肉肉強食 by 鋒膳 (Closed)

平時經過幾次…都無諗住會去呢間餐廳食，但有一次同事講開，話呢間有poster寫住$20吉列豬扒，大家都話不如我地兩個叫一份午餐，之後再加$20叫一份吉列豬扒，一齊試下，大家share咁咪好抵食。餐廳係樓上一樓，上到去覺得間餐廳好懷舊，啲座位/枱布，都好有70年代嘅感覺，而食物賣相就有啲似花園餐廳嘅感覺。我地一坐低就諗住叫$20吉列豬扒啦，點知…原來係晚市6點後先有供應，我地計劃失敗左，但係唔緊要…午餐都係要照食嘅。我地各自點左一份午餐，(1)洋蔥美國豬扒炸蝦意粉，個洋蔥汁味道唔太濃，但都算夠味，豬扒唔韌，而且肉質好林，但炸蝦就太厚粉。(2)卡邦尼吞拿魚天使麵，個卡邦尼汁味道就淡左啲，而吞拿魚份量就好多，仲好好味，正！

身為食肉獸就緊係要周圍搵扒房黎食啦！今次黎到長沙灣既強強肉食，地鐵站行5分鐘左右就到，都好方便呀！店內環境幾好，好乾淨衛生，雖然近馬路但一啲都唔嘈，靜靜地仲有播一啲懷舊少少既廣東歌， 幾有情懷喎！😋芝士手打牛肉漢堡 $20呢個必推！超抵食！係食得出成塊牛肉扒都係手打既，咬落去好彈牙！😜而且牛味好濃郁，夾埋芝士一齊食，第一啖就比牛味同芝士味佔據晒口腔味蕾，超爽！😙而且份量真係好多，淨係牛肉扒已經差唔多係一隻手指尾長度咁厚！😌加上個包係有烘過，外脆內軟，超正！🥰😋牛柳7成熟 $128牛柳既份量都好多！差唔多有兩隻手掌咁大份！🤪切落去果下已經知肉質好軟熟，又冇筋 ， 叫7成熟真係岩岩好，因為鐵板上啲熱仲會繼續整熟塊扒嫁！ 😌食落啲肉質軟熟到唔洗大力咬，但餐廳係唔用任何鬆肉粉嫁！做到呢個質感真係用左好多功夫！😘😋西冷牛扒7成熟 $88呢塊牛扒又同牛柳個質感唔同，比較有咬勁，但又唔會韌，真係做得好出色！😜食落既牛味都同先前既唔同，多左一陣牛脂既香味！🤩今次配埋黑椒汁，食落更惹味呀😍薯條都做得好好，係仲脆既，但要快啲食，淋左汁上去就會變林嫁喇😌加22蚊仲可以跟餐包、飲品、湯、甜品，真係超抵！ 😍

跟餐啫喱肉眼扒配薯菜是日收工禮拜6，指定動作行果欄買平靚生果戰鬥完畢後唸住好耐無食過劉森記，於是搭巴士去元州村落唸住行去天悅廣場落車行無耐見到一間要上樓嘅餐廳，號稱使用紐西蘭Affco牛肉同埋絕對唔落梳打粉醃肉，咁神奇?仲要賣得咁平?? 一於改變主意挑機上到去唔算太多客，平均等10分鐘都可以入座。餐廳鋪面都幾大，但樓面係明顯唔夠，目測只有3個樓面仲要負責收埋錢所以佢地都滾水淥腳咁來去沖沖，擺低D食物都係擺低後就馬上走左去餐飽：交黎嘅餐包無咩好評，仲有啲微溫不過表面已乾硬疑似翻熱焗過龍羅宋湯：湯幾夠傑身無話稀冷冷，酸辣咸齊味而且幾濃味，當中仲有幾舊疑似改完牛扒頭頭尾尾嘅牛肉，以呢個+18蚊出嘅餐湯算係幾有驚喜。不過比起Wheatfield嘅招牌海派羅宋湯就仲有一段距離肉眼扒配薯菜：塊肉眼大過我兩隻手掌而且有我隻食指咁厚，我叫5成熟佢真係俾到medium rare我（牛扒上仲有血水就知），咬落相當淋而且只有少少筋，不過略嫌牛肉味淡左少少，薯條同配菜就一般茶記質素。佢話絕對無落食粉醃肉老實講我就老西都唔信嫁喇，不過佢只係賣88咋，呢個出品我覺得係好食得下嫁喇冬0T走甜：雖然茶味較淡但起碼仲飲

