鐵板先生

Open Now

Now Closed

山林道，是尖沙咀內鮮有能自成一角的小社區，靜中帶旺，造就了很多小店生存的空間。而這裏亦是尖沙咀其中一條著名的食街，世界各地的餐廳都匯集在這裡，包括具有本地特色的中式酒樓、優雅別緻的西式扒房、濃厚地道風味的泰國及越南菜館、亦有近期港人至愛的日式及韓式料理，可謂應有盡有，數之不盡，總有一間餐廳能夠合乎你所想所要，大快朵頤。在各式各樣的餐廳中，日本餐廳始終是女友人的至愛，壽司、刺身、拉麵、爐端燒、Shabu Shabu都試得多，反而鐵板燒在我印象中真的很少食，所以今次就決定同佢試下鐵板燒，同時感受下視覺及味覺享受。今次我就選擇與女友人去鐵板先生試試。鐵板先生位於尖沙咀山林道，由佐敦港鐵站D出口出，沿尖沙咀方向行，經過兩個街口左轉山林道，之後一直行到尾便到達餐廳，餐廳位置尚算便利，而且並不難找。由於我預先訂了枱，所以我們能夠對正在鐵板師傅表現的位置。餐廳內部裝修亦花了一些心思，一些掛牆的油畫，以至餐桌上的座枱燈，都充滿着漫威風格，甚至電視上所播的也是Iron Man，可能餐廳的老闆是漫威的忠實粉絲。是晚我們點了大蝦二人餐($598)，由於女友人最近皮膚比較差，不太敢吃大蝦及牛，當店長得知我們的

為契妹充當柴可夫，往尖沙咀給親友派發完自煮糕點後，兩個人就好熟路咁去咗「食街」搵食。因為實在太過肚餓，好輕易地就應門外哥哥仔呼喚 ，行咗入去搵「鐵板先生」。原來「鐵板先生」乃蜘蛛俠也 ！食店一眼望哂，正門旁有四張四人散枱。大部份面積就做咗鐵板吧高櫈散座。食鐵板燒要坐喺師傅面前先夠過癮，我倆當然係選擇後者啦 ！店小二非常好客，極力推介兩款超抵o既二人套餐。聽到小肥講咗句「$598意頭唔係咁好喎」，佢仲好雀躍地話可以加$80將原本兩隻「馬來西亞老虎大蝦」轉為今日新鮮運到o既「越南海虎巨蝦」同鮑魚，認真識做生意 ；眼見每人俾三百幾蚊就有咁多野食，我地立即點頭答允。可能見大家好傾，埋單加一後個銀碼又變成唔係咁好聽o既$745.8，哥仔仲好客氣地打咗個九折 ，搞到小肥都有啲唔好意思。好快就有野食，跟餐先黎中規中矩o既蟹籽沙律。 魚頭豆腐麵豉湯：可能外出天氣實在太冷，一碗暖胃o既麵豉湯好似特別好飲咁 。 雙色刺身：哥仔解釋話刺身來貨不定，會不時因應節令而轉款。尋晚o既帶子好嫩滑，甜蝦都好爽甜。 銀鱈魚：跟餐雖然只可揀龍利魚或鰻魚，但XO仔要求下，哥哥仔亦願意轉咗為銀鱈魚，認真順得