少爺18 (Closed)

今次用deliveroo 叫外賣，非常方便。足不出戶在家慢慢食晚飯。所以呢篇係外賣質素的食評。🛵🛵海南雞 好好味。 白白滑滑⭐️⭐️⭐️⭐️⭐️ 雖然外賣， 醬汁都冇俾少架👍🏻薑油，豉油，同泰式辣醬 都齊👍🏻之前都試過佢豬肉雞肉串燒。 覺得雞肉出色d 諗住再食。 點知黎左牛肉串😐 順便又試下新口味。 結果都係雞好d. 冇咁鞋。不過值得一提係佢配個沙嗲醬。 呢個醬好出色！⭐️⭐️⭐️⭐️！ 有呢個醬燒乜都唔差。（想撈飯食）😂肉骨茶。 呢到係有藥材風味的款式。👍🏻大大舊肉又醒油炸鬼⭐️⭐️⭐️⭐️ 好味😋金邊粉，真係搞唔掂，原本落單係波羅炒飯佢又黎錯左變左金邊粉。同價位冇所謂又試下。 點知個粉外賣黎到變左一舊舊。問題出在個粉無味。😐？！ 人生第一次食到冇味金邊粉。炸單邊雞翼。 唔知外賣係味咁大影響。又乾又韌。又係奇怪左。😐？！整體黎講下次都會再食～ 👍🏻

呢一日同啲姊妹黎到新都會廣場慶祝我既生日，呢個地方係我揀既(笑)。我係第一個到，黎到就比個環境吸引住：有好多隻碗掛係牆上做裝飾，好colourful。另一邊仲有一幅舖上假葉既牆，覺得幾靚幾有心思。就連用食具同餐牌都有花花既pattern，啱曬鍾意fancy既女仔。我地叫左個黃梨酸菜燒肋骨。牛肋骨好入味，又煮得好稔，同美式既牛肋骨感覺唔太一樣，但都好食。另外其實黃梨即係菠蘿，加上酸瓜做伴菜，其實無咩特別。又叫左個撈起沙津，貪佢夠特別，其實就係一啲薄脆、炸芋絲、青瓜、金柚、甘荀、子姜同埋香蒽，加入以冰梅醬、魚露、麻油同青檸制成既醬去調味，配味稍為乾，但加上個醬襯得好好味，令人想一嚐再嚐。唯一不足係個醬既份量唔係好夠，到餘下四分一時得返啲餸就變得好淡口。叫左個乾炒牛河，比茶餐廳食到既稍甜，但同樣惹味。肉骨茶係食新加坡菜時必點既，不過我都覺得一般般，沒有好特別。仲有個炒雜菜，係想平衡下食左咁多肉，菜夠新鮮，但個醬既味道就麻麻，所以我地食剩左。最後飲左杯美碌，佢其實有兩款，一款有加雪糕而另一款無，我飲呢隻就無既；都幾香甜好味。整體感覺不錯，環境好唔趕人，但食物質素可以再進步！

第2次光顧少爺18，印象依舊。環境不錯，感覺企理乾淨，清新又帶有東南亞色彩。位置寬落，坐落舒服，可以安安靜靜，舒舒服服地和男友吃一頓悠閒晚餐。藥材肉骨茶剛上枱就聞到其藥材獨特的香味，用當歸杞子冬菇桂圓排骨所熬製而成。入口先嘗到的是當歸的味道，再來才散發出肉的清甜，用排骨熬出的清湯卻不顯油膩。肉的味道清香，帶有陣陣藥材味，一點也不老，愛喝湯的一定會愛上。蝦醬雞翼的脆炸做得十分好，外皮醬薄香脆，內裡肉質幼滑而且多汁。黑蘿蔔糕用半煎炸的形式煮成，鹹中帶甜，質感軟腍，十分惹味。全晚最令人失望的莫過於這個咖喱豬仔髀，辣味比較平和，沒有咖喱的香，而且鹹味重。豬仔髀厚肉，但肉質偏霉，沒有肉的質感。原來有原個蛋糕可以外賣，對榴蓮雲石芝士餅抱有萬二分的興趣，下次朋友生日可以一試....

喜愛亞洲菜豐富的烹調手法，愛它多變的味道。在歐洲旅行的一個月，我們最懷念的，便是亞洲的美食。旅程中，總會有「想吃一碗熱辣辣湯粉」的想法。於是，回來後，總是到處回味這種味道。呷一口飯，喝一口湯，就覺得幸福。除了最常吃的中菜和日韓菜，也少不了我們最喜歡的菜色之一的星馬菜。這一趟，我們來到葵芳新都會廣場，那間我們不止一次光顧的「少爺18」。對於這間餐廳，我們並不陌生。因為我們這次帶著婚紗去歐洲拍照旅行，婚妙的店子就在葵芳，所以偶爾會順道到這兒吃飯。環境清新簡約，木系色調與柔色的佈置相襯，感覺和諧舒服。不過我們來這裡的最大目的，當然是為了我們所喜愛的星馬菜色。特別想說說，一向喜歡這裡的肉骨茶，所以它是我們開餐的主角。分別有兩種口味。其中，我較喜歡胡椒味的新加坡肉骨茶，夠香夠重味夠暖胃；但以黑醬油和藥材為主的馬來西亞肉骨茶，亦鮮而不苦，各擅勝場。今次亦嚐了不少新菜色。首先來幾款小前菜：娘惹小金杯、咖央蝦丸、黑蘿蔔糕。小金杯金黃的脆脆外層，入面釀了蝦米、蝦粒、雞蛋粒、蘿蔔絲等；蝦丸酥香之下，是彈牙的蝦膠，很惹味；至於黑蘿蔔糕，以黑醬油烹調，咸香味濃，面層炒至微焦，內裡鬆軟，初吃的時候還以為是肉類。