良記餐廳(老鳳冰室) (Closed)

星期日家庭日三點幾下午茶時段，難得唔洗排隊直接入閘，冰室內佈置真係好有特色，就算連牙籤筒都係好細緻既擺設，不過空間感就迫少少，無辦法香港就是這樣我一家三口去食下午茶，點左紅豆冰，飛女柯華田，XO雞扒撈丁 ＆ 蝦多士，整體都好有水準，好足料，我家小朋友好喜歡杯飛女柯華田，又唔會太甜，又有朱古力脆脆喺面又有得食又有得飲。紅豆冰改左唔用雪糕，轉為奶油加三粒糯米糍，都係唔太甜，感覺唔錯。蝦多士好香囗，配千島醬簡直一絕，必食。XO醬雞扒撈丁，可能因為太多XO醬，所以我覺得咸左少少。整體唔錯架，可以去試下，不過座位唔太多，要揀岩時間先唔洗等咁耐。