良記餐廳(老鳳冰室) (Closed)

這家茶餐廳走懷舊風格, 室內掛滿懷舊的海報。呢度送餐既速度很快, 店員說只需約16秒, 食物就會送到。雖然我們沒有算到是否能在16秒內送到, 但野食真係黎得好快。即叫即烘的牛油厚多士上放上黑松露炒蛋, 對我黎講, 呢個簡直係高級享受。炒蛋雖然係好普通既一味餸, 但係要炒得夠香夠滑都係一門學問。黑松露味道好香好突出, 最難得係冇搶過蛋味, 兩者冇互相搶對方既味道。呢份炒蛋炒得好嫩滑, 中間仍保留蛋汁。 炒蛋既份量都幾多, 而且上面佈滿黑松露醬。紅豆冰用既紅豆好大粒, 好有咬口 。紅豆冰配炒蛋厚多士係一個唔錯既下午茶之選~肉夾饃帶點辣味很惹味。

今次黎到一間裝修特別既深水埗冰室=] 呢度唔單止模仿七八十年代既裝修連播既歌都係舊歌，真係仿佛置身於果個年代🙊本身想試D小食，但餐牌寫只供應到下午六點咁唯有叫Dinner Set啦好彩落單果陣多口問下個職員，係米無小食佢先講清楚餐牌上既意思係，小食連飲品只到下午六點😯XO醬蔥油雞扒撈一丁 $48撈丁送一件牛油多士，多士烘到每一面都好脆 (包括邊位) 咬落去唰唰聲😍個面就一般無乜特別，只能講正常味道，唯一讚既係XO醬算比得多，但價錢貴左D😖紅豆冰 晚餐加 $14大大杯，紅豆佔左三分二，有一種食極都有既感覺。😂甜度適中，味道正常；我估紅豆應該係自己煲，因為有D紅豆已經煲到開左花，有啲就火侯岩岩好，原整一粒 生炸雞脾焗薯泥 $38一直對生炸雞脾有陰影，因為之前食過又乾又腥既脾，所以無期望點知出奇地好食，除左因為新鮮炸出熱辣辣之外，仲一D都唔乾，外脆內Juicy!!😋一邊切一邊望住D雞油雞汁流出黎😳雞脾已經用咖喱醃過，所以無雞腥味雞脾好好，但焗薯泥就好失望。根本就係肉醬薯泥，請問焗在哪? 😵

星期日家庭日三點幾下午茶時段，難得唔洗排隊直接入閘，冰室內佈置真係好有特色，就算連牙籤筒都係好細緻既擺設，不過空間感就迫少少，無辦法香港就是這樣我一家三口去食下午茶，點左紅豆冰，飛女柯華田，XO雞扒撈丁 ＆ 蝦多士，整體都好有水準，好足料，我家小朋友好喜歡杯飛女柯華田，又唔會太甜，又有朱古力脆脆喺面又有得食又有得飲。紅豆冰改左唔用雪糕，轉為奶油加三粒糯米糍，都係唔太甜，感覺唔錯。蝦多士好香囗，配千島醬簡直一絕，必食。XO醬雞扒撈丁，可能因為太多XO醬，所以我覺得咸左少少。整體唔錯架，可以去試下，不過座位唔太多，要揀岩時間先唔洗等咁耐。