首爾家韓國料理

Open Now

Now Closed

舊同事聚舊日，舊同事飛返來港一段時間，趁呢個時候大家聚下，最近大家比較忙，最後夾到個星期一食飯，好少可星期一飯聚呢。就腳之下銅記食，揀左韓國料理，因為唔想等book定位最安全，用Openrice book有九折優惠。難得peak season之下的星期一唔洗OT，爽~!準時到達，平日的19:30，真係人少少。餐廳面積中等，木系設計暖色燈光感覺好warm。韓國啤酒(HITE)，$50。韓國燒酒(真露)，$70。聚舊就梗係啤啤佢，深水炸彈Happy Monday~乾杯!前菜，開胃爽口，泡菜不俗。紫菜牛肉包飯，$88，紫菜包飯都算大件，牛肉份量豐富，仲有蘋果薯仔蓉伴食都幾清新。辣炒年糕，$100，因為怕辣問左店員可唔可以小辣，可以即要了，都幾細碟，除左年糕仲有蛋及其他配料，年糕微熱口感煙韌，味道甜辣，幾好味呢。半半炸雞(原味及甜酸辣味)，$168，炸雞口感香脆，肉質軟嫩多汁又香口，美味!甜酸辣味，酸酸甜甜味幾少少辣醒胃，更加好味。海鮮豆腐辣湯，$100，材料十足又入味，辣辣地幾暖身，如果冬天飲更加正!有飯後果，感覺好窩心~!食物味道不俗，環境有氣氛，坐得幾舒服，服務態度幾好感到親切，價格合理

Blue Monday, 收工同朋友出去食飯, 調整一下心情。冇得去旅行, 唯有去食餐韓國菜當去左旅行啦。  可能因為星期一, 客人唔算多, walk-in 即刻有位。同朋友叫左韓式泡菜鍋, 紫菜牛肉包飯, 凍奶茶。落完單好快就上左前菜同飲品。前菜有六樣, 同去韓國食既款式都係差不多, 味道尚可。食完前菜, 包飯同泡菜鍋都上枱喇。兩樣食物既賣相都好吸引飯卷足料,幾樣唔同質感既配料(硬身蘿蔔, 軟身玉子, 冧身牛肉)包埋一齊, 咬落層次豐富。而且包得夠實唔散開, 紫菜又唔會冧身到咬唔斷。泡菜鍋入面除左泡菜仲有金菇, 豆腐, 倒入白飯一齊食, 每一啖都食到酸酸辣辣既味道, 刺激味蕾。

上次同M佬嚟銅鑼灣食首爾家，主打韓燒，肉嫩汁香，但M佬話韓燒試唔到餐廳廚師嘅真章，所以今次我哋嚟就食韓式地道料埋，睇吓又啱唔啱我哋口胃先。叫完嘢食，即刻為你送上6碟泡菜，醒醒胃！紫菜牛肉包飯包飯最怕就係紫菜變淋，好彩呢度嘅keep到香脆，而飯包住牛肉、紅蘿蔔、黃蘿蔔、雞蛋、青瓜同芝麻，麻油味香，但又唔油膩，唔錯。人蔘雞湯趁天氣凍，食番個人蔘雞補補先！湯底清香，完全無味精感，重口味人仕就唔啱喇！雞肉煲到好綿，而雞入面嘅糯米就入晒味，正！越飲覺得蔘味越香濃，原來餐廳落足料，有成2條人蔘，飲完之後，這個冬天不太冷。炆牛肋骨牛肋骨炆到好軟嫩又多汁，非常入味。而驚喜在於白蘿蔔，M佬話好香甜呀（不過，我就無食，因為人蔘同蘿蔔費事搶埋一齊啦）！年糕餃子拉麵辣年糕湯底配上餃子，同上次一樣，餃子皮薄多汁，而年糕煙韌入味，唔錯。

