加東 (Closed)

天天海南雞飯黎左香港，本來想襯試業期間試一試係咪同新加坡嘅味道一樣，但諗起新開張一定會好多人嘅關係，都係決定轉場～加東就係其中一間味好貼近新加坡嘅海南雞飯～星期五嘅lunchtime都坐滿人，大約等左20分鐘先有4人檯。原本都爭扎左過想點喇沙加海南雞飯雙併 $98，不過好似唔太化算，明明兩樣都係迷你size，但價錢差不多貴雙倍，所以最後就點個海南雞飯 $58，再將雞湯轉肉骨茶$20，咁樣又滿足到我嘅貪心，又乎合經濟效益，哈哈！呢一個午餐好豐富吧～ 海南雞仲係一客嘅分量，淨係食雞都夠飽啊！海南雞好滑好軟，唔會乾爭爭，就連雞胸都唔嚡。加上上面淋左少少醬汁，的確係畫龍點睛，係新加坡嘅味道～肉骨茶味道比較淡，可能我係鐘意黑蚊蚊超濃藥材味嗰啲啦。不過油條同豆卜都非常入味，另外排骨亦好冧，都算唔錯啊！最後值得一提嘅係職員嘅服務態度真係非常好，反應好快，又滿足客人嘅需要，無論係食物質素同職員嘅服務都值得再黎啊！

去悕慎行街，由電梯望去對面既大廈見到大大隻加東餐廳，上網睇下係食咩，原來係新加坡菜，所以決定行完街就去試試。一入到去裝潢好新加坡feel，好大好舒服，餐牌亦有好多選擇，由於濕平完既關係所以嗌左好多野食試下椰菜苗好嫩，炒得好香，份量亦好足例牌海南雞，又係份量超多，雞肉好嫩，正喇沙比起新加坡食既較甜，麵身都比較淋，但可以接受肉骨茶勁香濃，好好飲，啲豆卜亦都勁入味總括黎講加東cp真係超高，好食之餘份量亦好多，可以一試再試

海南雞夠嫩滑 ，肉骨茶香濃夠味，排骨足料(有7舊一字排)，喇沙米線 惹味 夠濃 足料，有星洲風味，白胡椒炒蟹 惹味 價錢合理(特價$198) ，不過略嫌細隻無乜用肉(可選$498有大隻D， 但寫明不包多肉結實…… 可能之前有人投訴過)，煎蠔餅夠脆但略 嫌粉多，蠔仔太細又無乜蠔仔！ 環境裝修尚可， 職員態度 比預期好得多，換碗碟、加水、收餐 、上餐非常快( 可能平日、下六點鐘又 沒有太多客)， 同佢講碗喇沙放久了乾曬水(其實係個湯 太好味一人一啖越飲越少)，仲可以叫廚房免費加D湯， 整體來計都有70分，可以再吃，沒有中伏……

今日同男友去左港島搵食，係唔知食咩下就終於都係食我地好鍾意既星馬菜 行行下就入左呢間餐廳開飯去 坐底後，我地都點左好多食物，而第一道菜就係肉骨茶，一黎到已經香味四溢，飲落湯底濃郁，仲好有豬骨味，肉質更好鬆軟。油炸鬼浸入肉骨茶仲可以吸收到湯汁精華，將所有肉味收在油炸鬼中，一口吃下去確是十分美味 雞牛串燒，配上沙嗲醬，很野味開胃，食下食下好快就食清光 喇沙海鮮炒麵，就好似中式肉絲炒麵咁，麵炸得香脆而乾身，配上帶有青口及海蝦等等在內的喇沙汁下食用，口感極具層次，而且更可食出海鮮很爽口彈牙，滋味得令男朋友不斷夾來食食食 小食拼盤有魚餅、蝦球及春卷，份量充足，味道香濃且不會過咸，用以伴著啤酒下食用，更是倍添滋味~印尼炒飯就是最惹味最吸引我的菜式，辣味適中之餘，飯質也很軟熟，當中更有我愛的炸蝦片，加上更有煎得邊皮微焦的煎蛋下，完全就能滿足晒我所有的欲望 整體而言，呢間餐廳的水準很不俗，有機會都會再次幫襯

自從去過馬來西亞及新加坡，我幾肯定自己愛上星馬菜，每個月都總會想起喇沙及肉骨茶，早前就和朋友去了加東，一次過吃盡我倆喜歡的菜式，超級愉快～海南雞例牌 98已經足二人份量，雞皮和雞肉夠滑，雞味不算濃，不過沾上醬油吃，味道也不錯. 若只能在薑蓉、辣醬、 黑醬油之間作為選擇，我會選黑醬油，少少甜. 雞肉與骨的切位很好，不會奇形怪狀致食之無味，棄之可惜.大家應該知道喇沙有好多種，亞參喇沙那股濃烈的酸味，讓我吃得辛苦，所以不是我杯茶；反而我偏愛咖喱喇沙，湯底加入椰汁，很香濃. 辣度適中，只是兩粒螄蚶有點腥，蝦則彈牙爽口.米線是帶點韌度的，但還好，沒有被浸軟，麵和湯大啖大啖的吃，好滋味！在猶疑要小或大之際，看到鄰座的肉骨茶 （小）我們就確定來個大煲. 才$40的差別，但大煲的份量足夠4人用. 我倆極喜歡肉骨茶，但加東的蒜味不夠，若果再濃味些就好了一餐之中不能缺少的蔬菜，選擇頗多，無論是飛天炒/蒜蓉炒、通菜/芥蘭，由於有喇沙和肉骨茶屬味濃的菜式，所以選蒜蓉炒通菜. 份量很大，以$68來說是很值！味道剛剛好，通菜炒很不老，讚！豬牛雞沙爹各兩串，相比起其他菜式，這款定價顯然有點貴，而且肉較鞋，唯豬沙爹串

