Kozy Okonomi-yaki Teppan-yaki

Open Now

Now Closed

呢間d師傅係日本人，我坐係吧枱對住師傅整野食，介意油煙就唔好坐吧位啦..我叫左帶子，蠔，聖子，A4和牛，大阪燒，兩杯有酒精飲品。眼見都好多日本人去..嗰度地方唔大所以一定要book位！如果想坐吧枱book位嘅時候要講明..對住師傅就冇咁悶囉，可以睇住師傅整。我覺得等嘢食就攞咗少少，不過佢得兩個師傅整，望住佢地都明白點解咁耐！我覺得呢度啲嘢食都幾好食， 特別推介A4和牛，真係好正， 食完啲和牛底嗰塊麵包，佢會拎返加啲芝士落去好似做到Pizza咁，都好好味！反而成餐飯最普通係個帶子。埋單total七百幾蚊連加一。我都會再去食👍🏻👍🏻

日本鐵板燒店要做得出色既呢度都係其中一間所以經常性都Full booking俾你望住師傅炒既Bar枱更要唔知早幾多個月先有溫馨提示如果唔受得大油煙都係坐番Table枱由於上次已經食左大阪燒今次就試下新野喇先黎一杯Calpis同綠茶梅酒日式炒麵奄列加芝士($98)炒麵超多啲汁入索哂入麵度奄列外熟內有蛋汁芝士可以拉絲不過麵太濃味蓋過左芝士味聖子($78)總其有兩大條粒粒聖子炒好加上蔥花鮮味夠加上蒜粒夠香口蜆($68)大約有十隻隻隻都有肉不過燒得太乾失去左本身鮮味牛舌($58)呢個最推薦最鍾意牛中間仲係紅紅地咬落好彈牙又厚肉鹿兒島黑豚($78)豚肉肥瘦分明燒到油份出哂黎唔點鹽都好食燒年糕雪糕($38)餐牌無既隱藏版甜品燒到年糕外脆內軟有咬口加上凍碗上既雪糕好細心店名: Kozy Okonomi-yaki Teppan-yaki地址: 銅鑼灣軒尼詩道499號永光大商業大廈9樓

香港賣日式燒餅地方唔多，以前有遊樂，係我首選，開得夜，又小店風情，跟住試過翔太鐵板燒，都係好唔錯，不過兩間已經無做。接力有bingbing panpan，好玩多過好食，食野都係留返師傅表演好過，citysuper都有，不過就完全唔係果回事。知道呢到新開左，就黎試試，walk in 左三幾次都係無位，人氣好唔錯，都係避開熱潮，三幾個月後先幫襯，適合我呢種唔訂位既懶人。餐牌選擇唔多，是日三位都係懶鬼上身，除左一致係要試個炒麵燒餅，其他的都係直接叫店員介紹好了。店員第一樣介紹係所謂必食既芝士奄列，面頭的蛋好似好熟，不過入面係半熟狀態，只計蛋就真係做得唔錯，芝士呈半溶狀態，全舊都有唔少芝士，爆哂出黎，係做得唔錯的芝士奄列。跟住係燒聖子，溫馨位係煎開左方便食，成碟聖子最好的係個醬汁，聖子亦燒得剛好，都幾唔錯的燒聖子。豚肉燒係店員另一款介紹，燒豚肉加醬汁，灑上大量蔥花，不過醬汁既味道實在太強勁，蓋過哂豚肉味甚至蔥味，豚肉燒得有點燶，帶點香口，整碟就只係食到香口同埋醬汁，不過食燒餅，醬汁就是皇道，個醬本身唔錯的。到主角燒餅，賣相不俗，至少睇得出係燒餅，唔係不收邊幅果d疑似燒餅。個人喜歡多點椰菜絲的燒