牛屋餐廳

Open Now

Now Closed

是日晚餐上有黑椒西冷扒 $88 然後翻幾頁餐牌見到紐西蘭肉眼扒 $168，接近一倍的價錢到底相差什麼？首先西冷扒無得選熟度，上菜便知道是平常茶餐廳食到的薄牛扒，兩塊薄牛扒都算大塊，配薯菜都夠食。至於肉眼扒比較厚身，選了五成熟，看到有用香料醃過，本身已夠入味，而肉質半熟剛剛好，配料的蔬菜多了蕃茄，西蘭花及蘆筍。邊個好食啲？咁當然係肉眼扒啦，不過普通西冷都唔差既，但好似去普通茶餐廳食牛扒咁，價錢負擔到就食好少少囉。所有主食都配羅宋湯及餐包，加$5有凍熱飲，呢個價錢同質素，我覺得都幾好。

今日同同事去左佐敦附近，諗住食埋lunch先再返公司，經過牛屋見到lunch menu都幾抵食，決定去試吓🤣裝修懷舊，座位間都算闊落。午餐有幾款選擇，我選了紐西蘭肉眼扒😍餐湯🥣- -羅宋湯味道都ok，配埋牛油餐包一齊食都幾滋味。紐面蘭肉眼扒配意粉🍝- -牛扒質素唔會預好好，不過勝在夠淋同小根，黑椒味好濃郁，食完整個人暖笠笠；意粉偏淋，加埋茄汁食好有舊式茶餐廳的風味，都唔錯。餐飲☕️- -熱檸茶，味道正常，茶底唔苦。

行經佐敦，隨意行過哩間餐廳，好似都開左業一段時間，諗住試試係咪有特色。。。點知一入去就發現好似去左酒吧咁，燈光帶藍下嘅氣氛下點菜：但求溫飽，可以一試。一個晚餐都要$80起一位噢～～