與朋友聚會，友人提議食韓國烤肉。首爾家在酒店一樓，環境企理。我們的座位有屏風阻隔，很有私隱度。醃燒牛肉份量頗多，而且牛肉已經調過味，燒完包生菜食一流！五花肉切得四四正正，厚薄適中。店員不時會幫忙烤肉，服務很周到！她把五花肉擺放得很整齊，哈哈。五花肉的皮烤得有點焦脆，惹味得很。再度 encore 牛肉，今次試了醃LA牛肋骨。牛肉味更濃，好美味。包牛肉的鮮生菜籃，有生菜和白菜兩種，蔬果條都頗新鮮爽甜。紫菜牛肉包飯相當足料，卷得漂亮。

真的要用坐無虛席來形容這餐廳！估不到訂了還是要等了一陣。我們一行四人生熟食物各點了些，店員細心問清了我們想自己燒還是由他們燒好了才上菜，我們選了自己燒，感覺較開心😊紫菜牛肉包飯，略嫌麻油味不夠多，但也好味。炆牛肋骨餐，牛肋超入味，連蘿蔔及冬菇也很好味，推薦！也點了韓式泡菜餅，比想像中厚身，淡淡的辣味，吃不到辣的表姐也吃到，覺得如果可以煎得更脆身會更好。每次食韓燒我都會點牛肋骨，牛肋骨於上菜前已被「劏開」了，變成薄薄的一條，方便燒烤。醃燒牛肉也不錯，很大碟，店員常常會協助我們燒，我會索性把伴碟的洋蔥也加入一起燒，就成了一碟洋蔥牛肉😆😆五花肉也是我喜愛的！雖然較肥，但可以把豬肉燒到兩邊略脆，很好味！這碟是由韓藉老闆親自幫我們燒的呢😉最特別的是燒豬皮，厚厚的一塊，燒好了，食落有點似啫喱，很多骨膠原呀！這裡的韓燒不包生菜，但我們都點了鮮生菜籃，用來包著肉吃，清新一點！

韓國餐廳越開越多，新派既更係五花八門，所以偶爾都會想食返傳統既韓國菜。首爾家係其中一間，一睇裝修就知傳統正宗，因為室內都以韓式木傢具為主。麥茶天氣熱辣辣一坐底，店員就送上兩杯用鐵杯裝既凍麥茶。麥茶係韓國的傳統茶種，香港好少餐廳會提供呢種茶！味道有少少淡烘香，朋友話有去水腫之功效。八小碟前菜非常傳統的韓國餐廳先會比咁多樣前菜: 醃泡菜、醃海帶、醃魚仔、蜜糖薯仔、西蘭花秀珍菇腸仔、蓮藕拌黑芝麻醬、大豆芽、菠菜。最喜歡蜜糖汁薯仔，甜甜地又夠粉; 而醃海帶就酸酸味味，開胃！炆牛肋骨 ($128)超正的牛肋骨！一上枱時，啲汁仲係個煲裏面滾，飄來陣陣的香味。個汁非常鮮甜，因為用上左紅蘿蔔、白蘿蔔、冬菇、紅棗、八角去炆！牛肋骨無得彈，炆得非常鬆軟而且好入味，仲要啖啖都有濃郁的牛味！蘿蔔炆得非常淋，係口中溶化。最衰叫得太多野食，無叫白飯，否則送飯一流！韓式炸雞加沙拉 ($148)炸雞味道叫左雙拼(原味和甜酸醬)，個人覺得原味既好食，肉裏面有油香，唔會太乾。反而甜酸醬炸雞既脆皮有少少硬呢。沙拉無用好多沙律醬，主要有蘋果同菠蘿，清新解膩。炒辣芝士年糕拉麵 ($88)鋪面的芝士好多，而且欣賞用火槍燒過。醬汁

