Video
Read full review
2017-07-31
1019 views
由於今日早餐食左個麥當勞既關係，賴生同屈小姐不約而同地打算Dinner食番Light D，減輕番個罪疚感！再咁岩大家都係餃子mood既時候，我地又造訪京香餃啦，因為大家都忘不了佢既羊肉餃同京香韮菜鮮肉餃！今次黎既時候，唔係食Lunch啦，而係可以食多D野既Dinner Time! (說好的食Light D?!) 不過呢間野食真係幾受歡迎，賴生同屈小姐6點半黎到既時候已經要搭枱，坐無虛席啦！！係賴生同屈小姐食緊飯既時候，仲不停有人叩門搵位食野呢！我諗大家去呢間野既理由綜合黎講係有2個 ： 抵食夾大件既其一，其二係有好味既餃子呢次厲害啦，賴生同屈小姐2個人叫左4樣野，食完飽到上心口呢！比大家欣賞一下賴生同屈小姐既戰績先⋯(註: 右上已經比餓得濟既2人食左幾啖)，賴生可以放肆咁食⋯（謎之聲：說好的Light Dinner呢？）1）京香韮菜鮮肉餃：5⭐️先黎一定要介紹比大家既係呢度既必點項目：京香韮菜鮮肉餃！ 幾乎每枱都叫1碟！除左皮薄餡靚之外，每一粒既份量都好足，一咬落去會爆汁出黎! 而味道係極鮮味既，唔係指韮菜味喎，而係先有肉既鮮味做主，再有韮菜味既出現，真正做到兩者兼備，難怪個個都要叫番1
今次黎既時候，唔係食Lunch啦，而係可以食多D野既Dinner Time! (說好的食Light D?!) 不過呢間野食真係幾受歡迎，賴生同屈小姐6點半黎到既時候已經要搭枱，坐無虛席啦！！係賴生同屈小姐食緊飯既時候，仲不停有人叩門搵位食野呢！
我諗大家去呢間野既理由綜合黎講係有2個 ： 抵食夾大件既其一，其二係有好味既餃子
呢次厲害啦，賴生同屈小姐2個人叫左4樣野，食完飽到上心口呢！
比大家欣賞一下賴生同屈小姐既戰績先⋯(註: 右上已經比餓得濟既2人食左幾啖)，賴生可以放肆咁食⋯（謎之聲：說好的Light Dinner呢？）
京香韮菜鮮肉餃
$42
68 views
0 likes
0 comments
先黎一定要介紹比大家既係呢度既必點項目：京香韮菜鮮肉餃！ 幾乎每枱都叫1碟！
除左皮薄餡靚之外，每一粒既份量都好足，一咬落去會爆汁出黎! 而味道係極鮮味既，唔係指韮菜味喎，而係先有肉既鮮味做主，再有韮菜味既出現，真正做到兩者兼備，難怪個個都要叫番1碟！
連黑醋都唔駛點已經好好食！點左醋只怕遮到佢既真味
羊肉餃子
$45
80 views
1 likes
0 comments
接住黎既，係另一餃子傑作：羊肉餃子！皮薄餡靚就唔講啦，佢既出色之處係既羊肉既味道濃縮晒係小小既餃子入面，咬落去係會爆出啡色既羊肉湯汁，充滿羊味卻沒有一絲既羶味！好岩怕羶味既人士食，品嚐一下羊肉既味道！
不過今次食既時候，羊肉味既衝擊不及上次，但仍然好強勁，所以稍微扣0.5⭐️啦
羊肉搶湯麵
$38
133 views
0 likes
0 comments
呢碗麵就係賴生同屈小姐今次黎既第2主因，聽聞羊肉搶湯麵係山東既特色麵食，湯底滿滿既羊肉味而羊肉同拉麵互相爭奪羊肉既味道，因而命名爲羊肉搶湯麵，究竟同傳聞既係咪一樣既呢？
碗麵一黎到既時候，賴生已經急不及待咁試左一啖湯，發現：咦？說好的羊肉味呢？，個湯唔覺好勁既羊肉味喎，不過個湯味道濃度岩岩好，唔會太咸又或者淡而無味，而且個湯一路食住都仲勁熱！唔錯既，雖然未到驚艷，但仍有可取之處！
另一點要讚既係比例既拿捏！肉同菜既比例好完美，唔會太多肉或者無肉食，每塊羊肉又薄又淋，菜又吸晒湯味，一啖放晒入口真係perfect!
最後要講一講係：拉麵，係細身圓形既拉麵，唔係話好好食，但勝在浸左好耐都唔會淋/糊
雞絲撈粉皮
$38
98 views
0 likes
0 comments
仲有就係雞絲粉皮啦，賴生同屈小姐都好鍾意食粉皮呢，所以就算肥也好⋯都要叫一叫既！
可惜係呢度個雞絲粉皮碟底出晒水，溝淡左味之餘，部份粉皮又痴埋一舊舊，略嫌唔夠滑，而且個麻醬係極似食腸粉既花生醬，仲有咸味添，搞到味道有D怪，不過佢都有樣值得讚既就係雞絲啦，唔鞋口，仲幾夠雞味添
老實講，呢間舖頭一路可以係西環屹立都不無道理既，佢既價錢好大眾化，餸菜份量又合理，加上餃子又做得出色，難怪會有幾枱一家人黎，又會有我地呢D小情侶幫襯，真心係覺得抵食同值呢個價錢，難怪屈小姐細細個就會去舊店食啦！
如果人多D會仲抵，可以叫多幾款野食，我諗食到捧住肚走，除番開一個人大約$60-80就可以搞掂！
#餃子餃子Mood
#飽到上心口
#愛是能與你共享的每一餐
#謝謝妳陪著我一起長大
#謝謝妳讓我照顧妳
Post
