阿閒泰 (K11購物藝術館)

Open Now

Now Closed

好姊妹生日, 預早book咗K11呢間新派泰菜餐廳---阿閒泰, 好幾個月前食過, 環境同食物水準印象都唔錯, 就決定係呢間同好姊妹食生日飯。平日六點左右, 未到放工黃金時間, 餐廳內未見人流, 環境乾淨、整齊企理。食物款式選擇多, 新派泰菜款式中, 亦保留了部份傳統泰菜款式, 滿足到唔同人口味。【阿閒泰奶茶配自家奶茶雪條凍】HK$68將熱奶倒入杯中, 令奶茶雪糕慢慢被熱溶, 自行加入茶, 調教至喜歡嘅濃度, 口感絲滑, 奶味較為突出, 飲後非常提神。【自家手打脆炸鮮蝦餅】HK $78長條形蝦餅幾大件, 外層香脆不油, 鮮甜彈牙, 配上甜酸醬提升味道。【泰式生蝦刺身】HK $98每隻生蝦刺身浸於泰式辣醬中, 生蝦口感爽彈, 沾過醬汁, 酸酸辣辣, 惹味開胃。【手作豬肉串燒】HK $88豬肉肉質札實, 算不上多肉汁, 但又未至於好乾, 配上酸尾尾嘅汁, 味道還好。【脆炸豆腐配泰式魚露】HK $58豆腐為薄脆, 表面只灑上炸蒜, 炸皮內豆腐滑得入口近乎即化, 配上泰式魚露, 微酸清新。【醉貓炒新鮮手造卷粉】HK$128手造卷粉有如卷起嘅河粉, 口感略帶煙韌, 炒得乾身, 充滿泰式香料味道,

上次望到呢間餐廳好多人排隊，而且感覺清新，走田園風，所以今次嚟試吓😍 阿閒泰主打泰式+西式, 而且菜式都幾特別。阿閒泰炭烤拼盤 $268 推介🤩 都幾豐富嘅！有肉眼扒、鮮魷魚、雞肉串燒、什菌、蕃茄、燒菠蘿！肉眼扒好juicy, 炭烤過嘅味好正！魷魚就比較淡味；另外值得一提係菠蘿🍍都幾多呀，燒得好好👍🏻👍🏻脆炸豆腐配泰式魚露 $58 賣相幾靚，而且份量幾好；豆腐新鮮，不過無味道，出面嘅脆皮都無咩味，要不停落魚露先 ok泰式海蝦卜卜蜆炒金邊粉 $128賣相好靚👍🏻 有兩隻蝦同青口，都新鮮好食；Pad Thai 炒得幾好，個汁好味；放旁邊嘅辣椒🌶️粉好辣，唔食辣嘅朋友就唔好落啦😎烤原個椰菜花配青咖喱醬 $106 好特別！原個椰菜花上，好大嘅一個；特別提提青咖喱醬偏辣，如果唔食得辣嘅就唔好點啦😅 青咖喱醬仲可以送飯或者薄餅嚟食印度薄餅 $28 一片價錢，呢隻唔係鬆化個種，偏硬度同乾身，味道一般。

今日來尖沙咀K11 食泰菜，呢間餐廳裝修好清新，中間係吧枱，半開放式設計再加上綠葉裝飾🌿令環境好舒服，座位寬敞，感覺乾淨衛生。🥭香芒紅菜頭米紙卷米紙卷包住芒果，紅菜頭，青瓜絲🥒，紅蘿蔔絲🥕等菠菜，再配上芒果粒粒醬汁，味道清新，酸甜開胃，不過擺碟可以稍為改善，用咁大隻碟裝應該要喺空白位置放啲伴碟或者裝飾。脆炸豆腐配泰式魚露豆腐外皮炸得香脆可口，配上酸酸辣辣嘅泰式魚露好惹味，不過豆腐質感屬於硬滷豆腐，如果可以用煎炸用的滑豆腐去煮，豆味會更香濃，質感會更幼滑。🐷脆皮豬頸肉伴自家製檸檬蕃茄醬🍋🍅豬頸肉肥瘦適中，外皮燒得好香脆，加上紫洋蔥，黑椒，花生碎令口感更惹味，配以自家製檸檬蕃茄醬，酸酸甜甜，既清新開胃，又可以平衡肉嘅油膩感，推薦👍🏻🦐泰式紅咖喱虎蝦卜卜蜆意大利麵🍝呢種泰式醬汁Crossover西式意粉嘅做法我都幾鍾意，意粉煮得有啲淋，醬汁幾惹味，不過食落唔似紅咖喱味，似係冬陰功味，而且卜卜蜆換咗做青口，而且配料比較少，得兩隻蝦一隻青口同埋少量菇，性價比較低。亞閒泰奶茶配自家製奶茶雪糕凍🧊呢款飲品打卡影相的確十分合適，奶和茶混合嘅時候有漸層效果，不過奶茶比較淡味，店員話等雪糕溶到一半先食係最