Video
Read full review
2019-12-27
1112 views
初初諗住，雖然話聖誕要食火雞，但火雞不嬲都“鞋”㗎嘛，不抱期望當應節，殊不知呢度嘅火雞係好滑同好香！！加埋佢配嘅紅莓果醬，追住食！藍青口同牛脷又好味喎，個藍青口口感好似豆腐咁滑咁㗎！！一啲渣都冇，好滑溜溜，忌廉湯又好飲，未食主菜都已經飽。聖誕餐包埋飲品，重冇加一，我呢啲酒鬼聴到都興奮。除紅、白酒任飲（唔係垃圾紅酒呀）！重包氣泡酒同有氣紅酒，兩隻都好飲，係咁同你添，店員有時太忙，直頭成支放低大家 happy，真係好好人！！好開心呀！！又風趣喎，氹得人鬼咁開心。湯方面呢，有個傳統嘅基輔羅宋湯，辣㗎喎，同飲開嘅羅宋湯好唔同，好濃味，都好飲嘅，但聽朋友講，佢嘅意大利蒜香湯同蠔湯重正！到主菜嘞。主菜有5款選擇，一人一款大家 share 啦。有鹿、牛肩肉、法國豬五花，蘇格蘭三文魚同法國芝士火鍋。個鹿望上去好生但冇血水，食落個味唔知點形容，但一致都覺得係好食嘅，聴聞重話好補添，哈哈～下次都會再食。牛都唔錯，燒得外脆內嫩夠牛味。豬就好香，用蘋果白酒香草一齊燒，正㗎不過始終係五花腩，如自己一個人食一份就膩咗啲。魚最驚喜，三～四成熟到，聴店員講，呢隻蘇格蘭三文魚其實係刺生最正，完全 feel 到啲 ome
到主菜嘞。主菜有5款選擇，一人一款大家 share 啦。有鹿、牛肩肉、法國豬五花，蘇格蘭三文魚同法國芝士火鍋。個鹿望上去好生但冇血水，食落個味唔知點形容，但一致都覺得係好食嘅，聴聞重話好補添，哈哈～下次都會再食。牛都唔錯，燒得外脆內嫩夠牛味。豬就好香，用蘋果白酒香草一齊燒，正㗎不過始終係五花腩，如自己一個人食一份就膩咗啲。魚最驚喜，三～四成熟到，聴店員講，呢隻蘇格蘭三文魚其實係刺生最正，完全 feel 到啲 omega 3 喺口浪浪吓，啲肉魚重彈吓彈吓，正到冇朋友，當今世上最正嘅刺生，就係蘇格蘭三文魚，但食過之後，你就唔會再食出面嘅三文魚，一個天一個地咁話，攪到我都勁想食。咁熟熟地咁點㗎呢？嘩～未食過咁正嘅熟三文魚，好滑，佢中間都重係生生哋嘅，感受到店員話嗰種彈彈吓，魚油好勁，omega 3 呀😍至於芝士火鍋呢🧀呢度係法國芝士火鍋嚟，用咗5種芝士同白酒去煮，原來法國芝士火鍋同瑞士芝士火鍋係唔同㗎喎，瑞士嘅會稀身同淡味啲，呢度係濃而有拉絲效果，個芝士好食！芝士控必定要嚟朝聖啦。店員都好老實，揀主菜時都有提平時嚟食芝士火鍋只係$380起，今晚係食 feel囉🎄😝
甜品今晚有捷克蜂蜜蛋糕、辣椒朱古力蛋糕、藍莓芝士蛋糕、紐約芝士蛋糕同雲石芝士蛋糕捷克蜂蜜蛋糕小食多滋味，食多就覺得愈食愈甜，如襯埋咖啡就啱啱好。辣椒朱古力好食呀，初時唔知以為朱古力蛋糕，呑咗先至辣，好過癮。期待再嚟食佢餐牌上嘅嘢！
聖誕火雞
28 views
0 likes
0 comments
聖誕火雞
41 views
1 likes
0 comments
聖誕火雞
23 views
0 likes
0 comments
美國ＦＬＡＴ ＩＲＯＮ
24 views
0 likes
0 comments
蘇格蘭三文魚
16 views
0 likes
0 comments
英國鹿架
44 views
0 likes
0 comments
Other Info. :
好多朋友都介紹過呢度，話呢度啲嘢好好食同特別，老闆對食材同煮法係絕對堅持，對食嘅智識更係豐富，樣樣都有故仔講，喺度食飯令人有ＶＶＩＰ嘅感覺，因老闆一同你啱嘴形，就會攞埋私伙靚酒，慢慢教埋你點分點飲，今次我哋有私伙威士忌呀！！哈哈～不過如遇著爆場，上菜都等得犀利，所今次就同朋友一齊喺 Boxing Day 嚟食聖誕大餐，好彩咋，２４同２５爆晒。
(The above review is the personal opinion of a user which does not represent OpenRice's point of view.)
Post
