Next Station Dessert (Closed)

next station dessert其實已經食過好多次，次次都咁令人滿意難得五月份有優惠，梗係唔可以錯過啦優惠足足整個5月份都有: 所有心太軟選擇都有半價，平均$28-30就有一份，抵到唔信!朱古力心太軟配草莓酒心及曲奇雪糕，賣相夠哂可愛，泵仔裏面係草莓酒，自己動手擠入心太軟中，更添趣味掏開心太軟，軟心即刻流出，視覺效果一流蛋糕外層微脆，沾上濃濃的朱古力醬，朱古力迷大愛!曲奇雪糕多曲奇碎，不太甜和朱古力心太軟很配綠茶心太軟，成舊青bb,加上紅豆在上，日本風情即時浮現相比朱古力心太軟，綠茶心太軟軟心較流質，蛋糕較厚身，有多啲咬口，草莓雪糕也是相對light啲來配搭心太軟草莓泡沫my pink lady,除左心太軟，其實仲有好多唔同嘅甜品，今次叫左個light啲嘅甜品，同樣出眾上面心形的是薄脆，巧靚靚頂層係士多啤梨泡沫，輕盈感up!夾住乳酪雪糕同大大顆嘅果醬草莓，最底層係tequila rose panna cotta,食落似有酒味嘅玫瑰布丁仔，成杯野酸酸甜甜，好冧btw,我記得心太軟之前好似大份啲，不過以半價得到呢個size,都算係咁，仲可以當試多幾種味添

甜品係女仔心目的最愛，因為覺得食完之後會有幸福的感覺。今日同友人去呢間甜品鋪，入到覺得有復古的味道；桌子用木造；天花用吊扇做裝飾；仲有吧檯坐。侍應好好人，一見到我地入到去：就即刻遞左杯水俾我地，覺得佢地好細心。 之後點左紫薯窩夫和綠茶心太軟：由落單到上甜品：大約10分鐘；始終叫呢兩個甜品製作時間係比一般為長。落左單之後就俾餐具，餐具都好乾淨；紫薯窩夫先嚟，佢配左雲呢嗱雪糕：旁邊有楓糖同朱古力醬用嚟點窩夫。首先先食原味：窩夫的蛋味好濃，紫薯蓉都幾多，紫薯味都好重：但兩者無搶大家的味，好配合。點朱古力醬，我就覺得朱古力唔太甜又唔太苦；而點楓糖之後，好似食熱香位餅嘅感覺，好味。而雲呢嗱雪糕旁邊有玉桂粒，先食淨雲呢嗱雪糕，唔太甜但又夠滑。之後加埋玉桂粒，玉桂粒好脆，食落玉桂的香氣徘徊在我個舌頭。綠茶心太軟配上左士多啤梨雪糕：綠茶外表好似綠茶蛋糕，一吉開D綠茶汁流哂出嚟；先食佢個餅，好夠熱而且食到綠茶的甘味，無得彈。

食完個晚餐！大家去左行街街！自從多左自由神之後都少落左旺角！但我地都唔係行一D旺區！反而去左行 12蚊店同朗豪 😂😂行完之後！我話請食甜品！本來諗住係朗豪呢頭就唔好番過去喇...點知都係選唔到！最後又去番 next station...今日冇上次咁好彩直入...等左十分鐘左右！門口位置有位梗係照坐啦！同朋友食野既好處永遠都會陪我食新野 😂😂芒果 pancake 推薦俾朋友試下！雪糕佢自己選左朱古力！大讚呀！另外朋友要試紫薯窩夫！雪糕佢選左什莓！個窩夫好過我上次叫好多呀！呢個外脆內軟架！紫薯味唔重！但都可以！今次我叫左個綠茶心太軟！個綠茶味勁濃！紅豆就少左 D！雪糕我都係選左朱古力！好夾呀！勁流心！如果朋友鍾意綠茶！呢個綠茶醬都真係不二之選！** 提提大家！落單前 like一like 佢面書會有9折架！佢唔會提你 😘😘

