江湖小棧

Open Now

Now Closed

香港｜荃灣｜江湖小棧冬天要食煲仔飯，於是就黎左呢間荃灣人氣餐廳。開17:30，但係星期六17:10去到已經排咗十幾人，好彩都仲可以第一輪入到，要食真係要早啲去排隊。自選煲仔飯3款配料$90（4款$95）白鱔 豉汁 臘腸白鱔有三大舊，厚肉，魚肉彈牙，新鮮。配埋豉汁，提升咗鱔既味道。臘腸係段切，都有6-8舊，不過唔係好夠香。煲仔飯上枱時都會提供豬油同豉油，加上後蓋住焗幾分鐘，就有飯焦食。由於今次有豉汁，豉油落得太多，搞到有啲過咸。燒通菜（蒜蓉）通菜燒過後比較乾爽，加上大量蒜蓉、炸蒜，都幾重口味。不過就$5x, 有啲貴。涼拌雞軟骨呢個比較重口味，醬汁好濃味，似燒烤醬，唔係好夾。整體來講煲仔飯值得一試，想食都係早點去，因為食完都幾多人排隊，煲仔飯亦要等20分鐘。江湖小棧 (荃灣)荃灣鱟地坊30號寶成大廈1號地舖#江湖小棧 #煲仔飯 #白鱔煲仔飯 #臘腸煲仔飯 #荃灣美食 #荃灣

天氣凍就會想食暖笠笠既野食，煲仔飯就岩曬🤤荃灣呢間煲仔飯長期都有人龍，我地大概7點幾到，等左40分鐘左右入座侍應教我地煲仔飯先開蓋落豬油再落醬油然後焗2分鐘就食得😍豆豉白鱔煲仔飯$88白鱔好有驚喜！厚肉肥美而且有彈性🤤我平時好少食白鱔但係呢個真係令我驚艷D飯吸左豬油同醬油好香😍加埋脆脆地既飯焦真係世界級臘味排骨煲仔飯$88呢個就普通d，不過都好味油鹽水浸花甲煲 $108花甲好新鮮同飽滿，但係相比起煲仔飯就普通d，如果唔係好多人一齊食就可以skip招牌燒通菜（蒜蓉）燒通菜真係唔係好多地方有，我地見幾特別就叫黎試下，有腐乳或者蒜蓉味，燒幾菜有燒烤味再落大量蒜，都可以叫黎試下整體黎講呢間白鱔值得一試！下次回想試埋其他款🤤Overall: 8.5/10

幾次經過見到好多人排隊，好奇係咪真係咁好食，今日特登嚟到，排坐成個鐘，叫完飛仲要點咗單先又唔早講，排骨好鹹，腐乳通菜，應該係是但燒一燒就摞出嚟，牛柳麗都係好一般，菠蘿都冇炒過咁，又貴又難食，d人又好串，垃圾

1730第一批入坐 坐到1830 同一時間入既客人都走曬 第二批人既野食都到 我兩個煲仔飯 蒜蓉排骨同土魷肉餅都係不知所終 不知所謂 唔講以為係慢煮煲仔飯 一個鐘都冇得食 俾狗食

開始入冬，終於扚起心肝，今次排下隊啦！之前一直路過見到好多人排隊、今日眼見好似冇咁多、即管去拎飛排下隊、點知一樣要排左40-50分鐘店舖內坐位不多，而且仲有點迫迫夾夾、如果一大班人去食就好難坐到一齊（我估😅）菜單上還有串燒、小菜、粥等等，不同的選擇。差不多有位時，未入店已經落單、所以一坐低就有得食。點煲仔飯的客人，店舖會有豬油和鼓油給你自己落。加了這些調味後再焗一焗他就可以食。煲仔飯飯香、惹味，有輕度飯焦，這個就不會令大家失望。仲有串燒，眼見隔籬枱啲串燒都賣相唔錯，下次會再試。

星期六5:30到達門口已經要拎飛等下一輪入座，等候大概45分鐘後可以入座。食物大概20分鐘後便上菜，店員碰上一壺豬油及豉油，需要淋上飯面等候2分鐘才可進食。今次叫了臘味滑雞飯及白鱔飯。個人覺得臘味滑雞飯較為出色，因為臘味有臘腸潤腸，臘肉香口，白鱔就比較厚實彈牙，內裏有較多的細骨，所以吃的時候要小心。煲仔飯較多飯焦，如果喜歡吃飯焦的都應該幾喜歡的，但如果不喜歡飯焦便會覺得吃到牙骹軟。個人覺得餸菜及飯的味道不太融合，可能送的香味，因為太高溫底下而揮發了。整體如果要等一個小時，才能可以吃到，我覺得就應該會有更加好的選擇。整體來講都算，值得一試。

