My Burger (東廣場)

Open Now

Now Closed

嚟到東廣場地下food court兜咗一個圈，最後揀咗呢間食burger。叫咗一個牛一個雞漢堡，每個跟餐加$26有一個沙律加一個薯條。因為想食洋蔥圈，可以+$5薯條轉洋蔥圈。沙律都係正正常常嘅味道，份量都ok。薯條就一杯上，擺到勁滿，係粗薯條黎。洋蔥圈成碟上，加錢係值嘅，可能冇咩人叫洋蔥圈，所以真係即刻炸起，勁香口勁脆勁好食！好鍾意佢個包嘅口感，個形狀亦都好得意～厚實唔係太淋身果隻。經典牛堡味道就係想像中果種味🤣好食但唔會好有驚喜咁～至於雞堡就有驚喜！首先個雞扒好juicy同香口，塊菠蘿簡直係神來之筆！配埋一齊真係十分開胃至於隱藏食法，就係將個洋蔥圈擺埋落個漢堡一齊食有啲地方其實有洋蔥圈漢堡，不過呢度冇，所以自製左

今晚第一次係東廣場試下呢間Myburger呢到有牛/雞/豬/魚 既漢堡甚至有蝦堡，炸軟殼蟹 ，連龍蝦既Burger 都有有不同口味選擇，一間細細既鋪有咁多款都幾厲害😋仲有d 小食添我地揀左食Classic Burger 經典牛肉漢堡跟餐+20 要薯條 飲熱柑桔蜜柑桔蜜幾香濃，係港式果隻黎薯條都算新鮮 ，算係粗薯條🍟，點茄汁幾好味，不過份量真係唔多 食多幾啖就食完了🥺Burger 來了 個burger真係好大個 Mark 到最大個口都咬唔曬haha塊包烘過脆脆地 仲有陣陣牛油香塊牛肉幾厚幾juicy ,洋蔥亦有佢自己既醬汁同夠甜，係嫌塊蕃茄細塊左d同太薄整體黎講 成個包都好Juicy重點係價錢ok 唔算太貴下次會想再黎試下其他的

9月3日（FRI)今晚Dinner 唔想食飯/麵係東廣場試豆呢間Myburger見隔離個個攞住大大個burger知道一定份量夠飽了比大家睇下Menu 先主要有牛/雞/豬/魚 既漢堡甚至蝦堡，炸軟殼蟹 連龍蝦既Burger 都有認真多口味選擇一間細細既鋪有咁多款都幾勁Menu後面仲有d 小食不過無影到， 記得仲有fish n chips我地揀左食Classic Burger 跟餐+20 要薯條 飲熱柑桔蜜熱柑桔蜜同炸薯條率先到柑桔蜜幾香濃，係港式果隻黎薯條係粗薯 都算新鮮炸起點既茄汁好味 不過份量真係唔多食多幾啖就食完了主角Burger 來了 幫佢影張靚相先個burger真係好大個 Mark 到最大個口都咬唔曬要細細啖咁慢慢逐層食 haha塊包都好厚個面仲有紋又有層白色麵包粉 好高級咁烘過底脆脆地但又夠鬆軟仲有陣陣牛油香塊牛肉夠厚好juicy ,洋蔥亦有佢自己既醬汁同夠甜係略嫌蕃茄細塊左d同太薄有半邊包係無蕃茄食整體黎講成個包都好Juicy係好滋味既一餐重點係價錢ok 丫唔算太貴因見過出面有d burger 未係set 都接近一百蚊下次會想再黎呢到呀再試多d另外口味既Burger

觀塘區小店美食林立，要喺呢度突圍而出，都唔係一件易事，今次食呢間小店專做漢堡包，而且做出更是高水準的漢堡包，搞到每次過黎都心郁郁會去食呢間漢堡！呢度嘅包都係用心製作，落單即造，包用上其他嘅皮，食落比較煙韌，包底更用牛油煎過，變得香脆，用料方面都相當多，大大塊漢堡扒！軟殼蟹漢堡更誇張，大到包都遮唔到！食落口，啖啖香味！呢個軟殼蟹漢堡唔係度度有，行過大家都可以去試試，絕對無介紹錯！ 相對出面食個似樣嘅漢堡包都百零蚊左右，呢度絕對係性價比高之選！

呢間喺東廣場入面嘅漢堡店每逢晚市時段都係座無虛席 我之前都喺晚市時段幫襯過覺得佢啲嘢食真係平靚正 只係環境好逼吓人同人之間嘅距離爆場時感覺好唔安全呢日我趕時間 又咁啱路過見佢冇乜人就立即坐低叫咗個經典牛肉漢堡加汽水雖然當時係下午茶時段但並未因此有下午茶優惠 價錢同晚市時段一樣 怪不得座上客少咗咁多呢度係先畀錢後上食物個漢堡包大概等咗十分鐘就有得食一咬落去 不得了 個包又熱又脆呢啲真係大型連鎖店畀唔到嘅快感然後齋睇個樣 你都知個包有幾咁足料如果你要一啖咬到晒所有材料除咗要擘到個口勁大仲要將個包壓扁嚟食先得 （男仔可能冇我哋女仔咁尷）然後個漢堡除咗啖啖肉 仲好JUICY啲芝士又好CHEWY生菜又好FRESH塊酸瓜又俾得夠晒大塊感覺店家好大方講真 一個女仔普遍嚟講都應該好難食得晒個包大食如我食剩少少都已經飽到呆呆地49蚊嘅包有咁嘅質素同份量真係好離譜吓所以話 好生意絕對有佢嘅道理