今次首次跟她食晚飯，大家也很健談，有無窮無盡的話題！  所以，我們由入座到離開都花上兩小時！大家也很盡興！ 我們走到位於祟光隔離的商業大廈一間樓上星馬菜餐廳 <加東> 食晚飯！原來這間餐廳由圓方搬往銅鑼灣， 地點很方便！這裡原用其裝潢！富有色彩及特色！ 我們入座後，靚女店員隨即給我們兩杯水先解渴！ 餐牌上圖文並茂，供應星馬菜為主，價錢合理！ 我建議先點飲品，見到飲品餐牌竟然有椰青，便嚷著要椰青！  大大個椰青，一於兩人 share 吧！ 椰青 $38入口涼浸浸又清甜，  發覺食完辣食物，可把辣味全沖進喉嚨似的，  辣的感覺全消！ 蝦片只要 Like 餐廳 Facebook，便可獲贈一客蝦片！實在驚喜！ 蝦片香脆可口，滋味得令人食完一塊又一塊！ 招牌海南雞 (例牌) $98例牌的份量恰好兩位女生的食量！ 雞肉嫩滑可口，醬汁提味不少！另配有辣醬及薑蓉，更添風味！   如此有水準，  果然是招牌菜色，不消兩小時便清碟！ 配油飯 +$18以雞油煮製，飯粒油潤有光澤，亦富有薑的辛香！ 令人很開胃！飯粒軟熟帶飯香！ 沙嗲串燒 $68 (豬雞各三串

秋高氣爽真係特別岩食星馬菜，所以又去左食————————————————————#肉骨茶（$88/細）留意返新加坡同馬來西亞既肉骨茶☕️係唔一樣，馬來西亞既藥材味係會重好多，新加坡既就重胡椒味。加東其實係食新加坡菜，而呢個88蚊既細肉骨茶其實都唔細架☝🏻️，可以飲到4碗，每碗都有肉骨食，足料而且有heat住🔥，口味適中冇過濃過淡，用左原粒蒜頭連皮去煲，唔會過辛。配料油炸鬼份量都少，吸哂湯底精華好味。好味指數：7/10#參峇醬燒魔鬼魚（$118）唔係原條上，參峇醬有d似沙嗲，但再重味d。食第1啖時覺得有少少乾👅，但食多2啖反而覺得越食越香口，係唔錯既零食，不過食魔鬼魚🐟做零食好似有d奢侈好味指數：7/10#新加坡喇沙（$88）好特別有出面好少食到既獅奄！仲有蝦🍤、蛋、豆卜、魚片、芽菜🌾大路野，湯底重椰味但冇蓋過蝦味，拎到平衡。麵係米線，好吸湯所以最好快d食好味指數：8/10#新加坡炒貴刁（$88）好大隻蝦😂而且仲有好多隻，88蚊咁大碟貴刁黎講都算抵食。最特別係入面竟然有臘腸！呢個貴刁係「參參」，兩種麵Mix埋一齊炒，d料同喇沙差唔多，整體色香味俱全，安全過關好味指數：7.5/10另外仲飲左椰

午膳時間約了友人在銅鑼灣吃飯，試了一間主打星馬菜的餐廳「加東」。餐廳裝潢星馬味道不重，但亦算有特色，如以不同顏色的木製百葉窗砌成一幅特色牆。午市的餐牌以小報型式印製，定價由七十餘元起。想選擇多一點，也可參閱大餐牌上的美饌，彈性更大。二人同行，最後在午市餐牌選了一份餐，另散點其他美食。 沙爹豬肉串是惹味小食，串燒很多時有一個通病是食感乾硬，這兒的串燒不但沒有此問題，反而肉串腍身，燒烤風味又足。唯一美中不足的是配上的沙爹汁食溫過凍，或許剛從雪櫃拿出來備用，這點需要留意一下。 海南雞飯拼新加坡特色喇沙是餐廳推介的午餐，海南雞已去骨，肉質嫩口，雞香亦不錯，配上的油飯不算太膩囗，香口度中等。跟餐的新加坡特色喇沙應是迷你份量，主角湯汁椰香足，甜美味佳，配上的米粉煙韌，掛上湯汁特別好吃。喇沙配料有海蝦、魚片、豆卜、雞蛋等，以小小一碗麵來說也算相當豐富。 肉骨茶是傳統星洲美食，亦是筆者喜愛的地道美饌之一。有不少人不愛肉骨茶，因其藥材味重，但亦正正是這味道，才贏得筆者歡心。菜式以瓦煲盛載，並以明火加熱保溫，香煙源源不絕地散放出來。就口味而言，個人覺得藥材味道淡了一點，但排骨用料佳，腍身入味是菜式可取之