四季文昌 (Closed)

本身已經經常幫襯四季文昌 ，再加上㩒㩒下手機📱見到Eatigo上有半價優惠（冇睇錯係半價啊！）😱😱😱，即刻訂位撲去食椰子雞🥥套餐都幾抵但因為唔係所有野啱食散叫左半隻原味🥘(原價$138)、安格斯牛仔粒🥩(原價好似係$98🌚)同臘味芋頭煲仔飯🍲(原價$88) 一落單就即刻有阿姐嚟倒啲椰子水🍶同椰肉🥥入個鍋，等左唔夠兩分鐘，啲椰香味出曬嚟，好想即刻可以開蓋飲🤤好不容易等到佢滾先擺啲雞肉🍗落去，跟住又係等😫這麼近那麼遠啊～ 漫長嘅7分鐘終於過去，第一時間飲碗湯先，好甜好香好感動😭. 雞點啲豉油，雖然唔係件件都滑，但味道唔錯，椰子肉都可以點豉油食架！（雖然其實我主要都係飲湯，全程係咁飲😋）牛仔粒都有牛味，肉質亦唔會鞋，ok嘅👌臘味芋頭飯就做得幾好，雖然有少少鹹，但飲啲水🍵無問題！份量超級大好抵食，如果有三個人每人都有兩碗🥣🥣，我地得兩個清唔曬😂埋單一共$200（人均$100）真係超值、好飽肚🤰

1月尾嘅時候爸爸生日，帶咗佢哋去食椰子雞，呢間都開咗一段時間啦，地方好大唔洗等位，可能近新年，出咗個豬拱門如意套餐$588🤣好意頭，即刻點呢個啦，有原隻文昌雞，安格斯牛小排，海膽拼盤，海鮮同啲餃，份量都多㗎，加$58仲多個芋頭臘味飯，佢話係細嘅，但都有平時煲仔飯份量，以呢個價錢嚟講都唔錯。🐔椰子雞煲佢有個沙漏計住落雞後幾時食得，不過啲雞都係老咗少少，個湯底係真椰子呀，個湯好飲，但之後如果再加椰子湯底就逐個椰子$48計，如果唔係就加水🍱套餐火鍋料海鮮牛小排都好新鮮，份量足夠3人份🍚芋頭臘味飯呢個真心加$58好抵，芋頭臘味料好多，重點係咩，係有飯焦卜卜脆㗎🎂🎂🎂🎂🎂🎂🎂🎂🎂🎂🎂🎂🎂🎂食完切蛋糕時仲會幫你影張相，即刻print俾你㗎，Surprise🎂🎂

提起「文昌」一詞，首樣聯想起的東西就是「文昌雞」。「文昌雞」是廣東八大名雞之一，體型嬌小，雞味鮮濃。今趟隨同事到「四季文昌」享用午餐，主要目標就落在「文昌雞」身上。 「四季文昌」的入口在地面，用餐區在一樓。拾級而上，首先見到一個大書櫃。走進餐廳，竟然遇上一個英倫電話亭及一系列小擺設。如無意外，餐廳的前身可能是酒吧西餐廳，在「四季文昌」入駐後，來一個中西文化大集滙，感覺更富特色。 「原味椰子文昌雞鍋」的湯底以椰子水煮成。吃前先把湯底煮滾，再放入整隻文昌鮮雞餚煮 7 分鐘即成。為了準確拿捏烹煮時間，餐廳貼心安排了一個沙漏供食客計時。7 分鐘很快便過去，大家先嚐一件鮮雞，一口椰子雞湯。一如預期，文昌雞的雞味確實鮮濃，皮下脂肪量不多，連皮食更為香口。另外，雞肉經椰子水浸煮，明顯多掛一份甜味。至於椰子雞湯，椰香飄溢，清甜可口。輕咬一口椰肉，軟滑可吃令人滿意。 試了原汁原味的椰子雞湯後，終可投放火鍋生料打邊爐。隨這個午市火鍋套餐可選的生料數量不多，但因連帶其他小吃煲仔飯，份量仍算足夠。「紐西蘭雪花肥牛」賣相普通，肉面還見一層薄霜，肉味評價中等。「手工卜卜脆響鈴」卷物層次比一般響鈴多，脆感不俗

嚴格遵守健康飲食期間的我，許多食物都變成禁忌，特別是生冷寒涼物全部都要禁足，選擇也變得謹慎。但朋友為我慶生特意將餐廳選擇權交由我發板。難度一點也不高，要符合可進食的範圍，又不可怠慢要滿足各方，自然想起食個圍爐的聚餐也不錯！可以開開心心傾傾計又可以令到我個人暖笠笠，我也可以吃到喜歡和可以吃的食物，那大家一定會吃得痛快吧！選擇了一個到訪過的餐廳，因為記起上一次打邊爐的時候試過「四季文昌」的椰子文昌雞鍋真的難忘到至今，所以好想帶我的朋友去嚐嚐這個海南名物椰子雞煲，究竟係會有幾好食！大家約齊在百匯軒地下等候再上去。首先穿過一條瓷磚長樓梯，轉個灣再走到店內，但樓梯上已經見到牆壁掛著大量圖書架，其實用大量書本做裝飾也真的不錯！文青感上升之餘你會覺得好靚好舒服。餐廳入面樓底甚高，我就比較喜歡帶落地玻璃，但今次無緣，安排第二張的卡位座。呢度足足有兩萬呎既空間，裝潢望落似Fustion但門面文青入面又可以同得上摩登懷舊來形容！總之你會喜歡呢一度！同埋呢度比客人等候位置既空間好大，所以等多陣個客人都會容易接受啲！今次餐牌上我完全忘了拍照，因為慶生，開開心心，食野傾計，相機食先又自拍，都忘了，但我相信這不是

