常嚐素

Open Now

Now Closed

今日媽媽節，媽媽食長齋既，唔想又去果啲齋舖，佢鐘意食pizza ， 但肉食舖既清新素食唔覺太好味，特登上網搵到呢間買返黎試下，簡左素食總匯批同小食拼盤加羅宋湯2人餐$118，攞到返上水都凍左，但又幾好食喎，雖然批上面既素肉都係媽媽平時訂開果啲齋咩咩齋物物咁，但係芝士夠濃味，批邊唔硬，整體係值得再買，媽媽都大讚，小食拼盤就不過不失咁啦無咩特別，不過普通批細左啲，個盒就大既。下次買返大批，如果有得芝心就perfect!! 同埋堂食位鋪係分開既，唔會想坐得耐果種格局。所以下次都唔會諗響度食。