常嚐素

Open Now

Now Closed

常嚐素似素食版Pizza Hut，有pizza、焗飯、意粉、小食、飲品等唔同嘅食物。以前呢到令我卻步嘅原因係因為位置偏遠，同埋以為只做外賣。但我哋去到發現原來店內有2張4人枱，可以堂食。2人A餐 ($163)任選迷你批一個焗飯/ 意粉/ 小食 選兩客汽水/ 餐湯 選兩客照燒素鰻魚pizza蘑菇、素丸、青椒、素鰻魚、芝麻 配照燒醬照燒汁鹹得黎帶有甜味，芝士份量適中，唔會好膩。pizza係厚批，所以都幾飽肚。鮮茄肉醬意粉鮮茄肉醬味道酸甜，酸味唔會太突出，食完會有再想食嘅感覺。小食併盤迷你春卷、麥樂雞、薯角、粟米杯春卷入面包有椰菜、粉絲、甘筍等材料，春卷皮香脆。粟米杯有淡淡嘅牛油香味。餐湯羅宋湯羅宋湯好足料，有椰菜、西芹、番茄、素肉碎等材料，味道酸酸哋，幾開胃。粟米忌廉湯 (含蔥)

今日媽媽節，媽媽食長齋既，唔想又去果啲齋舖，佢鐘意食pizza ， 但肉食舖既清新素食唔覺太好味，特登上網搵到呢間買返黎試下，簡左素食總匯批同小食拼盤加羅宋湯2人餐$118，攞到返上水都凍左，但又幾好食喎，雖然批上面既素肉都係媽媽平時訂開果啲齋咩咩齋物物咁，但係芝士夠濃味，批邊唔硬，整體係值得再買，媽媽都大讚，小食拼盤就不過不失咁啦無咩特別，不過普通批細左啲，個盒就大既。下次買返大批，如果有得芝心就perfect!! 同埋堂食位鋪係分開既，唔會想坐得耐果種格局。所以下次都唔會諗響度食。