香港華商銀行公會 (Under Renovation)

一早聽聞過華商的中菜廳平靚正，雖然不一定要banker才可入會，而入會費也只是一百幾十，但因為覺得冇理由為左食餐飯而入會，所以一直都沒有機會食華商。剛巧早前閒談間之到有朋友是華商之友，就叫她搵機會帶我黎試一次，今次終於機會黎啦，飛雲！＊＊＊＊＊＊＊＊＊＊＊華商銀行公會其實有二十年歷史，但因為幾個月前才翻新過，所以地方都乾淨企理，不會有殘舊之感。因為平靚正加上位處中環核心地帶，平日晚上來到都有近十枱客。兩個人散點叫唔到幾多野，見有個二人套餐都幾抵，$638兩個人有湯有三個餸有飯有甜品，就不作他選。炸釀鮮響螺響螺有成隻手掌咁大，出面食一隻價錢都不便宜，套餐竟然每人還有一隻，超值！上枱時侍應提醒我們響螺殼非常燙熱，著我們小心。摸上手果然很熱，所以我都要用紙巾隔住來拿著響螺。響螺內釀有雞肉、螺肉、蟹肉、洋蔥、甘筍和鮮蝦，但由於食材已打成蓉，所以只見到一點洋蔥的影子。釀響螺食落帶點苦澀味，相信是螺肉的內臟未能去除乾淨，影響了食味。杏仁燉花膠白肺湯平時燉湯通常都要預訂，但這個二人竟然也包燉湯，頗令我驚喜。侍者先替我們倒湯，再另外用碟子盛載湯料，但見除了豬肉和雞腳，都算幾多花膠。花膠是美顏恩物，當然

今日做完yoga，朋友話帶我去試新嘢，今日食中餐，一間非常光猛嘅中餐廳，又唔會好嘈，好適合多人嘅聚會睇完成個menu後，發現有個套餐有好多喜歡食嘅嘢，決定叫這個，$638，有以下嘅食物杏汁燉膠白肺湯焗釀鮮響螺翡翠炒龍躉鮮斑球豉汁蒸帶子豆腐揚州炒飯西米焗布甸生磨杏汁雪山包杏汁花膠燉白肺湯 有白肺、花膠、瘦肉及鳳爪，非常足料！火喉足，杏仁味濃，又清甜，花膠厚身焗釀鮮響螺店員話呢個餸好出名，聽經理講，廚師一日要釀成百幾隻㗎自從細個食過之後，材料好豐富，入面有蝦、蟹肉、螺肉、紅蘿蔔粒、白汁、芝士，有中有西式材料，焗到金黃色，仲有溶咗嘅芝士，好吸引翡翠炒龍躉鮮斑球龍躉片好厚身，仲連住肥美嘅魚皮，完全唔腥，好有魚味，仲好滑添，芥蘭莖又好爽脆豉汁蒸帶子豆腐一道家常茶，加碗白飯就最正，呢個豉汁比較杰身同及濃，豆腐嫩滑揚州炒飯呢個炒飯不太乾身，飯粒粒粒分明，用料十足，有蝦、叉燒、燒鴨、蛋及芥蘭，食完已經好飽生磨杏汁雪山包熱辣辣漲卜卜雪山包，脆脆嘅外層，一咬開就有好多杏汁流出來，有啲似custard，好好味西米焗布甸焗到金黃色嘅表面，有少少燶，食落去好滑溜，充滿奶香，西米軟硬適中，不過裏面沒有蓮蓉呢，如果

好耐冇食過中餐，聽聞呢度大件夾抵食，趁佢裝修完，走嚟試吓。非常光猛，雖然同其他檯相隔唔遠，不過坐得好舒服睇完成個menu後，散叫嘅餸菜唔多，但我對$638嘅二人套餐非常感興趣，有6個course，樣樣我都鍾意，非常期待！杏汁花膠燉白肺湯 一碟湯渣，有齊白肺、花膠、瘦肉及鳳爪，非常足料！杏仁味唔算超濃郁，但味道清甜足火喉，估唔到花膠件件都咁厚身，白肺又非常潤喉焗釀鮮響螺係呢度嘅名菜，聽經理講，原來一日要釀成百幾隻㗎！自從細個食過之後，愛上咗呢道菜！材料中西合璧好豐富，入面有螺肉、鮮蝦、蟹肉、豬肉、洋蔥、白菌及芝士，焗得香噴噴，食到冇停口翡翠炒龍躉鮮斑球龍躉魚味香，冇魚腥味，最重要係連住肥美嘅魚皮，入口滑溜唔油膩；芥蘭脆口又爽，好正豉汁蒸帶子豆腐又係另一道細個經常食嘅菜！其實我真係非常鍾主意豉汁，最鍾意揀晒一粒粒豆豉嚟食，呢個汁非常杰及濃郁；豆腐嘅豆味冇傳統豆腐咁濃，但勝在夠嫩滑揚州炒飯實在好耐冇食過揚州炒飯，飯粒粒分明爽身，乾濕度適中。仲好足料添，有蝦、叉燒、燒鴨、蛋及芥蘭，但如果蛋嘅份量再多啲，咁就最好了！生磨杏汁雪山包呢個雪山包熱辣辣漲卜卜，外層係我最愛嘅甜脆皮，一咬開即刻辣親個咀！