呢間煲仔飯係荃灣已經一段時間，仍然人龍長長，莫非真係有佢個人之處😏首先，睇餐牌發現佢啲價錢幾得意，無論係鳳瓜排骨，或是豉汁白鱔，都是一律同價，😅咁樣，我只好選擇豉汁白鱔煲。因為全部即叫即煲，所以需要啲時間上枱。上前，員工會先放一樽豉油和一樽豬油。當煲仔上枱，自己馬上加豉油和豬油，再焗佢一焗。萬衆期待煲仔飯一開，豉汁味好香，白鱔新鮮爽口。但煲白飯同豬油有啲失望。煲飯太濕，無乜飯味，食焦太燶和黐底。豬油無乜豬油味😰以一煲$100嘅煲仔飯，個人應為只會食過就算。

偶然夜晚6點幾行過，終於見唔洗等位，同個fd終於第一之試到江湖小棧o既煲仔飯小炒。裝修環境借用金庸小說為題，餐牌亦用九陰真經包裝，gimmick 野。openrice各食評力推煲仔飯，同fd每人一個煲仔飯(1. 土魷肉餅; 2. 田雞排骨)，加一個腐乳燒通菜，同埋一個花甲粉。真係要等足20分鐘先上煲仔飯，加豬油豉油焗2分鐘，由於多蔥，又有飯焦，確係香，排骨同肉餅都好食，只係本人對白飯喜好較大，對飯焦不太喜好，無食到飯焦。但豬油豉油自己控制加幾多，確實不錯! 花甲粉好辣，個人比較喜歡; 燒通菜，好濃味，第一啖食好好食，食多幾條後，有腐乳部份太鹹，最後都係放棄左。整體飯餸都整得幾好，個人口味因人而異。通菜同花甲粉，值!!! 但一個煲仔 $90/ $95 (未計加一) ，值唔值就要自行判斷，(佢最出色o既並唔係本人喜好)。PS: 我都明白煲仔飯要時間，明白門口開始有好多客等，想多D翻枱，可唔可以俾我食埋個花甲粉同燒通菜先至問我收得未呢?花甲粉 $128 (加一另計)(嗜辣者必定喜歡)，味道唔錯，約10幾隻花甲，無沙。腐乳燒通菜 $ 54 (加一另計)，濃味，食客可以考慮少d腐乳田雞排骨煲仔飯

預先預留位置並沒有用，餐廳內坐滿人堂食會先要你落order，但不能保證你有位置。上次也不是這樣，這樣的服務態度完全不值得，浪費時間以外還給店員無禮貌對待。大家接受到的話可以享受香港特式服務。

荃灣地獄級超多人煲仔飯 見到網上好多人吹捧佢 今日又嚟試試.晚市1730開始入座 今日1715早d黎到排隊竟然入完第一輪 都仲要拎20號飛最後要等到1915先有得食 等足兩個鐘.今次點咗 ⭐️豆豉白鱔煲仔飯$88先開蓋落豬油 再落醬油 冚蓋焗2分鐘👍🏻白鱔超級高質 厚肉肥美 有彈性👍🏻飯粒 粒粒分明 吸左豬油同醬油好香口😈👍🏻飯焦脆口 會表示啱啱好 加埋豆豉拌飯會更加惹味.⭐️香菇滑雞臘腸煲仔飯$88呢一煲有一個好大嘅問題 臘腸唔夠香😖飯粒完全感受唔到 臘腸香味 香菇味 雞油😰感覺三樣配菜 都融合唔到🤔如果普通餐廳 呢個水平會覺得還好 可以接受🤨但如果係受人追捧 排兩個鐘嘅名店 咁簡單都做唔到呢個質素可以話不能接受.特別講一講服務 店員服務語氣幾差 有種唔休做嘅感覺因為超級多人排隊 只可以話理解食客：唔該 想問問排到幾號？ 店員:十幾廿幾啦～.特別一提 仲要收加一.#hkfunfoodrecord窮遊香港#hkfunfoodrecord_荃灣.#江湖小棧 (荃灣)地址：荃灣鱟地坊30號寶成大廈1號地舖.⭐️評分：味道：3.5/5 白鱔4.5環境：2.5/5 人多都幾迫服務：2/5抵食：3/5

每次經過都大排長龍，今次終於決心去試吓佢個煲仔飯，叫咗個臘味雞煲仔飯，佢個豬油真心出色，食得出好香嘅油香味，豬油先轉一圈，豉油再轉兩圈，打開個蓋之後見到好多飯焦，個味道都超正。

江湖小棧 天氣冬自然就想找些暖胃的食物。其中煲仔飯是每年都會吃的食物。荃灣的江湖小棧是一間賣煲仔飯非常出名的店。每看到店外有大量等位的客人就知道天氣非常寒冷。店舖內的裝飾以至食店的餐牌都有武俠小說的味道。因為小絲食量比較小，所以只點了1個煲仔飯再加2個小菜。這裡可以選擇的煲仔飯款式很多，最後點了最普遍的鳳爪排骨，那就可以試到這裡的煲仔飯與其他舖有甚麼分別。鳳爪排骨煲仔飯$88點煲仔飯的客人，店舖會有豬油和鼓油給你自己落。加了這些調味後再焗一焗他就可以食。我覺得鼓油可以落少少，試一試味才再加，因為煲仔飯本身都很夠味。煲仔飯當然要有飯焦，這個就不會令你失望，有大量飯焦給你足過癮。而鳳爪排骨就較為普通，排骨醃得有點鬆軟，但未至吃到不應該有的味道。生啫芥蘭煲$88這個煲很有鑊氣，吃到尾還是暖的，不過調味有點重，送啤酒就一流，很有大排檔的風味。燒紐西蘭羊架$72因為小絲喜歡羊肉，所以就點了羊架試試。這裡的羊架調味方面與其他慣常做法有些分別，味道是偏向中式多些少。燒得不乾身，吃下去有肉汁有咬口，非常不錯。阿偉評價：煲仔飯選擇多，高質素。飯迷必試。推介指數：7/10

