渝味曉宇重慶老火鍋 (QRE Plaza) (Closed)

鍾意黎呢度嘅原因係服務周到，坐等舒服。食物質素絕對對得起價錢，而家午市湯底免費，放假晏晝打個邊爐開心下都好應該啦～鴛鴦麻辣鍋（小麻拼番茄湯），老公係麻辣fans，好開心，免費都咁多料，又麻又辣，番茄湯底真係有鮮茄，香番茄味～凍豆腐係必叫，吸哂湯汁，小心辣親個咀！手打蝦滑，爽口彈牙到爆。呢度海鮮類都好新鮮，桂花蚌、串鮮蝦，爽口鮮味，質素高嘅類別～美國安格斯肥牛，牛味重，滿佈雪花又均勻，好味～點會唔叫鴨血同藕片，一個嫩滑一個爽脆，係我心頭好～仲有叫左高質嘅手工粗麵線同鮮嫩皇帝菜滿足飽肚感。小貼士係呢度有提供麻油有助食物解溫，圍裙避免進食時整污糟件衫，有紅棗雪耳糖水送，幾細心～

放工係灣仔食飯, 都係去QRE搵野食, 今次去左食重慶火鍋一開電梯就己經聞到陣陣既麻辣香味 餐廳既座位好闊落! 兩個人都可以坐一張大卡位一坐低,店員就奉上洛神花茶同紅棗雪耳糖水 洛神花茶味道酸酸甜甜, 好開胃; 紅棗雪耳糖水可以減少打邊爐既熱氣感覺 小妹揀左:大骨滋補鴛鴦鍋併重慶辣湯 大骨滋補鴛鴦鍋: 個湯超好飲! 入面有一條大豬骨, 加埋粟米, 馬蹄, 蘿蔔, 好清甜既味道重慶辣湯: 揀左普通辣! 鋪滿辣椒, 好惹味, 好刺激既辣味. 辣度岩岩好 揀左以下食物, 呢度有個好處就係食物可以叫半份! 咁就可以叫多幾款既食 鴨血: 建議用重慶辣湯浸. 吸哂D辣湯, 唔會一夾就散 美國安格斯肥牛: 滾5-10 秒就可以食, 好鮮嫩既牛肉, 又有牛味 蒿荀: 好清新既感覺, 咬落仲有D脆口  菜肉雲吞: 呢個好出色, 皮薄, 大小岩岩好, 可以一啖一口 曉宇嫩牛肉: 比較軟腍, 小妹比較鍾意美國安格斯肥牛曉宇手打三寶丸: 分別係牛肉,蝦肉,墨魚, D肉唔會好實, 咬落仲吸哂D汁重慶炸酥肉: 呢個都係推介要食, 就咁食都好香口 脆皖魚片: 呢個如果脆D會更好鮮黃喉: 呢個超脆, 好特別既口感,

呢間重慶火鍋店大有來頭, 係央視"舌尖上的中國2"唯一推介中國老火鍋, 仲係重慶老火鍋五十強, 牌頭咁勁, 點可以唔試下呀?!裝飾得幾時尚, 餐具以藍白色格調, 坐底無耐就送上一碗冰凍紅棗雪耳糖水滋潤一番呢度嘅湯底膽拖一定係麻辣大紅鍋, 可以選擇辣度, 我地當然唔咁睇少佢, 一於要個普通辣就可以!   麻辣湯底夠香,  普通辣其實都唔嘢小; 而鴛鴦鍋可以有幾款唔辣湯底選擇, 我地要左呢個特色香果鍋, 即係有雪梨, 蕃茄同芫荽, 比較清熱滋潤, 中和一下咁刺激嘅大紅鍋!火鍋配料選擇相當多, 有全份/半份供應, 無論二人或一班朋友黎食都好彈性食得麻辣火鍋, 點可以唔叫凍飲, 比起汽水, 我更加鍾情呢杯自家製洛神花茶 ($18/杯), 味道酸中帶甜, 清熱解渴, 火鍋飲品之選! 枱上放置香油, 蔥粒及蒜蓉, 混埋一齊食好惹味稻田毛肚 ($112) - 即係黑栢葉, 比起漂白過嘅雖然樣唔靚, 但素顏示人從來都多一份"原味", 只需15秒, 比肥牛多幾秒, 口感爽口, 放落麻辣湯底, 入口連辣湯咇出黎, 相當頂癮!極品鵝腸 ($87) - 外內靚仔, 無咩肥膏, 每條都有一定程度嘅長度, 最怕有