相馬日式火鍋 荔枝角

Open Now

Now Closed

早幾年因為我成日都要出trip，所以冷落咗A姐同大閘蟹，嚟到今年嘅大閘蟹季節，我唔可以再錯過喇！當我搵緊去邊度食大閘蟹嘅時候，就俾呢個「任食大閘蟹」深深所吸引。今次嚟到位於荔枝角嘅相馬日式火鍋，除咗可以任食大閘蟹，仲有日式火鍋同串燒放題，唔該俾多兩個胃我。大閘蟹一人一鍋就聽得多，但呢度係一人兩鍋。一人兩鍋？係呀，一個鍋係用嚟打邊爐，而另一個鍋就係用嚟蒸大閘蟹。每個鍋可以放入2隻大閘蟹，店員提醒，每次約蒸20分鐘就得，如果你主力想食蟹，每次差唔多熟就盡快落order叫下一round喇！咁唔知你哋食大閘蟹鍾意食公定乸呢？有啲人話乸多黃啲，但有啲人就話公會甜啲，真係各有市場。其實大閘蟹乸嘅蟹黃主要係卵巢同卵細胞，吃落有一種沙沙嘅顆粒感，有啲似鹹蛋黃嘅質感同味道；而相馬日式火鍋嘅大閘蟹提供嘅就係我哋最鍾意嘅公呀！公蟹係唔會有蟹黃，只有蟹膏，而蟹膏係精囊同精液，我哋就好鍾意蟹膏嘅細膩同綿密，濃郁嘅蟹味真係非常吸引。另一重點當然係蟹肉，肉都幾扎實，好鮮甜。串燒等緊蟹嘅時候，可以叫啲串燒食住等。串燒選擇唔少，我哋只係叫咗雞翼同少少串燒，唔敢食太多，要留肚食大閘蟹呀！火鍋一人兩鍋嘅另一個鍋就係用嚟打邊

熱辣辣夏天係唔會減卻香港人對日式火鍋既熱愛, 黎到荔枝角地鐵站一出就到既相馬日式火鍋放題, 上去發掘下先🤤望望餐牌, 豐儉由人, 糧尾食最平既168, 一出糧就可以揀貴d 既食😂😂個人偏向牛小排, 所以就揀左288呢個餐湯底可以揀雙拼鴛鴦鍋, 揀左一清一辣🤤未有野食就周圍行下先各款火鍋配料任食任拎, 一次過唔洗拎太多, 自己食得晒先好拎😂反正佢供應源源不絕多款飲品都係任飲任拎, 有包裝有罐裝隨你鍾意一黎就齊晒3樣野👍美國頂級牛小排, 豚肉同雞肉外表都好美觀, 牛小排肉脂分佈平均, 薄切之餘係捲住比你方便你夾起佢👍因為一夾, 放落湯底淥幾下已經食得, 豚肉都係一樣薄切, 雞肉冇雪藏味都算唔錯🤤打邊爐除左食肉, 丸類都好重要架😂最後緊係食番個雪糕做甜品啦😋

話說，上次去D2 Place行完街，食完KOOL酷廚，行去地鐵站途中見到仼食180分鐘嘅火鍋店。嘩！三個鐘真係可以食到攬住嗰肚，所以我哋就決定嚟試一試！呢到有六款湯底揀，包括：清湯、甜豉油、蕃茄、豚骨、中華辣湯同泡菜。大家仲可以額外加錢叫牛湯、牛腸鍋同加芝士。我哋揀咗甜豉油同中華辣湯，一甜一辣，味道豐富。晚市火鍋放題HK$168起，有唔同肉款畀大家揀，包括：美國進口牛肉，美國頂級牛肉、美國頂級牛小排同特上澳洲和牛。今次，我哋揀咗咗每人HK$288嘅美國頂級牛小排。美國頂級牛小排脂肪分佈平均，唔會太肥，啱啱好。肉質好腍，牛味濃郁，正！豚肉+滑雞件除咗自選嘅牛肉外，仲有豚肉同滑雞件。豚肉切得薄薄一塊，好香豬味；雞件好厚肉，入口嫩滑。火鍋配料自助吧大量火鍋配料，有大量丸類、菇類、蔬菜、冬瓜、蘿蔔、烏冬等，真係花多眼亂，總有一樣啱你。未完，仲有飲品同雪糕仼飲仼食，真係好滿足。

今日系荔枝角做完野，當然要食飯經過地鐵站見到有人派單張拎來睇下個原來是火鍋放題，啱我呢d牛肉控。我地選擇$288美國頂級牛小排。有六種免費湯底選擇：清湯，甜豉油，蕃茄，豚骨、中華辣湯和泡菜。選擇左四種湯底：蕃茄，豚骨、泡菜和甜豉油。美國頂級牛小排油脂平均分怖，輕輕一淥已熟，入口好滑，又不肥膩，令到好香囗，濃既牛肉香味。䐁肉和雞肉任食，雞肉和䐁肉嫩滑。有好多丸類和蔬菜：龍蝦丸，黃金魚腐，黃金芥末丸，牛丸，芝士丸，木耳，皇帝菜，南瓜片，炸響鈴等。黃金芥末丸幾特別又好好味。