鼎泰豐

Open Now

Now Closed

鼎泰豐以小籠包聞名於世，皮薄多汁，內餡鮮美全部手工製作。除小籠包亦會提供傳統上海及台灣菜，每道都匠心烹調，味道獨特。🌃- 小籠包6個 HK$70 🥟皮薄軟滑，肉餡鮮美多汁，每隻小籠包都充滿一匙羹湯汁，入口爆汁鮮味，令人回味無窮!!- 紹興酒醉雞 HK$82 🐥雞肉嫩滑，紹興酒香氣融入整件雞肉，香氣氛芳。- 台式四季豆 HK$64 🫛蝦米惹味香口，肉碎味道濃郁，四季豆油香十足。- 炸豬排蛋炒飯 HK$92 🐷🍚豬排份量十足，炸得酥脆香口。炒飯粒粒分明，口感彈牙且帶有米香。- 台式擔擔撈麵 HK$60 🍜肉醬味道濃郁，麻醬的味道恰到好處，麵條選用陽春麵，飽肚感十足。- 荔芋小籠包6個 HK$58 🥟少見上海甜品，用小籠包皮包裹住芋泥，皮薄彈牙，芋泥香濃可口，非常驚艷!!

星期五難得齊人，約咗去沙田食飯。鼎泰豐係我哋首選，先到先等。阿女最早到，七點就去到等位，唔使七點半就可以坐低了。太耐冇食台灣菜喇，一於食番夠本。四個人開餐，一共嗌咗八樣嘢。開胃涼菜要咗香干馬蘭頭同紹興酒醉雞。馬蘭頭雖然係野菜，但係就有一種特別嘅味道，喜歡食佢嘅人愛不釋手，我就係其中之一。醉雞係屋企人鍾意嘅，呢度做嘅醉雞有非常濃郁的紹興酒香，唔似其他餐廳啲這味餸，做到酒還酒，雞還雞，好似風馬牛不相干的。嚟到呢度，當然係要食餐廳出名嘅小籠包。皮薄餡靚，肉汁鮮甜，香港呢個地方也真心搵不到另外一間餐廳的小籠包可以做到咁出色了！台式酸辣湯和蝦肉紅油炒手也都是我想念的，當然也各要了一份解解饞。主食方面叫咗個紅燒牛肉麵、蝦仁蛋炒飯同台式擔擔撈麵。我個人的至愛係牛肉麵。牛肉煮得非常入味，湯汁鮮美，令人百吃不厭。炒飯粒粒分明，每一口都吃到蛋香。呢餐雖然唔平，但係我哋食得非常之開心，算係近期食得比較心滿意足的一餐！

因疫情關係好耐都冇去過台灣旅行🇹🇼想念台灣的美食🥺好彩有鼎泰豐望梅止渴住先💡下午茶時段人數唔算多💁🏻‍♀️等咗5分鐘就可以入座⏰今日唔太肚餓👀所以只係叫咗幾款小食😗🔸招牌小籠包（$66/6個）小籠包皮薄餡靚🤠湯汁濃而不膩夠鮮味👏🏻肉餡味道稍為淡咗啲🙍🏻‍♀️不過上枱温度啱啱好唔辣口✅整體嚟講不過不失😺🔸原味水晶肉（$64/碟）鼎泰豐嘅經典菜式之一🔥以晶瑩通透嘅外表同特別嘅彈滑質感為吸引之處💛口感豐富有層次👍🏻配搭香醋更能平衡肴肉嘅膩滯感🐷冷盤必選美食✨🔸紹興酒醉雞（$66/碟）雞皮爽口🐔雞肉軟嫩🐓佐以紹興酒提味🍾酒香撲鼻👃🏻不過紹興酒酒味較重🤔怕酒味嘅朋友可能要三思🙈若將台灣同香港嘅鼎泰豐比較⚡️味道當然係台灣更勝一籌😶希望香港嘅分店食物質素可以更緊貼台灣🗯

