和藏 (Closed)

朋友之前中左六合彩, 好豪氣地話請我食自助餐, 有人請食梗係第一時間舉手讚成啦。 我們约好在葵興港鐵站會合, 然後由她帶路, 大概行10分鐘左右便抵達。 原來餐廳係工業大廈內, 一出 "車立" 門就見到大大幅生蠔的poster及和藏水產的門牌。餐廳地方非常寛敞, 由於時間尚早, 食客不是很多。 餐廳內設有蠔吧, 飲品柜, 沙律吧, 甜品, 刺身區等等. 亦有熱食食物, 非常多選擇.這間餐廳主要以半自助餐形式, 我們點了B餐。 B餐包括4款指定私房料理, 還有生蠔海鮮自助餐, 另外還有安格斯牛肉 SHABU SHABU.   如人數有2-3人會額外多送數款指定菜式.黑椒墨魚仔: 墨魚仔非常鮮味而且唔勒, 黑椒味非常香濃..羊架: 羊架肉質鮮嫩有少許羊羶味..... 鐵板袐醬蝦碌: 蝦碌大大隻, 蝦肉鮮甜肉厚. 加上濃濃的袐醬汁..非常入味    意大利海鮮冰山 : 即是刺身拼盤, 賣相不俗.. 非常夠新鮮.. 種類款式也不少. 有三文魚腩啖啖肉, 入口即溶, 帶子粒鮮甜, 希靈魚亦很生鮮好有口感.. 而螺片非常有咬口.      炭燒三文魚脂: 即三文魚旗, 魚皮煎得好香口, 肉質非常鮮

朋友介紹葵興都有生蠔Buffet食.. 聽聞是不錯的.. 一早訂左位到時去試一試.. 一上到去見到門口都幾特色有日本feel.. 當然唔少得生蠔任食的推介.. 其實睇落自助餐的範圍不大.. 但食物選擇都算齊全.. 有熟食小菜, 沙律吧, 長腳蟹, 蠔吧, 甜品區.. 最特別係半自助形式.. 有部分菜式會根據人數多少而上.. 基本上食完指定菜式都已經飽飽地.. 所以熟食都只係食左少少.. 刺身拼盤: 賣相不俗.. 都算夠新鮮.. 但係見到蝦刺身係全隻的.. 跟平常食的不一樣.. 還有兩隻泰式鮮蝦刺身.. 反而三文魚卻令喜出望外.. 因為是三文魚腩啖啖肉.. 好有口感.. 而田螺都好大粒質感彈牙.. 黑椒墨魚仔: 墨魚仔有滿滿的黑椒味.. 確實充滿胡椒味.. 帶出墨魚仔的鮮味.. 呢款小食如果可以送埋酒就一流.. 茄汁蝦: 同掌心一樣大隻啖啖肉.. 還有濃濃的茄汁味.. 不過賣相卻不太討好.. 汁只留在蝦外面.. 沒有滲透在蝦肉裡.. 美中不足.. 羊架: 雖然唔知咩汁煮.. 但係甜甜的又有香菜調味.. 能夠帶出羊架的鮮味同肉汁.. 熟到剛剛好.. 不過每人只有一隻未必夠喉呢.. 三文魚旗

朋友帶黎食既生日飯，去到見到自助夾既食物唔係話好多，以為好快食完，無物特別，不過食落有驚喜！！一坐底，就上左魚生盤，我見每一枱都有，可能私房要啲時間整，所以俾你食住先！有約七款到既魚生海鮮，無‘星’味。不過無俾埋交剪，問職員先知要係海鮮吧自己拎，如果上魚生時俾埋就更貼心啦！魚生櫃位都有得再拎魚生，但唔係樣樣有既。帶子好爽，三文魚無物筋。見到魚生無出水既情況，乾身，保存得幾好！上完魚生，跟住會陸續上唔同私房既菜！每碟都唔會馬虎，擺得靚靚，不過二人枱有啲細，放唔到好多碟，所以黎到就要食啦，趁熱食先更好味，所以建議可以品嘗完私房菜先慢慢夾其他食物。燒鮑魚好香松露味，加上淡淡既汁同爽口既鮑魚，正！一只真係唔夠喉！芝士脆包好多芝士，包外脆內超軟！呢個一定要趁熱食先可以將芝士拉絲甘食！本身好似係燒骨，轉左羊架。汁唔會太濃，羊有少少羶味，肉質好淋！大只！汁甜甜地，蝦肉爽口！鮮嫩！平時少食菜！但呢個娃娃菜好好味！食落就知浸左好耐上湯！入晒味！熟食唔多款，有菜有肉有小食，總有一款岩你！飲品係見開果幾款韓國野，好中意飲apply cider ！海鮮吧啲長腳蟹插得靚靚，好好肉，仲有螺同凍蝦。個海鮮醬同食開既

如果唔係朋友介紹都唔知呢 度有間正野！係葵興港鐵站行十分鐘到就到，一條直路，好方便！去到時六點到，無物人，三枱客到，啲人陸續黎，七點時坐滿晒人！！叫左個B餐，有私房菜加+海鮮自助餐+涮涮鍋。坐底唔夠五分鐘，就上左一碟魚生，三文魚腩好鮮甜！係食過最好好甜既！其他魚生都好新鮮，有柱子，尤魚，螺，希靈魚同長腳蟹等，有啲出面無得再拎的。跟住就陸續上左六七樣私房菜，因上載相有限，所以擺唔到出黎。呢度既私房菜每款都好好食！每款唔會好多，可以留住個肚食蠔同（任食！）同其他海鮮！好香松露味，鮑魚好爽口。配上醬汁同松露，一流！只蝦勁大只！！個汁少少酸辣味，炸過，外脆，蝦肉剛熟，好有彈性同鮮甜，記得趁熱食！羊架，本身自己唔食羊，所以俾左朋友食，佢說幾入味，肉又夠淋，唔錯。好喜歡呢個脆包，內裡茶左牛油，有洋葱同煙肉，好香，芝士多，外脆，內裡麵包超軟！食多兩個都仲得！三文魚鮨，肉唔太多，但好滑，加埋燒汁，更入味！涮涮鍋係粥底，食完私房菜果幾樣就會上。可以任叫肥牛，食物櫃枱仲會有什菌，龍蝦丸等自己夾。肥牛唔太肥，夠薄身，滾牛肉時啲肉汁落晒個粥，所以粥好甜，好好味！連食左兩三碗！海鮮整齊排列好，好大只！長腳蟹好新