今次又黎到旺角黑布街呢頭搵甜品食呢度差唔多間見都食過 最後都揀番呢間一黎係之前對佢印象唔錯 二黎係比較岩自己口味綠茶心太軟 $58上次試過呢度嘅培茶心太軟今次試下綠茶心太軟啦 畢竟自己都鍾意綠茶結果呢度真係無令我失望啊心太軟出面層蛋糕夠厚身 而且唔會過林比較有實在嘅口感 呢啲先係正加埋入面啲流心綠茶醬更加不得了綠茶醬唔會太甜 綠茶味道亦都好濃算係目前食過嘅綠茶心太軟入面 最滿意嘅一個紫薯窩夫 $62旺角好出名嘅Next Station Dessert之前都食過一次 今次試下唔同嘅野先點知又嗌到個味道唔錯嘅紫薯窩夫窩夫好厚身 烘得好香而且外脆內軟入面嘅紫薯蓉落得好足而且真係有好濃嘅紫薯味 岩曬各位紫薯迷

旺角集結了各國名菜外，更有無數的甜品店支撐住飯後想搵地點甜一甜的人。只用‘黑布街’在open rice搜尋已經有６間，但要有人氣，除了做好自家甜品外，更要食過的朋友廣傳。因為這個原故，老朋友從自己朋友圈知道這間甜品店，就和我於飯後, 一同前往會一會。當日平日, 而且天氣不太穩定, 所以不用等候就可以入座(朋友告知一般平日都已有人龍, 要食都要早些前來排隊)。內裡設計簡單但不失modern風格, 一邊牆身掛了不少黑板, 將店舖的招牌甜品圖文並戍顯示,方便客人選擇。店舖採用長木枱椅組合, 雖然比其他店少了搬枱的流動性, 但我反而喜歡這樣, 對客人不會造成困擾外, 就算與其他人同枱都有適中的距離, 感覺良好。甜品款式花多眼亂，網上食評見有一個吸睛的甜品-- 栗紫薯山，但礙於剛食完豐富的晚餐，只想有個地方跟朋友聊聊天，所以選擇了我的至愛- 綠茶系...既心太軟, 選一球開胃的青檸雪葩。雪糕口味可自由配搭, 不用加錢, 就算加一球都只需$10, 絕對相宜。 另外叫了一杯特飲---Passion Fruit Smoothie, 傾計必備。Passion Fruit Smoothie 用高幼身的杯,

近黎天氣繼續係熱到爆炸，攪到食正餐都有啲食欲不振咁，於是收工決定甜品當飯食，食啲凍凍地既ya食得落喇呱？！   餐廳裝修以木台櫈做主題，還有古式的吊扇，有30幾個坐位，店員不少，有七八個，全部是男生，招乎周到很friendly呀！嘻嘻… 有點像在韓國cafe的感覺，店內播著輕快的英文情歌，温度適中，坐得都舒服，值得一讚的是：店內亦有奉上水供客人飲用！！近來好興飲香蕉朱古力，今晚就叫左個香蕉pancake配石“木反“街朱古力雪糕，每次一見到有香蕉同朱古力既特飲，二話不說即叫啦！ 見到呢度有款香蕉朱古力既甜品，即刻好想試下，唔係飲品係甜品，又會係咩味道呢？   香蕉pancake用上新鮮香蕉，蕉甜甜的，撘上幼滑的cream、吉士醬和朱古力脆米在很薄的pancake皮包裹著，皮很輕盈，完全不過厚，不太甜膩，吃完不會感到飽濟！香蕉用料丰富，cream不會過多，不“好“cream的我都能接受呀，脆米令軟軟的新鮮pancake增加一重口感，雪糕有很濃濃的朱古力香，是黑朱古力而不是牛奶朱古力，有質素，不是超市貨，雪糕內還有朱古力醬，也不會好甜，旁邊放有一些脆餅碎，加強了口感，感覺挺夾！石“木反“街雪