今日行完D2 Place，一行數人打算在附近找地方食飯。太肚餓的我們就想找間可以食飽一點的餐廳，在附近中我們搵到了一間叫「肉肉強食」的港式餐廳。去到後，見到肉肉強食的裝修明顯是以傳統老牌据扒餐館為照，餐桌是紅白格仔枱布，再加上正播放着80年代的經典金曲，讓人有一種懷念感。知道餐廳是以鐵板扒類為主，我們當然要化身為「食肉獸」。加上，肉肉的扒餐實在非常之抵，除主套餐外，我們當然要再另點超值的吉烈豬扒和牛肉漢堡。➡ 1. 羅宋湯、餐飽加配套餐可以有餐湯及餐飽。我們就選了羅宋湯，見到羅宋湯又大配，非常足料，再加上牛油餐飽，已經有點飽感。➡ 2. 肉眼身為食肉獸，當然要先嚐嚐鐵板肉眼。因為鐵板盛上的關係，所以5成就剛好，鐵板的熱力會慢慢將牛扒升上7成。肉眼扒食落不韌口，頗有牛味，再加上陣陣黑椒汁就會更香口。另外我再配上薯條，加埋雜菜實在非常豐富。➡ 3. 比目魚扒食完肉眼扒後，另一味鐵板就點了比目魚。比目魚用鐵板上，會去掉了那種油膩感，食落會更加乾身爽口，魚味十足。配菜就選了意粉，意粉是另上的，所以不會在鐵板上痴底，食落較方便。➡ 4. 吉烈豬柳一份吉烈豬柳，竟然只是$20，而且是鐵板上，變相配

之前見長沙灣開左間新既扒房已經想試好耐，今日同老公經過呢邊買野就順便過黎黎試下。呢度d布置好懷舊，枱布用左好似生命麪包既紅色格仔，有d似以前細個係舊式扒房既感覺。我地都唔係食好多野既人，所以剩係叫左一個雜扒share個雜扒好大份好足料所以我地兩個人食都食到好飽😋最鐘意個蒜蓉汁因為入面真係有好多蒜蓉😃最後甜品要左jelly, 都好好食👍🏼總結：價錢合理同埋好好食，聽講佢地另外有兩間高級d既餐廳，下次會去試下👍🏼

💮最近熊妹發現長沙灣開咗間超抵食鋸扒餐廳《肉肉強食by鋒膳》，有好嘢梗係益阿豬媽同卡肥大大啦。📌位於東京街的《肉肉強食by鋒膳》係一間鋸扒為主的西餐廳，豬牛羊雞乜都有，價錢有$58至$138一客，另外加$18可以跟上套餐，凍飲再加$5，包餐湯、餐包、飯，意粉或者薯菜、餐飲同甜品，其他仲有焗飯、咖喱飯、常餐同小食沙律，全日免加一，價錢絕對平民化，真係好化算。📌最近仲推出左大優惠，美式什扒同芝士牛肉漢堡包都係半價優惠，優惠期去到10月31日，所以熊妹就拉大隊過嚟食整盡優惠去。‪📌晚上7:30‬嚟到，簡直人頭湧湧全場都幾乎爆滿，可能大家都係衝着這個優惠而來。牛油餐包餐包就係一般嘅餐包，烘熱過再塗上牛油，味道正常。羅宋湯餐湯有典型白湯，紅湯揀，紅湯酸酸辣辣開胃啲，所以個個都揀咗紅湯，雜菜材料都好足，不過份量唔係好大一碗。美式什扒，$39雜食獸卡肥咩都想食，揀美式什扒就最好不過。美式什扒有豬扒、牛扒、一隻雞翼、半條司華力腸、一片煙肉、一片火腿同一堆雜豆伴菜。什扒質素就真係唔好要求咁多啦，豬扒都有啲肥膏肥肉，牛扒比較薄但肉質都嫩滑，無血水，其餘嘅雪藏貨就味道正常啦，卡肥選擇蒜蓉汁，成堆蒜蓉同肉食好

疫情以來，好耐都無撐枱腳，好好的約會一下。見到呢啲紅白格仔枱布，就知呢間係行懷舊風既新式扒房😊一人一份鐵扒餐，紐西蘭Affco牛柳同埋美國大草原厚切豬扒。先黎最夾既羅宋湯同牛油餐包，少少辣，多多菜👍🏻如果餐包可以熱上就更完美了。🔺 紐西蘭Affco牛柳嗌左五成熟，以為係鐵板上面好容易會overcook，點知一切開，真正既五成熟，好難得！切落去好易切，食落去好嫩好香😌🔺美國大草原厚切豬扒以為厚切豬扒煮熟晒實會鞋口，點知咬落去水嫩得令人驚訝🤩啖啖肉，齒頰留香。🔺吉烈豬柳見到餐牌上面有個$20既吉烈豬柳，仲要係日本鮮味十足既宮崎快樂豬，諗住嗌一份當小食。點知呢個$20既”小食”同份鐵板正餐份量一樣咁多，質素亦遠超於$20！超級抵！