江湖小棧

Open Now

Now Closed

天氣終於冷了，我同男朋友九點嚟到呢一間好出名嘅煲仔飯，諗住食完就去睇世界杯。估唔到九點度都十多人等緊，好彩嘅係啲枱流轉得多好快，等10分鐘左右就入得。可惜我哋太遲到，白鱔、滑雞已經賣晒。我叫咗鯰魚、田雞、排骨煲仔飯（$86），我男朋友叫咗臘味排骨飯（$86），我哋仲最佳左一串牛肉串燒（$26），另收加一服務費。煲仔飯要等20分鐘，店舖提供豉油及豬油。煲仔飯嘅飯身好爽，有炭爐味，而且有厚厚嘅飯焦👍🏻配菜來講，臘味最好食，其次係魚，魚嘅油香都幾重，有啲似鱔片，田雞、排骨就不過不失啦。下次希望早啲嚟可以食到其他配菜！

本來打算食另一間餐廳，不過太多人等位，太肚餓，所以轉食呢間煲仔飯。餐廳的名幾特別，叫江湖小棧。座位都算闊落，環境舒服。我地叫左三樣嘢食，豬腳好入味，份量都大，我就食唔膩啦。仲有個招牌燒通菜，味道特別，串燒通菜的感覺。最鍾意臘味排骨煲仔飯，臘肉唔肥唔瘦，自己選擇落多少豬油同醬油，再撈勻佢，好吸引，豬油好香，d飯唔會太乾，但係有飯焦，值得一試！煲仔飯的選擇有好多，只是我地揀左最傳統的煲仔飯，下次可以試下其他！

今晚得12度，6點15分拎2人位， 食風食左1個鐘先有位，但係4個人個d，半個鐘入得，點解？店內5張4-6人枱，4張2人枱，2人枱仲要比2 或3人等候，又唔比撘枱，點解唔可以兩組2人撘枱？唔係下一張到我地的話一早走左！後尾仲見到張2人枱再加多張枱變4人枱如果係咁唔歡迎2人食野的話可以早講安排差到咁好食又如何？後尾先開始比2人撘枱，唔嘈都唔識做講番食物臘味排骨飯，加左豬油，飯粒粒分明，好味冬菜花甲，花甲冇味道，嘛嘛地未見過煲仔飯要加一真心冇下次