餐廳位於酒店下，以為一定會好貴，但價錢可以接受，所以可以一戰！餐廳有分燒烤區同非燒烤區，我地今次選擇左燒烤。 點完野食就送上呢6碟既前菜，分別有泡菜、芽菜、魚仔乾、甜番薯、翠玉瓜、蓮藕。最中意食甜番薯，甜甜地，幾特別。純味特級牛肋骨($138) 牛肋骨原條送上，燒肉時，有韓國店員幫我地燒肉，佢好nice，想用韓文同佢講唔該，不過一時諗唔起「唔該」既韓文係咩店員整整齊齊地將牛肉鋪係爐上，完全不用我們動手！ 燒到七七八八時，幫我地將牛肉剪開 牛肉好juicy呢，肉質鬆化嫩口，牛味香濃濃郁。五花肉($128) 燒完牛肉就到五花肉，油脂分佈平均，層層分明。 豬味濃，油脂豐富，燒到逼出黎既油脂令燒肉邊變得脆口，建議不要點任何醬汁，咁就可以食到五花肉既原汁原味。 如果用生菜包住黎食，一定可以減低罪惡感！紫菜牛肉包飯($68) 米飯調足味，麻油味重，軟硬度適中，不會散開。配料有咬口同好足料牛排骨湯($108) 牛肉煮到好淋，唔會「鞋恰恰」，排骨湯比較清淡，有一種家既感覺。另有鹽胡椒粉樽供調味，朋友中意濃味D，所以佢加左D鹽作調味。底下有粉絲，亦有一碗飯附上。海鮮蔥油餅($88) 呢個海鮮餅我唔

朋友想吃韓國菜，那就順他意思嚕。在openrice看到評價不錯~ 環境挺大 坐得舒適(和一大班朋友來聚舊相信都可以)食物上檯後，我們才發現份量比想像多誒。這個湯真的是必點之一，喝下去非常暖胃。原隻的雞去燉成湯 味道很鮮甜，還帶點回甘。打開肚子會發現真的有蔘，整個感覺就是十分足料。特別內裡釀有了糯米飯 口感糊糊的，所有精華都在這了！紫菜包飯的餡料很豐富，完全沒有那種要你吃飯就飽的感覺。牛肉佔的比例很多~滿足感~原先只是當小食去點，但是一個人吃都很飽肚了。韓式拌飯味道比想像淡，加上辣醬去拌後有好一點！但是友人不太吃辣（獨食是有一點痛苦)很快便滯肚了。加上選擇豬肉，可能相對肉體粗糙一點。芝士年糕拉麵是我喜歡的醬！帶甜偏辣~年糕的口感都不錯，未去到軟身 但都不會硬得像橡皮膠(個人認為合格偏中上喔）非常惹味開胃的組合！襯熱吃時可以拉絲 夠滿足吧。牛助骨經過醃製，所以味道足夠。燒久了一點，仍未至於變到好"鞋"身。整體都滿意~下次有機會還可以再來(兩個人吃到無敵飽，下次果然不能眼闊肚窄 不夠再點）。PS 配菜比想像還要多種類（是大媽心態麼 笑）~重點是味道也不錯！

韓風熾熱不退, 每隔一段時間總要吃一餐韓國菜才心足.這次來到首爾家, 地點不太好找, 但食物絕對好吃而正宗, 因為不論大廚, 部份侍應都是韓國人呢! 在這裡吃的東西, 真的和我在韓國吃到的沒有太大差別!餐紙上, 教你怎樣跟韓國侍應溝通, 好好笑!!奉上五種款式的泡菜左上) 泡菜辣到我吃了一口便投降.(中上) 大豆芽味道偏淡.(右上) 翠玉瓜富有麻油香,(左下) 小魚乾味道香濃, 不會過硬, 更加入腰果增加香氣,(中下) 薯仔香甜軟糯,紫菜牛肉包飯 ($68)韓式壽司跟日式壽司最大的分別, 就是韓式壽司用上麻油味的紫菜, 令壽司本身的味道也昇華了, 而餡料方面也不盡相同, 除了有雞蛋, 紅蘿蔔, 酸瓜, 青瓜等, 更加入了柔軟又香濃的牛肉, 面層更灑滿點點的芝麻, 使味道更富層次.不過如果加添一些麻油菠菜會更好, 味道會更加香濃, 不過可能現在不是菠菜的當造期吧!鮮牛肉八爪魚鍋 ($320)鮮牛肉八爪魚鍋本來是小辣的, 但不嗜辣的的我要求了”走辣”, 一滴辣醬都沒有加. 能夠吃辣的朋友還是點原本的版本好了, 比較正宗嘛!湯窩大得驚人, 佔了半張桌的空間呢! 面頭放有八爪魚一隻及大量的牛肉