Video
Opening Hours
Today
08:00 - 21:00
Mon - Sun
08:00 - 21:00
Above information is for reference only. Please check details with the restaurant.
去觀塘掃完戰利品諗住去搵食，行到東廣場見到一間價錢又唔貴嘅小店，結果竟然喜出望外！我哋兩個人叫咗菠菜汁煙三文魚意粉🍝（$68）同經典牛肉漢堡🍔（$52），叫set連嘢飲，埋單只係$150。《菠菜汁煙三文魚意粉》佢真係用菠菜汁加上菠菜葉，絕對唔係hea我；加上蒜容同洋蔥碎，令到成個意粉嘅香氣非常突出，加上意粉有Al Dente嘅口感，比起一般西餐廳對意粉嘅處理更加一流。大前提係，只係68蚊！《經典牛肉漢堡》一般出去食漢堡都唔平，郁啲都成舊水，見佢呢個經典牛肉漢堡只係52蚊，就試一試佢。成個包好厚好軟，牛肉好juicy同好香嘅牛味，麵包嘅口感好好，唔會好似某大連鎖店嘅包既汁多到變咗一Pat嘢咁。有機會會再試其他嘅嘢食，雖然感覺係好家庭式嘅小店，但食物質素、味道上我覺得媲美一啲高級餐廳。結論係性價比高既小店，值得試！
continue reading
喺觀塘俾我搵到間食burger嘅小店，款式非常多！龍蝦漢堡($128)菠蘿煙肉牛肉漢堡($65)漢堡都可以搭到咁高🤣 睇落都覺得足料！包身外脆內軟，好啱我口味😍龍蝦漢堡估唔到真係成條龍蝦尾放落去🤩 好大條好厚肉！而菠蘿煙肉牛肉漢堡就非常豐富，漢堡扒係手打，所以肉質都比較鬆軟好好味，配搭加埋菠蘿仲冇咁漏！香辣茄汁大蝦意粉($68)乾蕃茄黑醋雞肉意粉($65)蒜香蟹肉意粉($70)意粉款式都幾多，仲有唔同嘅配搭！茄汁大蝦大大隻非常爽口彈牙～😋黑醋雞肉估唔到有幾夾，食落多咗一點酸味，層次豐富咗！😍最後蒜香蟹肉都好都蟹肉，炒得幾惹味🥳煙三文魚沙律($48)估唔到仲有沙律，用煙三文魚切咗玫瑰花真係好靚😚 而且都幾多三文魚！食落都好新鮮，感覺清新😍泰式魚餅($24/3塊)番薯條($35)炸洋蔥圈($35)食漢堡點可以冇小食，泰式魚餅食落都幾辣！番薯條同洋蔥圈就好香脆，而且份量都幾多😋😋
continue reading
相對上一次光顧, 已有一段時間, 是日路經見有下午茶餐, 當中更有漢堡包選擇, 便入座回味一番。1) 下午茶- 經典牛肉漢堡 $42- 奧利奧朱古力奶昔 $19 (原價$38, 跟set半價)2) 小食拼盤 (春卷 x 3, 泰式魚餅 x 2, 薯角) $38經典牛肉漢堡採用的包, 賣相並不討好, 但入口甚香, 又鬆軟, 一問之下, 原來這款包叫風車包。經典牛肉漢堡材料豐富, 有牛肉, 沙律菜, 番茄, 酸瓜, 芝士和洋蔥, 由於甚有厚度, 一口很難把所有材料吃下, 但依然美味, 既Juicy, 口感又豐富。小食拼盤有春卷3件, 泰式魚餅2件和薯角。春卷外表香脆, 餡料份量適中。泰式魚餅香辣, 即使喝一口奶昔, 辣感仍充滿口腔。薯角炸得脆口, 啖啖薯肉, 份外滋味。奧利奧朱古力奶昔味道濃郁, Oreo打碎混入其中, 質感幼滑但不會過稠密, 滿滿一杯, 十分滿足。
continue reading
因為趕時間所以揀咗呢間小餐廳食lunch，揀咗個Burger同一個意粉，夾埋要149蚊。burger揀咗蘑菇洋蔥牛肉漢堡，如果轉做餐加薯條同汽水就要加多20蚊，夾埋要差唔多80蚊，以東廣場地下呢啲舖仔嚟講價錢略高，幸好味道係ok嘅，係因個薯條比較麻麻，可能唔係即叫即炸啦。可能就係見佢啲burger價錢貴，所以個意粉就比較化算，我哋揀咗菠菜汁煙三文魚意粉。個意粉份量都幾大碟，味道就畀想像之中濃，送汽水一罐，要68蚊。
continue reading
今日下晝做完嘢肚餓，去咗東廣場搵食，上次經過見到呢間好似幾抵食，今日坐低試吓先，下午茶餐2:30開始，今日冇揀到下午茶餐（唔記得影餐牌），肚餓揀咗呢個乾蕃茄黑醋雞肉意粉，餐茶叫咗熱情果花茶（呢款另外咗$5）呢度點餐係先付款，佢會比個號碼牌你放响枱面，坐低佢就會送餐過嚟，快餐店形式，坐位唔係好多，大約10張枱左右。乾番茄黑醋雞肉意粉有驚喜，估唔到幾好食喎，個黑醋汁調味幾好我鐘意，所以成碟食晒，花茶冇乜特別，茶包一個冲出嚟，我下次會再嚟試吓其他嘢
continue reading