漢堡包我一向麻麻地，原因係以往食開平價嘅漢包，而往往都係冇牛味，或者乾過肉干。好食通常都好貴。今次黎my burger推翻我對漢堡包嘅一切認知。1.大啡菇芝士牛肉漢堡相片影得唔好，實物比相片震撼幾倍。如餐牌一樣，有牛肉，啡菇，洋蔥，芝士，蕃茄，沙律菜。個包大到個口咬唔到隻大啡菇菇味勁香濃又大隻，勁爆多汁！牛肉幾厚，有黑椒好惹味，牛味亦幾好，重點又係爆汁！沙律菜切到一絲絲，質感更爽脆有層次咁多樣配料超夾，惹味得黎少少酸好開胃。成個包勁熱，d汁又多又熱真係前所未有，拿上手好夠晒熱，即整即上枱超好食。個包好軟熟，唔會死實實。咁嘅價錢超抵，可媲美出面成百蚊嘅漢堡。2.經典牛肉漢堡配料同剛才啡菇牛堡差唔多，除左係冇左啡蘑，變左酸瓜。酸瓜令味道更開胃！勝價比一樣高！可以加$20叫左薯條同熱檸茶。薯條細細兜但都脆，檸檬亦都新鮮，茶包就用普通茶包但都唔錯。食物冇得彈，惟座位較逼，更多人係買外賣

📍🇭🇰 My Burger (東廣場) (觀塘).我食過咁多間漢堡店，相比類近大型連鎖快餐店價錢，這間是更抵食更好味😋👍🏻👍🏻👍🏻👍🏻👍🏻！係我食過咁多間，最經常encore 的漢堡飽店！支持本地小店！多款提供，多種類選擇！全部都係即叫即整，夠哂新鮮！.今次點左：🔖 經典牛肉漢堡 {HK$49/個}配薯條 + 沙律套餐 {HK$26}配薯條 + 飲品套餐 {HK$20}轉特飲：Oreo朱古力奶昔{HK$19/半價跟餐價加購｝.🖌 漢堡飽大大個，牛肉好juicy，十分足料，啖啖都是材料，張開口都咬唔哂🖌 薯條熱辣辣，厚切薯條🖌 沙律最緊要係配醬，配合芝麻醬加青菜蕃茄粟米粒🖌 特飲夠大杯，好香Oreo味.P.S. 自助醬料添加，不收加一服務費，抵食！

東廣場嘅homemade burger小店, 座位唔多同埋比較逼, 午飯時間通常都要排隊等一等. 餐牌有好多款漢堡選擇, 揀左得洲煙燻烤雞漢堡同經典牛肉漢堡, 新鮮熱辣大大份見到已經夠吸引, 用意大利軟包呢個我覺得幾特別又好味, 炸雞大大件夠juicy, 配埋微辣燒烤醬配搭好惹味經典牛肉漢堡扒亦都夠厚同juicy, 有芝士同烤洋蔥都好好味, 每個包再加多廿蚊就有野飲同薯條/薯角/水牛雞翼等等, 我比較鍾意食佢嘅薯條, 除左熱辣辣剛炸好, 厚度同大小都岩哂我, 而且勝在價錢親民, 值得推薦.

觀塘東廣場必食漢堡包推介呢間小店小妹已經幫襯過幾次，食咗幾次之後，發現漢堡包依然可以維持一個高的水準。漢堡包喺廚房入邊由廚師一個一個咁樣去煎嘅，我見到每一日店員都會用一啲新鮮嘅免治牛肉做漢堡，而我最鍾意舖頭嘅漢堡包亦都係經典牛肉漢堡加菠蘿🍔。發現中間嘅牛肉漢堡好厚，亦好有肉汁，加咗菠蘿之後，漢堡包嘅油膩都會減低，菠蘿亦會令到漢堡包變得更Fresh及Juicy! 小店裏面除咗經典牛肉漢堡係必食推介之外，炸薯條係非常之出色，除咗全部都係即叫即炸，熱辣辣之外，薯條係一啲連皮嘅粗薯條，非常之有口感，及滿足感。另外我都有試過大隻佬漢堡及雞肉漢堡，大隻佬漢堡非常之滿足，雞肉漢堡略鹹，但係依然覺得經典牛肉漢堡係最好食嘅，喺香港真係好少食到咁平，但咁高質素嘅漢堡包！

