四季煲仔飯

Open Now

Now Closed

相信係冬天嚟香港旅行乜必食嘅菜式之一。可惜這個冬天不一樣，今年遊客人數實在大減，平時排晒長龍嘅四季煲仔飯，今日唔使等位直接有得食。當然可能亦都係因為我黎嘅時間唔係高峰時段。食煲仔飯唔少得臘腸，今次叫咗兩個煲仔飯分別係臘腸滑雞同埋臘腸排骨。雞肉同埋排骨一如以往鮮嫩多汁容易入口，加上餐廳嘅豉油，將煲仔飯嘅飯香提升到另一個層次煲仔飯出爐即食真係相當好食，又係一樣冇可能外賣嘅菜式。除咗煲仔飯當然仲有四季嘅招牌菜式，炸蠔餅。粉漿加蛋打發，再撈埋蠔仔去煎，酥脆得來完全唔油膩，只係略嫌蠔仔好似少咗跌啲不過真係好值得一試。