跟同事吃過晚飯後，又到了甜品談心的時間，今次去到黑布街的Next Station Dessert。餐廳裝修簡約。法式朱古力班戟配青檸雪葩用薄薄的班戟皮包著口感幼滑朱古力慕絲，布甸和朱古力脆粒，甚有口感，旁邊是青檸雪葩，甜中帶微酸，可以中和一下朱古力的甜味。綠茶心太軟把深綠色的心太軟切開，綠茶流心徐徐流下，綠茶流心甘香茶味濃，外層的蛋糕微脆而內裏綿密，配上軟腍清甜的紅豆蓉，再加一球綠茶雪糕，一冷一熱，香濃的綠茶味充滿口腔，綠茶控一定喜歡。______________________________心太軟你總是心太軟　心太軟　獨自一個人流淚到天亮你無怨無悔的愛著那個人　我知道你根本沒那麼堅強

住係呢度附近 係NEXT STATION新開張既時候已經黎過幾次好鍾意呢度既環境同裝修 俾人一種好舒服的感覺 入左鋪頭就好似離開左嘈雜的旺角今次 點左三色焦糖燉蛋 店員哥哥一放低 就會指示我地要由左至右咁食em.....其實我都唔係好知點解 可能係跟住個甜度既低高 順住食就唔會蓋過個味賣相好靚 味道口感都唔錯好少食到熱情果味的甜品 味道好特別 唔識形容 但是好食的！雲呢拿味 最大路我最鍾意！好香 好鍾意男友點左綠茶心太軟我先前都試過 綠茶味好香 紅豆的配搭緊係冇死啦不過我略嫌奶味強了點（我好怕奶味） 但男朋友就好鍾意：）

環境 暗暗既格調幾浪漫，咁岩我去食既時候店內既全部都係情侶，位置都唔難搵，行波鞋街行到累可以去食食物 淨係叫左一個綠荼心太軟，心太軟都好流心，但就無乜綠茶味，有d失望😟雪糕就好有綠茶味，如果可以更大舊就仲好價錢合理，有機會一定會再去試下其他甜品

記錯時間練波，唯有到旺角睇下有咩野醫肚，攝下時間本身諗住去附近間拉麵來經過見到間裝潢咁朝既甜品屋，同友人一致放棄當初的選擇二話不說就入左去。雖然人龍長長, 但都係等左15-20分鐘.店員勤快, 年青有禮. 服務好好. 而且一切都安排得好. 仲要冇加一.2人行去到點左2個甜品, 食完好滿足.- 綠茶心太軟配綠茶雪糕 ($58) :心太軟流心效果好好, 綠茶漿流出黎好吸引. 綠茶味濃郁, 至於雪糕既綠茶味都好突出. 一冷一熱感覺好正. 視覺, 味覺交雜, 藝術丫.芒果窩夫配野莓雪糕($58)見到個賣相已經心郁郁，可能即叫即做關係，等左10分鐘，上台熱辣辣，正試左啖，外脆內軟，好香蛋味! 朱古力奶凍配曲奇雪糕見到店內的飲品看起來亦都很吸引，惜時間逼人，唯待下次一嘗!

早前朋友在FB POST了一張綠茶心太軟的相，吸引了我的目光，於是有天飯後就走到這間甜品店。綠茶心太軟專門為了綠茶心太軟而來，第一件點的甜品當然是它。深綠色的心太軟上放了些紅豆蓉，紅豆亦軟腍清甜，切開微脆的外層，綠茶流心徐徐流下，蛋糕綿密，綠茶流心甘香，再配上綠茶雪糕，一冷一熱，香濃的綠茶味充滿口腔，超級喜歡。芒果拿破崙也許是因為綠茶心太軟太美味的關係，我覺得芒果拿破崙有點失色，頂層放了蛋白糖粒和芒果粒，色彩繽紛，造型幾吸引的。酥皮香脆鬆化，中間夾着厚厚的吉士醬和芒果粒，不過我覺得酥皮牛油味不夠，而且太脆，沒有鬆化感，而且芒果肉帶酸，吉士醬味道偏淡，相對失色了。不過整體來說還是感到很滿意，下次會再去試其他甜品。

