden Side沙冰意外地大杯，而且啖啖果味，士多啤梨味會比較重，桃味比較淡，仲食到果肉。另一杯係椰青水，荔枝汁同菠蘿整成嘅飲品，荔枝味會比較突出，然後慢慢先飲到菠蘿嘅清甜，椰青味道唔算明顯，整體味道比較甜膩。味道：7.6/10抵食：7.7/10嘩抵就稱唔上，但以我所知佢用料都係高質嘅，都叫對得住個價。環境：7.7/10服務：8/10 #hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #causewaybay #causewaybayfood #銅鑼灣 #銅鑼灣美食 #pasta #carbonara #italiancusine #italy #risotto #spaghetti #意粉 #意大利 #roma #羅馬 #米芝蓮 #米其林 #fineding #dinner #involtini #良心小店
continue reading
📍 銅鑼灣 - 【 𝑰𝒏𝒗𝒐𝒍𝒕𝒊𝒏𝒊 𝑰𝒕𝒂𝒍𝒊𝒂𝒏 𝑪𝒖𝒊𝒔𝒊𝒏𝒆 】銅鑼灣駱克道459-461號The L. Square 11樓（港鐵銅鑼灣站C出口，步行約2分鐘）之前一直都好想試吓呢間意大意餐廳嘅手工意大利麵，上星期終於去咗😍結果冇令我失望😋😎唔怪得知連續八年都得到🏅米芝蓮嘅推薦啦‼️為咗更深入了解餐廳成為多年被🏅米芝蓮推介嘅原因，今次膽粗粗，問咗餐廳嘅主廚介紹一下佢哋嘅不同菜式😚了解完佢哋嘅做法，真係更加覺得物超所值，每一道菜都不簡單，真係用咗好多心思去煮🥹ᴡʜᴀᴛ ᴅɪᴅ we ᴇᴀᴛ? 😋🥣𝑆𝑂𝑈𝑃海鮮湯 Seafood Soup $148 主廚話餐廳嘅招牌湯係菇湯，曾經轉過，但好多熟客都堅持佢地賣返。而第二主打就係海鮮湯，用咗阿根廷🇦🇷紅蝦，煎香咗先，入面就有啲松葉蟹肉，飲落會好濃烈同好鮮甜。✨我自己都超鍾意個海鮮湯，好足料，好多蟹肉，湯味非常濃郁🤤💡𝑆𝑇𝐴𝑅𝑇𝐸𝑅生牛肉他他配魚子醬 $168Beef Tartare with Caviar撈咗啲牛肉、Hazelnut 係入面，上面鋪返啲魚子醬，另外廚師仲將啲蛋黃醃製咗之後，風乾返去，再刨上面，有陣咸香同微辣味，配埋魚子醬，有口感又層次豐富😋海鮮刺身薄片 $188Seafood Carpaccio （lapanese Fish and Scallop）面頭用咗糖漬、檸檬🍋、橙皮，混埋蝦油，Basil油，有帶子、日本鯛魚撈埋一齊食，鮮味充滿成個口腔🤤🍝𝐻𝐴𝑁𝐷𝑀𝐴𝐷𝐸 𝑃𝐴𝑆𝑇𝐴手造意大利幼麵配西班牙紅蝦 $388Handmade Tagliolini with Carabineros主打菜式之一，廚師係煮海鮮方面比較拿手有心得。紅蝦用返西班牙紅蝦，餐廳用咗啲紅蝦仔打咗做一個汁先，連埋海鮮湯煮個粉，煎紅蝦個時就會唧啲膏入返落個湯到，令蝦味更加濃烈，食就會食到蝦身煎香咗，蝦頭啲膏就唧哂落個湯，啲精華係哂個意粉到。✨隻蝦食落同平時食一般嘅蝦唔同，比較彈牙同濃味，意粉彈牙，有好香嘅龍蝦味😍果然啲精華喺晒裏面😋意大利飯配日本牡丹蝦他他，海膽汁 $328Risotto with Japanese Botan Shrimp Tartare, Sea Urchin Sauce個底有個日本嘅松葉蟹同海膽醬，面頭係牡丹蝦刺身他他，有少少檸檬皮，食落比較清新🤣🍧𝐷𝐸𝑆𝑆𝐸𝑅𝑇 乳酪慕斯雪山 $108Yogurt Mousse Snow Mountain加咗啲荔枝玫瑰sauce，脆餅，個雪山🏔️用咗原味yogurt去整，淡淡嘅甜味不錯☺️餐廳不時會有新菜式，由於十月係大閘蟹季節，餐廳透露嚟緊新菜式好大機會係大閘蟹Tasting Menu🦀🦀🦀鍾意食大閘蟹嘅朋友到時一定要留意😎#hongkong #hongkongfoodie #hongkongfood #hk #hkfoodblogger #hkfoodlover #hkfoodie #hkfood #香港 #香港美食 #香港餐廳 #美食推薦 #美食日記 #銅鑼灣 #銅鑼灣美食 #cwb #cwbfood #causewaybay #causewaybayfood
continue reading