四季煲仔飯

Open Now

Now Closed

好味指數：😋😋😋😋😋推薦指數：⭐⭐⭐⭐⭐冬天天氣凍的時候，就一定會諗起煲仔飯🍚！！所以今日放假特登過黎廟街試一試呢間老字號煲仔飯。✅臘腸滑雞飯煲仔飯包埋飲品👍煲仔飯上菜後要等多5分鐘先可以食，打開蓋後再加上鼓油，一打開蓋即刻芬香撲鼻，充滿期待😋😋臘腸好香，雞肉嫩滑，飯帶有臘腸和滑雞的香味😍飯的口感偏軟而濕潤，略嫌有點軟飯香味不夠。煲仔飯份量十分足夠，基本上一人一煲已經好飽，食唔落蠔餅😭（見到好多人介紹）📍四季煲仔飯地址：油麻地鴉打街46-58號

相信係冬天嚟香港旅行乜必食嘅菜式之一。可惜這個冬天不一樣，今年遊客人數實在大減，平時排晒長龍嘅四季煲仔飯，今日唔使等位直接有得食。當然可能亦都係因為我黎嘅時間唔係高峰時段。食煲仔飯唔少得臘腸，今次叫咗兩個煲仔飯分別係臘腸滑雞同埋臘腸排骨。雞肉同埋排骨一如以往鮮嫩多汁容易入口，加上餐廳嘅豉油，將煲仔飯嘅飯香提升到另一個層次煲仔飯出爐即食真係相當好食，又係一樣冇可能外賣嘅菜式。除咗煲仔飯當然仲有四季嘅招牌菜式，炸蠔餅。粉漿加蛋打發，再撈埋蠔仔去煎，酥脆得來完全唔油膩，只係略嫌蠔仔好似少咗跌啲不過真係好值得一試。

突然間想食煲仔飯，趁著禁6pm後的堂食快啲去食～以往食煲仔飯大排長龍，今日竟然唔使排咁耐！叫左⋯⋯一份細鴨蛋蠔餅，我唔太食蠔，所以比唔到評語～我男朋友話唔錯😜次次食煲仔飯我一定係食例牌～臘腸排骨飯我覺得臘腸同排骨份量還可以⋯⋯但好在食落都唔錯，排骨好滑～仲送大大支可樂，正！下面係臘腸滑雞飯，個樣好似同排骨一樣咁😗

去左好多次呢間4季煲仔飯，每次晚上去都要等15-20分鐘，如果想唔使排隊可以10:30分後去，而我食既臘腸滑雞飯+豪餅，飯身唔太軟唔太硬岩岩好, 另一個係潤腸肉片飯, 2個飯都很好吃比一般餐廳煲仔飯好很多, 有飯香 滑雞好滑有口感,臘腸好吃. 豪餅外脆內軟 !!

氣溫驟降只有12度，凍冰冰突然想食煲仔飯，於是跟好友即興組隊食久違的煲仔飯，我印象中有3年沒有食。7時多已見排隊人龍誇張得看不到龍頭，然後打算轉到隔離的興記，不過都是多人，朋友說較推介四季，所以只有等等時間不早, 相信都要等45分鐘至1小時, 於是醒目地在旁邊小食店買了魚蛋、燒賣等邊食邊排。好快就已經45分鐘，終於有機會預早落單。四季只有煲仔飯、炸蠔餅、湯, 汽水飲品等都沒有售賣。入座坐約10分鐘已有煲仔飯及蠔餅一同上檯，時間夾得剛剛好臘腸滑雞飯 $42: 飯未夠乾身，可以焗多一會兒更好。臘腸肥瘦適中, 而雞的確幾滑。鳳爪排骨飯 $42: 好喜歡食鳳爪, 不過只得一隻, 而排骨都算入味。鴨蛋炸蠔餅 $30: 炸粉薄夠香脆, 相對地蠔份量好少, 不過的確要將價就貨, 點辣醬更惹味。四季在煲仔飯之中算出名, 不過當日我食味道一般未夠出色, 而朋友說水準比之前差了, 我應該未必會再去, 勝在價錢取勝。坐在室內較溫暖, 食煲仔飯總是欠一點感覺, 如可以在室外食著暖暖煲仔飯感覺又會不同

4月9日, 呀比又黎到油麻地等呀菲放學, 仲提議食煲仔飯~ 雖然已經係春尾夏至, 但係唯獨呢一間煲仔飯咁多人, 店如其名, 四季都咁多人排隊~ 可再我可以一路等放學一路排隊, 就唔會o徙時間. 排緊隊時, 都見到好多外國人慕名而來, 廟街煲仔飯出名不在話下, 不過呢一度我地都係第一次食~::: 臘腸滑雞飯 ::: $22講明即叫即做, 等20分鐘都無怨言~ 等呀等, 終於都到, 黎到都仲要焗佢5分鐘, 真係有種急不及待嘅心情~ 一打開, 好香嘅味道, 臘腸, 雞同飯味混在一起. 豉油支放喺枱面任落, 可以隨個人喜好, 又唔會孤寒~ 雖然應該都係用冰鮮雞, 不過食落肉地嫩滑, 同新鮮雞冇乜分別, 蒸得剛剛好~ 臘腸只有一條略為唔夠, 太過乾身同硬, 就唔建議叫臘腸… 飯都唔錯, 可能焗得唔夠耐, 飯焦唔算太多. 整體而言, 當然唔及登龍街好食, 亦唔夠惹味, 不過咁樣嘅價錢又真係食到風味, 喺香港島食店係搵唔到的.::: 蠔餅 ::: $20鍾意廟街d蠔餅夠晒脆, 同埋會俾一大pat辣椒醬~ 用上鴨蛋煎, 蠔同蛋嘅比例預咗差好遠, 不過好彩呢次都搵到唔少蠔, size都幾大, 而且幾鮮味