祥興咖啡室

Open Now

Now Closed

呢間屹立咗超過半世紀嘅茶餐廳一直都有唔少捧場客，當中不乏明星藝人，嗰日正值下午茶時段，我就叫咗個肥豬餐肉煎蛋菠蘿包外賣($28)🤩一攞出嚟真係忍唔住”嘩”出嚟，見到啲蛋汁咁樣漏出嚟、加埋菠蘿皮嘅金黃色，即刻流曬口水🤤咬落去仲正，餐肉面頭煎到脆脆地，菠蘿包有陣陣豬油香，仲有蛋黃汁，三者加埋真係無得頂👍🏻雖然餐肉唔算好厚，但每個部分都做足，所以食落真係好滿足，就算幾肥幾唔健康都值得🤣

知道跑馬地有間舊式茶記幾出名！有想過去試，但又一直冇將佢排係頭幾位，今日意外地去跑馬地先順便食到～嘩！入面嘅環境真係好舊式呀！！肥豬餐肉煎蛋菠蘿包$39既然出名菠蘿包，當然係試菠蘿包啦！但我又唔能夠咁寡淨係食個包嘅…呢個肥豬餐肉煎蛋就岩晒我啦！首先，包嘅賣相有90分！如果餐肉露少少出黎就滿分啦！菠蘿包食落鬆軟，頂部又香又脆！餐肉同煎蛋係襯托，冇話有啲咩特別！熱檸茶幾好飲～係會想飲完再飲嘅味道！呢餐係今日嘅第一餐，但呢個包食到一半就突然覺得好飽👀係我細食咗？又或者係我冇胃口吧～本來想堂食埋蛋撻，但真係食唔落LU～唯有買走啦！順便買比屋企老人家試吓～四個蛋撻、雞尾包、豬仔包～蛋撻係新鮮熱辣架😲個樣好靚！！我夜晚食嘅時候都仲係好好食呀！！酥皮蛋撻迷必試！！雞尾、豬仔我冇食，佢地話係舊式個啲味，蒸返熱好食喎！