火車頭酸辣小窩

Open Now

Now Closed

又到週末了，大家可以趁着天氣還不錯入長洲逛逛食食。長洲出名的粉麵除了沙嗲牛通，在筆者心目中還有這家蕃茄湯，可能都有不少人認識。✿ 超濃蕃茄湯米線 $54雖然每間餐廳都話自家的是超濃蕃茄湯，但真正超濃蕃茄湯又有幾多間？火車頭的蕃茄濃湯無添加，味道天然帶點酸甜，還有蕃茄肉，稀遏度剛好又掛到汁。米線不會過份索湯，可以大啖大啖的喝番茄湯，超正！配料選了墨魚春卷和魚腐，墨魚春卷一定要一試，會吃到一粒粒的鮮墨魚，很有口感，其他配料還好。.✿ 蜆肉紫菜湯 $60筆者有選擇困難，上次試過蕃茄湯，雖然是非常好味，令我有心癮，不過都想試試其他湯底。選擇了味道相對較清的湯底，蜆仔量十分多，味道鮮甜，帶點紫菜鹹香，筆者都幾乎喝畢整碗湯。記得當日胃口有點弱🥹 但十分好地餐廳有菜底選擇，相信亦為不少人喜愛，畢竟長洲這麼多美食，胃口都要留一點。.✿ 紫薯網卷 $30最後還加了個小食。 紫薯網卷非常鬆脆，毫不油膩，甜度適中，飯後小小甜一流 😋

難得入長洲⛴ ，食啲咩要諗清楚啲，因為得一個胃，睇左「良心小店」同其他review，揀左食米線：❤️〈超濃番茄🍅湯系列：精製腩肉、金菇，稻庭烏冬🍜$49〉當然要試下人人都讚嘅番茄湯米線！一上枱，紅卜卜嘅湯，仲有陣陣嘅煙，已經令人食慾大增！個湯真係有好濃嘅番茄味，湯底帶甜，佢係真材實料架，一邊食仲有茄蓉；稻庭烏冬軟硬適中，仲係彈牙㗎，香濃嘅番茄湯會黏住烏冬，好夾；腩肉夠味唔黏牙❗️注意：烏冬係比較難夾嘅麵類，食嘅時候要非常小心特別係配番茄湯，朋友走時，件衫多左好多紅點點🤣💚〈蜆肉🦪紫菜湯系列：墨魚春卷、支竹，米線〉（一個餸$49，但唔記得加多個幾錢）入到黎長洲，就想揀一個特色啲嘅組合，所以揀左蜆肉紫菜！蜆肉紫菜係一個比較清嘅選擇；食下食下仲有蝦味，原來湯入面放左蝦仔，份量仲唔少，所以個湯好鮮甜；蜆肉好多丫，店員會俾成個碗你放殻，蜆肉煮得啱啱好，易咬唔痴牙💜紫薯網卷$28外面紫色，入面黃色，係好靚嘅對比顔色！雖然係炸到脆卜卜，但係網卷係乾身嘅，無油淋淋；上枱時，仲係熱辣辣，即刻想食一條；外層鬆脆，由於外層係網狀，咬落去嗰下會有幼細嘅脆脆彈岀黎；入面嘅蕃薯泥，清甜夠細滑

久唔久就心郁郁想去食碗，主要貪佢個湯底。我次次都叫胡椒豬肚湯，送埋幾大塊豬肚～飲落夠哂暖胃～ 好滿足，通常成碗湯清哂。跟住就會見到碗底d胡椒粒，睇到佢足料㗎至於米線呢，本人唔太中意米線，所以點米粉。小食都會點㗎：脆炸魚腐、紫薯網卷～即叫即炸，夠哂熱氣炸魚腐相對比較油，下次會揀番網卷👍🏽食物質素就好喇，但服務方面麻麻，好似懶係唔憂無生意咁。d樓面做嘢慢慢嚟～完全唔怕你等得唔耐煩走人唔食。

自上次同老公新試e間已經開咗幾年嘅小店，今晚老公提議又再次光顧。今日星期五晚，又撞啱落船，又係繁忙時段，全場爆滿，唯有等。大約十分鐘後就坐低。兩位樓面姐姐忙到無法立即收拾同抹枱。今晚有興趣食d小食餸米線～ 老公叫我揀一樣～我就點咗紫薯網卷 & 老公點咗脆炸雲吞！另外米線方面，老公同我都不約而同點咗跟上次唔同款既湯底：老公：超濃番茄豬頸肉米線～配響鈴&時菜我： 酸辣湯底米線～配豬軟骨&魚腐小食都即點即炸，上菜時熱辣辣。紫薯網卷裡面釀咗番薯蓉，做到外脆內軟口感一咬落去好鬆脆又即刻食到軟滑嘅番薯正！炸雲吞仔都幾有水準👍🏽老公嘅濃番茄湯底都好好味，啖啖鮮茄肉～我的酸辣湯底反而一般，比較中意胡椒豬肚湯～食到尾聲，碗底有好多類似酸菜既物體。好欣賞d豬軟骨，炆得好淋而保留肉質嘅纖維。最後d魚腐都幾好，勁索湯汁，一咬落去d湯汁連本身嘅魚汁咇出來，回味無窮飲品方面就正常，熱豆漿都唔差，又夠熱。值得一讚同再次幫襯。