東園酒家宴會廳 (Closed)

今晚和老公逛灣仔電腦城，行完之後，望到有個好大的招牌，東園酒家宴會廳，之前係大有商場都食過，所以便會老公去食。由於今個星期，幾日都食火鍋、燒肉，所以今晚一於響應多菜少肉，睇到有張每日精選，鮮淮山魚腐銀杏煮娃娃菜($78)，瑤柱扒豆苗($128)，鴛鴦腸炒芥蘭($82)，蜜汁叉燒皇($118)。瑤柱扒豆苗，豆苗好嫩，完全沒有渣，蠔油茨汁唔會太醎，瑤柱亦算多。鴛鴦腸炒芥蘭，臘腸比較瘦，潤腸酒味比較濃，芥蘭炒得好脆。蜜汁叉燒皇，選用梅頭肉燒烤而成，所以脂肪唔會太肥，又唔會太瘦，亦唔會靱，仲幾淋身，加上蜜糖的香味，就配得上叉燒皇。鮮淮山魚腐銀杏煮娃娃菜，淮山系健脾胃的，魚腐軟滑，再加上高湯，令到成個菜餚都好舒服。飯後甜點有紅豆沙和綠豆沙，兩款都唔會太甜，為是晚晩餐畫上完美句號。