貴州遵義黔營羊肉粉 (利都樓)

Open Now

Now Closed

天涼涼 最啱食羊肉早兩日經過呢間小店 當時唔得閒無食到今晚一於放工去試試佢羊肉粉 味道唔錯 羊肉唔柴 肥嘟嘟滑嘟嘟嘅粉條烤羊肉串 一粒瘦肉一粒肥膏油香大爆發牙纖羊肉最好味 全部都係嫩肉羊肉餃 夾饃 正正常常反而羊腩湯 有驚喜 湯頭濃郁羊腩冧而不爛塊皮仲保持到咬口 堅正羊肉泡饃 個羊肉湯比較清淡但得都中意 因為飯哂都唔口渴裡面仲有啲米粉Lunch食一份應該都夠飽唔食羊嘅朋友仔 都有豬肉牛肉嘅選擇仲有蔬菜麻辣串串添街坊價錢 我地仲點左三杯野飲埋單$360 抵食👍🏻

臨近農曆新年，天氣開始凍，就想食羊肉，經過一間羊肉粉專門店，便外賣一碗羊肉粉返屋企食。羊肉粉 ($48)平時食羊的機會唔多，通常都係打邊爐時涮羊肉片，又或者食羊腩煲，所以羊肉粉對我嚟講有啲新奇。呢間外賣係湯、粉分開，包裝同出面其他米線舖相似。湯呈奶白色，望落好濃，聞起來很重羊騷味，應是羊骨湯，有些少羊脂在漂浮，不過飲落比看起來清鮮，不會涸喉，也不會太油。湯中除了羊肉片外，配料只有香料如芫荽、香芹和蔥，沒有其他配菜。羊肉片份量還可以，有八至十片，不過切得偏碎和薄，肉質就偏柴。一開始我以為羊肉粉的「粉」是平時在茶餐廳食到的那種幼細的米粉，即類似東莞米粉或者江門排粉，但原來這間的米粉非常粗身，粗過一般米線，味道同米線差唔多，食落口感爽滑彈牙，雖然同我想像中的米粉唔一樣，不過都幾好食。總括而言，羊肉片口感、味道、份量都一般；湯飲落其實唔錯，但對我嚟講偏騷，聞起上嚟陣味特別重；米粉本身則有意外之喜，好食，不過由於沒有太多配料，整體而言有點寡，而價錢也不算便宜。鍾意食羊的人可以試吓，怕騷的人就唔好啦!

行過路過見menu幾吸引～羊肉粉～湯底幾香濃得來食完冇口渴，應該用羊骨煲嘅，湯帶白色，無咩羶味，可成碗飲晒；粉是較粗身的米線，幾爽口：羊肉是薄切羊肉，冇咩肥膏，似火鍋羊肉片，喜歡試羊的朋友應該幾啱，唔駛返大陸都有得頂下癮。羊肉粉可回頭。牙籤羊肉～炸得太乾身，有點硬。串串炸豆腐～味道冇特別，豆腐索唔到汁。環境尚算可以嘅，座位較迫不易入座但尚可接受，非高峰時段出入應該好啲。服務方面，有紙寫明水要自助，但由於座位窄的關係，行出行入實在不便，會建議清水可以幫客送上，以減少對客人的不便，這也是待客之道。