觀塘東廣場依家變左個小小美食廣場，進駐左好多小店，樣樣都係又平又抵食！真係花多眼亂🤩呢間Burger絕對稱得上觀塘Burger 平、靚、正之選👍🏻！最平嘅經典牛肉漢堡都只係$49😮！跟埋餐都唔駛$70 😎雖然價錢平，但份量一d都唔馬虎，而且塊牛肉漢堡扒仲幾厚身架！漢堡扒煎得岩岩好，仲保持好多肉汁，好Juicy🤤麵包好鬆軟，帶有微微甜味，再夾住生菜🥬、蕃茄🍅、芝士🧀真係好滿足 😆除左Burger, 呢度仲有沙律🥗、All Day Breakfast🍳、 意粉🍝、 炸魚薯條🍟等等。我地都有試埋個炸魚薯條，外層炸得好香脆，但魚嘅肉質唔夠滑，影響左口感！算係不過不失啦～我都係建議大家食番Burger🍔，真心推介大家試一試 😋

黎親觀塘都會諗起呢間burger, 佢一直都係my favorite!!呢日收左工過黎食, 黎到既時候已經好多人喇~好彩有位!雖然食過好多次, 但每次睇餐牌都要睇一大輪經典牛肉漢堡朋友最愛食牛, 呢個burger 夠大份, 肉汁夠! 岩哂佢炸魚漢堡我就揀左炸魚, 塊炸魚好長又夠厚身! 配埋沙律醬好正食burger一定要配埋薯條加$20就可以轉埋薯條+飲品 套餐桂圓紅棗茶食得咁飽, 叫返杯茶養下生每次都唔會令我失望既"My Burger", 我好鍾意呢度既包好鬆軟, 每個burger都好足料

此間手工漢堡，一吃愛上一般市面手工漢堡價錢由八十至一二百不等，這裡最平有$46的雞堡至最貴的軟殼蟹漢堡都係$78，實在抵食。另可加$20至$26蚊跟餐：飲品、沙律、薯條或雞翼，不同配搭不同價錢。每次來都食牛堡，價格同味道都吸引～～～仲好大個，一口係咬唔晒的。最外層的包，有烘過，仲有牛油添。入面有大塊蕃茄、菜、洋蔥、牛肉同酸瓜，店主毫不吝嗇，漢堡份量十足！牛肉有牛味，係有少少筋，唔會太乾，有肉汁。最喜愛入面的酸瓜，原條開半，同醬汁一樣酸酸的，平衡肉的膩。不過我覺得醬可以再減一點，會令牛味更出～很讚的薯條！新鮮熱辣，外脆內軟，薯條見到有皮，係新鮮薯仔呀！係滿滿一杯，雖然好正，但一個人食晒一杯真係有點熱氣搵人分擔下好。另外沙律，有一大塊蕃茄同好一碗滿的沙律菜，呢兩樣係同漢堡入面的一樣，不過沙律係芝麻醬，同樣美味舖仔細細，坐位不多，姐姐熱情招呼～

上次經過東廣場，看到這間專門食漢堡的餐廳，顧客點的漢堡都賣相吸引，所以決定星期五來試試看！位於東廣場的餐廳都比較狹窄，很多都會擺放座位於餐廳外的走廊。由於是星期五，等了10分鐘才有位。餐牌上有很多款式，而且價錢相宜，第一次來到決定試試他們的經典！經典牛肉漢堡只要+$20，就可以配薯條及飲品。這是我最喜愛的粗薯條，即叫即炸，熱烘烘，又香又脆，而且份量頗多，十分讚！經典牛肉漢堡它的配料是牛肉、沙律菜、番茄、酸瓜、芝士、洋蔥，我走了酸瓜， 但好像連我的番茄也走了😅包身軟熟，而且沙律菜非常新鮮脆口， 口感不錯。牛肉漢堡的肉質很厚實，而且有牛味，醬汁是酸酸甜甜的，非常惹味！我點了咖啡，應該是齋啡（而我不太喜歡喝），所以是普普通通吧！怪不得有很多人排隊，這個性價比很高，下次可以再試試其他漢堡款式！

觀塘返工既好處就係附近多野食！今日lunch去左試間漢堡店～ 店唔算大，但都算坐得舒服唔會話好逼。我同朋友一行兩人，試左兩款唔同既漢堡。友人試左經典牛肉，不過佢係偏食既人，所以走晒蕃茄同菜，只剩包+牛+牛油+芝士佢話幾好味，牛肉唔會太乾，幾香，都幾多肉汁，可以一試！我就愛辣，所以試左牙買加辣雞，佢地個包同平時果啲唔同，都幾好咬口，不過一上發現砌到好核突變左菜還菜，肉還肉咁咬，都幾狼狽下。佢啲菜都幾大片，幾新鮮；塊雞就少少辣，偏乾，麻麻地。個醬都冇咩味。佢啲包都係加$20 可以轉套餐，我地揀左加$20 配薯條加汽水。呢度係用粗薯條，新鮮炸既，上果陣熱辣辣，好食！總結覺得個薯條做得比較出色，漢堡就一般。