越黎越多出色既火鍋店🍲要吸引人就唔再好似以前咁一大堆低質食材倒哂落個煲度一鑊熟了火鍋店要脫穎而出自然要落足心機由餐廳環境，服務，食材同湯底都唔可以馬虎呢間四季文昌隔住條馬路望上去都見到佢的裝修幾特別入到去都幾有驚喜唔似一般打邊爐咁得啲枱佢係有設計的！入面都算係ok 乾淨同埋唔太迫一踏入門口已經聞到好大陣椰子煲雞味即刻好懷念細個媽咪煲既椰子雞湯🥥🥥呢個椰子雞湯幾正宗（好似係）椰子湯水滾後落雞雞肉係無咩味的煲7-8分鐘後開始好香但因雞無奄過所以靠醬油調味見到枱枱都有叫魚皮我地都點黎試試又真係好好食脆卜卜同埋好似岩岩兜左啲蛋黃上去熱辣辣好正我地4個人叫左差不多20 碟野飽到上喉嚨值得推介既係美國筒蠔，牛里脊肉，小羊肉片，鮮准山同埋魚皮P.S. 佢加湯要加42蚊如果唔加錢就係清水🤷🏾‍♀️油炸鬼蝦滑，福袋就麻麻地可以唔洗試水餃🥟都一般勁多肉，有雞加豬加蝦但唔係幾好食太多肉水菜有少少苦味，但都ok竹生正正常常最後都有試埋臘味飯（$78）細煲但都好大煲吃到咁飽都4人只係郁左四分一度🙈味道都ok 總括而言質素不錯有少少似深圳特色火鍋店但價錢就貴啲都可以一試

平日我最愛吃麻辣火鍋，可謂無辣不歡🌶調味醬料也要加一大堆生蒜炸蒜香蔥麻醬辣椒等重口味配料，今次一反常態，兩個小女生來個清雅的火鍋約會😉四季文昌主打海南式椰子雞湯火鍋，文昌雞是海南四大名菜，四季，則是形容椰子的百搭本質，既是夏天止渴良伴，又是冬日滋補鍋物的湯底靈魂。店舖面積非常寬敞，樓底高，空間感十足。幾個大型書架、真皮沙發和黑白地板磁磚散發陣陣文青感，充滿玩味，令吃火鍋不再刻板沈悶。我們二人選了 原味海南椰子文昌雞鍋(半隻) $128先將鍋內的新鮮椰子水煮沸，加入文昌雞，配合沙漏計時慢火煮7分鐘。店方細心地準備了沙漏，好讓大家不會錯過吃嫩雞的最佳時機。先嚐一口湯，椰子雞湯味道清甜滋潤，無添加味精，這個椰子雞煲，材料只有椰子湯底、椰子肉及雞件，食材孰好孰壞，高下立見。海南文昌雞出名肉質鮮嫩、雞味濃郁，幼嫩雞肉滲入淡淡的椰子香味，皮薄少油，女生不用怕肥膩，好吃蘸醬方面，四季文昌只提供簡單的幾種配料 - 在秘製豉油內加入沙薑、辣椒、海南野生青金桔拌混，有開胃生津的作用之餘，更能大大提升雞肉的鮮味。 飲過湯嚐過雞，店員會加入蒸餾水防止湯底越滾越酸，接着便是火鍋時間。黑松露鮮蝦福袋造型可愛，以油

趁住重有少少涼嘅感覺 拿拿聲食多兩餐邊爐先今晚又去左四季文昌 嘆佢個椰子雞湯叫左半份原味棷子雞 整得好乾淨當沙漏倒完 就可以開餐lu 先飲碗湯先好清甜 雞肉好嫩滑 椰子越煮越好食食完椰子雞 終於到今晚嘅主角啦-極上和牛拼盤裡要全部都係靚牛 有佐賀A5同澳洲M5和牛牛肩安格斯牛頸脊 加拿大牛舌粒 同埋安格斯牛粒牛肩肉入口牛味好濃 而且好嫩滑牛舌粒煮極都唔會靭 勁好食食左咁多肉 當然要食返啲菜啦 日本溫室豆苗幼嫩又好玩 自己剪 而且好乾淨重有紫菜響鈴 三秒即食 最尾重加左個臘味香芋煲仔飯 勁足料 重有大量飯焦 香噴噴 完全大滿足