東園酒家宴會廳 (Closed)

是晚工作加班，煮人偷懶，外出用膳。未知是否因為肚子太餓的關係，就連花生都覺得特別好食，香脆而不會過鹹，小人吃了大半！蒸沙巴火候相當到位，熟度剛剛好，之前還在游水的魚肉相當鮮嫩，轉瞬間已被我倆殺個片甲不留！欖梅砵仔骨則不敢恭維，肉排炸得過火，排肉是硬的，欖梅的味亦不出，是一砵勁普通的炸排骨。鮮竹銀杏浸時蔬是水準之作，湯底味鮮甜，腐竹夠滑，銀杏也不少，影襯出菜蔬的甜美。最後餐廳送的綠豆沙不會過甜，還有點起沙，有誠意。可以偷一偷懶絕對是一件樂事。

今晚和老公逛灣仔電腦城，行完之後，望到有個好大的招牌，東園酒家宴會廳，之前係大有商場都食過，所以便會老公去食。由於今個星期，幾日都食火鍋、燒肉，所以今晚一於響應多菜少肉，睇到有張每日精選，鮮淮山魚腐銀杏煮娃娃菜($78)，瑤柱扒豆苗($128)，鴛鴦腸炒芥蘭($82)，蜜汁叉燒皇($118)。瑤柱扒豆苗，豆苗好嫩，完全沒有渣，蠔油茨汁唔會太醎，瑤柱亦算多。鴛鴦腸炒芥蘭，臘腸比較瘦，潤腸酒味比較濃，芥蘭炒得好脆。蜜汁叉燒皇，選用梅頭肉燒烤而成，所以脂肪唔會太肥，又唔會太瘦，亦唔會靱，仲幾淋身，加上蜜糖的香味，就配得上叉燒皇。鮮淮山魚腐銀杏煮娃娃菜，淮山系健脾胃的，魚腐軟滑，再加上高湯，令到成個菜餚都好舒服。飯後甜點有紅豆沙和綠豆沙，兩款都唔會太甜，為是晚晩餐畫上完美句號。

東園酒家宴會廳係灣仔區內經濟嘅酒家，飲茶幾抵。偶然見到附近有個廣告牌推廣黃油蟹，價錢幾抵，今日一於同朋友嚟試吓。點左茶後侍應就擺低左碟前菜小食。前菜小食$15涼拌貢菜 - 望落去似青椒，食落去味道似曾相識，一問之下原來係貢菜嚟。第一次喺香港食到貢菜，好驚喜。出差時曾經喺大陸食過幾次貢菜，大陸同事異口同聲話貢菜營養價值高，又可以抗癌，要多食。因為貢菜係外省食物，一般喺街市都好難見到，自己喺屋企附近個街市亦從未見過，慢慢都已經唔記得左貢菜嘅味道。呢個涼拌貢菜，顏色青翠，入口非常爽脆，鹹甜適宜，雖然加入左辣椒絲，但一啲都唔辣。凉拌菜式，好啱用嚟做餐前小食!士多啤梨骨＄88 - 酸酸甜甜，幾醒胃，入口仲帶少少士多啤梨果香。雖然叫「骨」，但係骨嘅比例好少，入口啖啖肉，肥瘦適中。黃油蟹＄288一隻，唔算好大隻。眼突突，好新鮮咁。仲有至尊黃油蟹，$388一隻，先食$288呢款先。黃油同紅色蟹膏各半，非全部黃油，但蟹膏軟滑、甘香味濃，蟹肉鮮味。除左食蟹用具，仲提供膠手套，用手食最方便。竹笙羅漢鼎湖上素＄98，面層有好多竹笙，底層係菜芯。裏面全部都係菇菌，口味清淡，呢個菜式特別健康，但味道一般。杏汁花膠