上網搵咗一輪，最後決定山長水遠入去荃灣，就係想試下呢一間「江湖小棧」嘅煲仔飯，咁佢實在係好食嘅，價錢亦都算平88蚊一煲飯， 但係要等兩個鐘頭為咗食一煲煲仔飯又真係過份咗啲，但係都話係山長水遠㗎啦，唔通走咩！因為要同個皇太后食飯，皇黃太后好L麻煩，辣又唔食得海鮮又話唔食得，白菜仔/芥菜又話寒涼，好難服侍，一坐低見到其他人係每人一煲飯而我哋係一煲飯兩份，但係佢嘅特色係落豬油落去撈啲飯係好味嘅👍🏽，佢最出名嘅就係白鱔煲仔飯，但係我落order嘅時候已經買曬，但係其實個北菇雞飯都相當唔錯，下次會喺平日再去試，因為今日實在係太癲，等兩個鐘頭！而家喺香港好食少少嘅舖頭都要等位等得咁誇張呢？

未到傍晚開門時間目測已經有20人排隊👭🏻👬👭🏻👬👭🏻點可以唔親試下！！！🍲自選三拼煲仔飯(白鱔、臘腸、田雞)🍲客家黃酒雞🐤(必試推介🔥)🍲招牌燒通菜(蒜蓉)🌟天氣涼涼地最啱食煲仔飯，依間人氣煲仔飯有好多食客跨區慕名而來，五點幾已經排晒隊，食唔到第一轉就要等到7、8點喇！未坐低已經要落左單先，所以排着隊諗定食咩😎煲仔飯款式好多，而且仲可以自選配料，價錢相若，所以小妹揀咗最鍾意嘅白鱔田雞再加臘腸，雖然好貪心選三併，但估唔到餸嘅份量都好多，尤其是白鱔相當厚身，食落彈牙新鮮，田雞肉質鮮甜，配埋臘腸一絕！差啲漏咗講，餐廳提供豉油同埋豬油，可按自己喜好食之前加落去，焗2分鐘食得，係人間美味🤩另外，黃酒雞真係唔係度度都食到，依度嘅黃酒雞真係貨真價實，雞肉份量非常多，而且好滑！配埋紅棗杞子薑絲同藥材，酒香撲鼻，未食已經醉🤣(不過要提一提，呢款菜式酒精含量都幾高，食完會紅都面晒，唔識飲酒嘅就要留意😳)燒韭菜就食得多，燒通菜真係第一次，而且有腐乳或者蒜蓉味，今次揀咗蒜蓉燒通菜，面層落咗大量生、熟蒜，好香燒烤味，味道真係幾特別，值得一試！！！不過食完講說話就要小心啦，成口充斥着蒜味，正！🫢

聽說荃灣有間很受歡迎、食煲仔飯的街坊店，週末的這天準時晚市開門後取了籌號，仍然要等超過一小時，那就來品嚐一下等待一小時的食物吧。啫啫通菜煲($88)上菜時發出嘶嘶聲、不斷冒煙，裡面材料包括了蝦米乾以及豬油渣，因而令整到菜的香味與風味提升了一層，邪惡但不俗。三款煲仔飯一齊上菜，店員會取來豉油和豬油各一瓶讓客人自行加入，放回煲蓋焗一焗就可以開動了。臘味滑雞煲仔飯($88)的臘腸、潤腸、臘肉均切得比較細碎，除了臘味的油大概主要是靠我們後加的豬油來提味。土魷肉餅煲仔飯($88)香氣十足，陣陣土魷味夾著大量香蔥味道吸引，肉餅跟魷魚的比例也可，不會失衡太少土魷。窩蛋牛肉煲仔飯($88)上菜時我們立即把半熟的雞蛋拌均整個飯，盡量讓每一啖飯都沾上蛋液。牛肉的質地偏淋，味道不濃，正正常常，勝在有隻蛋在裡面。這裡需要收取加一服務費，然而店舖生意好、店員都很忙，她們只要見到客人有吃完的東西就會立刻收碟，我們也明白等位的「痛苦」都盡快吃完離開，因此我們四人用餐時間大約為一小時。所有煲仔飯的溫度都很夠熱，基本上三個煲的底部都有飯焦，對喜歡食的朋友來說是可取的。不過，味道方面都是普普通通，沒有感覺很好吃，飯裡的料