Video
Read full review
2017-07-26
186 views
韓國餐廳越開越多，新派既更係五花八門，所以偶爾都會想食返傳統既韓國菜。首爾家係其中一間，一睇裝修就知傳統正宗，因為室內都以韓式木傢具為主。麥茶天氣熱辣辣一坐底，店員就送上兩杯用鐵杯裝既凍麥茶。麥茶係韓國的傳統茶種，香港好少餐廳會提供呢種茶！味道有少少淡烘香，朋友話有去水腫之功效。八小碟前菜非常傳統的韓國餐廳先會比咁多樣前菜: 醃泡菜、醃海帶、醃魚仔、蜜糖薯仔、西蘭花秀珍菇腸仔、蓮藕拌黑芝麻醬、大豆芽、菠菜。最喜歡蜜糖汁薯仔，甜甜地又夠粉; 而醃海帶就酸酸味味，開胃！炆牛肋骨 ($128)超正的牛肋骨！一上枱時，啲汁仲係個煲裏面滾，飄來陣陣的香味。個汁非常鮮甜，因為用上左紅蘿蔔、白蘿蔔、冬菇、紅棗、八角去炆！牛肋骨無得彈，炆得非常鬆軟而且好入味，仲要啖啖都有濃郁的牛味！蘿蔔炆得非常淋，係口中溶化。最衰叫得太多野食，無叫白飯，否則送飯一流！韓式炸雞加沙拉 ($148)炸雞味道叫左雙拼(原味和甜酸醬)，個人覺得原味既好食，肉裏面有油香，唔會太乾。反而甜酸醬炸雞既脆皮有少少硬呢。沙拉無用好多沙律醬，主要有蘋果同菠蘿，清新解膩。炒辣芝士年糕拉麵 ($88)鋪面的芝士好多，而且欣賞用火槍燒過。醬汁
麥茶
天氣熱辣辣一坐底，店員就送上兩杯用鐵杯裝既凍麥茶。麥茶係韓國的傳統茶種，香港好少餐廳會提供呢種茶！味道有少少淡烘香，朋友話有去水腫之功效。
八小碟前菜
非常傳統的韓國餐廳先會比咁多樣前菜: 醃泡菜、醃海帶、醃魚仔、蜜糖薯仔、西蘭花秀珍菇腸仔、蓮藕拌黑芝麻醬、大豆芽、菠菜。最喜歡蜜糖汁薯仔，甜甜地又夠粉; 而醃海帶就酸酸味味，開胃！
炆牛肋骨 ($128)
超正的牛肋骨！一上枱時，啲汁仲係個煲裏面滾，飄來陣陣的香味。個汁非常鮮甜，因為用上左紅蘿蔔、白蘿蔔、冬菇、紅棗、八角去炆！牛肋骨無得彈，炆得非常鬆軟而且好入味，仲要啖啖都有濃郁的牛味！蘿蔔炆得非常淋，係口中溶化。最衰叫得太多野食，無叫白飯，否則送飯一流！
韓式炸雞加沙拉 ($148)
炸雞味道叫左雙拼(原味和甜酸醬)，個人覺得原味既好食，肉裏面有油香，唔會太乾。反而甜酸醬炸雞既脆皮有少少硬呢。沙拉無用好多沙律醬，主要有蘋果同菠蘿，清新解膩。
炒辣芝士年糕拉麵 ($88)
鋪面的芝士好多，而且欣賞用火槍燒過。醬汁紅紅的，貌似激辣，但其實只係甜甜地帶微辣。裏面有好多椰菜絲同彈牙既魚糕，食完都會幾飽。
紫菜牛肉包飯 ($68)
傳統菜一定唔少得kimbap，裏面有蔬菜同牛肉，不過略嫌飯粒有些少酸同鬆散，多啲醬汁就惹味啲。
冰韓式咖啡 ($28)
味道似韓國M字頭品牌的咖啡，奶多稍甜咖啡濃。
知道呢道主打係燒肉，但今次無叫。不過呢度既炆牛肋骨特別出色，有傳統既風味！
Post
