有緣小敍

Open Now

Now Closed

感覺香港嘅(中國)地方菜餐廳普遍唔係咁長壽，難得呢間兩年前食過嘅陝西菜宜家都仲喺度。喺elements睇完戲過嚟，都係行十分鐘左右，10點last order，9點50分衝入嚟好彩仲有得嗌。biang biang 面真係唔知biang嘅廣東話點讀。5cm闊嘅面，成碗一條過，撈埋炸紫菜同大量辣醬，感覺上味道同喺西安食嘅唔係咁似，不過喺香港都算好特別。陜西涼皮陜西菜唔係食面就係食面，不過的確將面整到出神入化，而涼皮係其中比較常食嘅。同滬菜或者川菜嘅粉皮相比，比較厚實，邊個好食啲就見人見智，亦不妨一試。蓮藕炒肉蓮藕切得好薄，非常爽脆。香得嚟有少少暗辣，辣得嚟又唔會食得好辛苦，有湖南味道肉夾膜雖然係陝西名物，不過大陸周街都有得食，而質素實在差天共地。好期待試下味道如何，可惜有啲失望。塊膜係唔錯，目測見到烘底，食落亦有脆邊。可惜入面嘅肉實在有進步空間，出色嘅肉夾膜啲肉係整到入口整融，而呢個距離軟爛醇香嘅感覺差好遠，肉汁亦唔夠，食落好乾

本港幾有特色的菜式，曾經在廣州食過。招牌ban麵，麵條有口感，但味道一般，麵的比重太高。肉夾膜，個餅夠脆，但個餡的肉片無咩肉味，整體味道的層次唔夠。蕎麥麵唔得，無咩特別，就是蕎麥麵加點偏鹹的滷肉和辣湯。整體上有點失望，但可以一試。