繼hesheit 😊去埋斜對面嘅next station！其實兩間d甜品類型好似😊😊2位 等左大約10分中已經有位！環境一流！擺設靚😊而且大部都係男waiter！個個著住牛仔恤 完全5似做飲食😂首先叫左個綠茶心太軟！唔錯嘅 個d綠茶流心 5算甜 入口👏👍加埋個ice cream！正👍好食👍👍再叫多個窩夫！栗子正！好食😊d醬好正 甜甜的！窩夫又5算硬2個人都係食110蚊咋！

本身預左黎呢度試下, 所以晚餐都冇食太飽哈!呢間鋪裝潢超靚好有心機!好有藝術feel, 未食己經有好好印像!一坐落就俾左2杯水黎超好!叫左綠茶心太軟同埋test tube本身好鍾意食綠茶的野, 呢個雪糕個味綠茶味冇咁濃, 奶味重d, 但係食落都好好味!心太軟個內濃都好好味, 同埋冇偷工減料 xd 上碟個陣超涷, 不過就細份左小小...test tube個賣相就不得了啦, 但係真係要小心食!3枝入面最正係青檸冰!有奶凍係入面, 有得食又有得飲!另外個D其實都好特別ge口味, e.g.青瓜, 好得以既味!整體黎講好有特色!不過價錢黎講就小小貴..冇計 旺區揾日再試其他!

我和朋友去食甜品都會記得一個重點, 就是盡量唔好向9點或打後食, 因為會排隊排到傻左! 所以今次我同朋友7點幾就去左食。黑布街這邊一向以汽車用品為主, 但之從HeSheEat開了後, 附近都好似多左幾間甜品鋪呢, 所以一於去試一試!本人是綠茶的愛好者, 所以見到哩款二話不說就order左! 這個心太軟綠茶味濃郁, 切開時(忘了影相!)全流心的! 上面加上紅豆, 配搭不錯, 可以叫宇治金時心太軟! 伴著心太軟的是綠茶雪糕, 味道也可以。不過顧客食用時應先食一啖雪糕, 再食心太軟, 因為雪糕味道比心太軟淡, 味道很容易被蓋過, 若店鋪細心一點可以略作提點; 或是配上其他味道雪糕, 如紅豆雪糕也是不錯的選擇, 以致味道不會重覆。

早前，我見到食友的食評，才得知 <下一站...甜品> 由佐敦渡船角文苑街搬到旺角黑布街，並改名為 Next Station Dessert！而且，甜品推陳出新！有些更大玩創意！  相當矚目吸引！ 令我記住這間甜品店，如果，出開旺角順便走來一趟試試！ 那天，我去完尖沙咀 The Mira 雜誌舉辦的時裝美容展後，便與一位朋友一起到旺角，反正我要到朗豪坊買化妝品，順便找找 Next Station Dessert！ 我很少去旺角一帶，還旨意她帶我去黑布街，原來她也不知道黑布街在哪裡？！  唯有靠智能電話看 Map 找找吧！我們一路行一路找，亦問過路人！經過一間戲院，終於見到黑布街！  Next Station Dessert 附近有車房及仕德福酒店。我以前幫襯過佐敦舊店，走到甜品店門前，跟佐敦店完全不同風格！  店內跟舊店同樣佈置富有心思！舊店裝修簡潔雅緻！給人舒適的感覺！  新店卻型格裝潢！兩者風格截然不同！起初！我們坐在高身吧枱位置，我個子細粒！總是恐怕會跌下來；  點了甜品後，男店員告知，店內還有個深入地帶，這裡有好幾張桌子，得悉後，我們立即轉位！