民聲冰室 (Under Renovation)

同朋友嚟大坑上堂，相約食個lunch，拜訪民聲冰室，果斷叫個肉餅山，仲要打孖上。未食之前都會諗，肉餅山喎，唔似平時鋪平嘅肉餅，會唔會中間唔熟？大家可以放心，啖啖都熟透，配上咸蛋黃同白飯，撈埋豉油，竹真係一流嘅享受💯上餐速度快，店舖細細但非常溫馨，炎炎夏日叫返杯凍檸茶，無其他更好嘅組合啦😀下次想試下佢嘅手撕雞，都係店舖推薦嘅菜式！以前大家會話搵到一個陪你食麥記嘅女人好幸運，其實搵到一個午餐陪你食肉餅山嘅女人都係咁幸運🤗🤗

今日嚟到傳聞中嘅民聲冰室，專登去到大坑，我同男朋友一人叫左一個佢最招牌肉餅山，可惜佢同嘢飲要分開嗌，不過上菜的時候都好驚喜，好適合打卡，鹹蛋好入味，個肉餅好多汁知啦，不過大家記得早啲嚟，因為入面都好細，坐幾枱就滿🙈🙈