簡單晚餐紹興酒醉雞，雞唔鞋👌🏻👌🏻小籠包，皮幾薄👍🏻高湯蒜蓉炒菠菜，菠菜幾嫩油炸排骨(胡椒味)，有肉汁，幾軟嫩，食食下有d食緊漢堡扒嘅感覺😂 因為質感同埋個胡椒味。

呢個時勢日日都要食外賣，見到鼎泰豐外賣自取有節就試一試啦！其實平日都有食開堂食，每次品質都好穩定。明白外賣會影響食物質素，如果有折都可以彌補番既。今次一共叫左三款食物，睇下質素如何先！取外賣到家歷時: 30分鐘1. 台式紅燒牛肉湯麵而家嗌外賣多數都會分湯，經過30分鐘個牛肉湯仲熱，即刻飲一啖先，同堂食個味一模一樣好令人懷念，裏面有一舊牛筋同埋四至五舊牛腩，牛筋好入味好香，牛腩好淋有肥有瘦，好食個面分開放但係都擺得好靚，呢個麵質係避免唔到痴埋一舊既命運，揚開晒再加埋浸左湯一陣，都係有d痴埋，無辦法整體而言都有堂食八成既感覺。2. 香蔥拌麵一打開個盒就聞到好香嘅蔥油味，個麵都係放得好靚好整齊，拌有青蔥同埋香蔥油。呢個麵會比牛肉麵痴得無咁埋，可能因為有油嘅關係。食落去好香，啲蔥都好夠份量，每一條麵都可以沾到蔥油整體來講有堂食九成嘅感覺。3. 紹興酒醉雞欣賞佢個酒分開放，咁啲雞就唔會浸酒浸得太耐影響個味道。冷盤同堂食一定做到一模一樣，個擺盤都好靚，值得一讚。今次外賣好滿意會再幫襯！

第一次試鼎泰豐，一間非常傳統的江南美食小館招牌小籠包確實係出色，見到啲師傅一個一個咁包，自己再試埋個味道，視覺及味覺的享受都一流什錦豆乾絲清涼爽口，微酸...一道令人感動嘅開胃前菜紹興酒醉雞🐔酒量很適中，淡淡的酒香浸透每一塊嫩滑的雞肉，圍繞著您整個口腔，令人不禁一塊接一塊蝦肉餛飩湯🍲湯底清甜，餛飩皮夠薄，手工一流台式擔擔撈麵🍜優質嘅麵底好彈牙，配搭上濃郁嘅花生醬料，一試難忘不過呢間餐廳價錢嚟講係貴架啦，名氣大嘛不過整體來講服務、環境、衛生同食物質素都係合格嘅

🚩香港搵食 • 食在#沙田 🔍🍃🍃🍃🍃🍃🍃🍃🍃🍃🍃🍃🍃🍃🍃鼎泰豐呢間餐廳十分有名氣 分店遍佈全球😌😌小編今次係下午茶時間去 有別於以往 唔需要大排長龍😛雖然有人話食鼎泰豐係「食」服務 並唔係食味道不過為食小編對呢個講法有保留喔🤔小編對鼎泰豐嘅服務同食物質素都有正面評價啊!!😇🍃🍃🍃🍃🍃🍃🍃🍃🍃🍃🍃🍃🍃🍃👉🏻 小籠包 $60/6pcs呢個毫無疑問係鼎泰豐嘅生招牌了😚小籠包餡料使用豬肉製作 肉質鮮嫩🤤肉汁亦非常多 名副其實皮薄餡靚😍😍😍💋👉🏻 紹興酒醉雞 $74小編一向以來都唔太喜歡食雞皮 覺得好油膩🤧但係呢個醉雞每次去都必食 而且一定要連皮食😋雞肉嫩滑 雞皮爽口而不油膩 充滿濃郁嘅酒香味😇😇💋👉🏻 台式擔擔撈麵 $50陽春麵底加埋麻醬 香蔥 花生粒 同埋秘製醬汁雖然材料簡單 但撈埋一齊食 味道一啲都唔簡單💯..🌈✨🌈✨🌈✨🌈✨🌈✨🌈✨🌈✨🌈✨